སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ལས་བྱེད་པའི་བྱས་རྗེས་བཟང་ངན་ལ་གདེང་འཇོག་བྱེད་པར་འགག་རྩ་དེ་མི་སེར་གྱི་བསྔགས་བརྗོད་ཐོབ་མིན་ལ་བལྟ་དགོས”ཞེས་གསུངས་ཡོད།
● སྲིད་དོན་ལས་རྗེས་ཀྱི་ཤན་འབྱེད་དབང་ཆ་མི་དམངས་ལ་དབང་བ་དང་། མང་ཚོགས་བློ་ཡིད་ཚིམ་པ་ནི་སྲིད་དོན་ལས་རྗེས་ཀྱི་རིན་ཐང་ལ་ཚད་འཇལ་བྱེད་པའི་ཚད་གཞི་མཐོ་ཤོས་ཤིག་ཡིན།
● སྲིད་དོན་ལས་རྗེས་ནི་སྙན་ཞུའི་ནང་བྲིས་པའི“ཕྱི་ཚུལ་ཙམ་གྱི་ལས་ཀ”ཞིག་མིན་པར། མང་ཚོགས་ཀྱིས་མིག་མཐོང་ལག་ཟིན་ཐུབ་པའི“དམངས་སེམས་ཀྱི་འདུ་འགོད”ཅིག་ཡིན།
སུའི་ཆེད་དུ་སྲིད་དོན་ལས་རྗེས་འཇོག་པ་དང་། སྲིད་དོན་ལས་རྗེས་གང་འདྲ་ཞིག་འཇོག་པ། གང་ཞིག་ལ་བརྟེན་ནས་སྲིད་དོན་ལས་རྗེས་འཇོག་པ་བཅས་ནི་ཐོག་མའི་བསམ་འདུན་དང་འགན་འཁྲིའི་དྲི་བ་ཞིག་རེད་ལ། དུས་རབས་དང་ལག་ལེན་གྱི་དྲི་བ་ཞིག་ཀྱང་རེད།
