● ཁོལ་ཁོལ་ཁུ་ནག་ནང་ཀོག་ཧྥེ་དབྱིན་འདུས་པས། བཏུངས་དྲགས་ན་སྙིང་ཁ་གཡུག་ཤུགས་ཆེ་རུ་འགྲོ་ཡི་ཡོད། ཁོལ་ཁོལ་ཁུ་ནག་ནང་རྫས་འགྱུར་དངོས་པོ་ལེམ་སྐྱུར་དང་དབྱང་གཉིས་ཐཱན་འགྱུར་འདུས་པས་བཏུངས་དྲགས་ན་སོ་རུལ་སླ་རུ་འགྲོ་ཡི་ཡོད།
● ད་དུང་ཁོལ་ཁོལ་ཁུ་ནག་ནང་མངར་ཆ་མང་པོ་འདུས་པས་ཤ་རྒྱགས་པ་ཆགས་ཀྱི་ཡོད། དེར་བརྟེན། གཟུགས་བྱད་ལ་དང་དོད་གནང་མཁན་ཚོས་འཛེམས་ན་ཡག་པོ་འདུག
● སྦྲུམ་མས་ཁོལ་ཁོལ་ཁུ་ནག་བཏུངས་ན་གནོད་པ་ཆེ། གང་ཡིན་ཟེར་ན་དེའི་ནང་དུ་འདུས་པའི་ཀོག་ཧྥེ་དབྱིན་གྱིས་ཕྲུ་གུའི་ཀླད་པ་དང་སྙིང་སོགས་ལ་གནོད་པ་ཆེན་པོ་ཡོད་པས། ཕྲུ་གུ་ཡ་མ་གཟུགས་སྐྱེས་པའམ་ལྷན་སྐྱེས་རང་བཞིན་གྱི་ནད་ཕོག་ཉེན་ཆེན་པོ་ཡོད།
● ཁོལ་ཁོལ་ཁུ་ནག་འཐུང་རྒྱུར་དགའ་པོ་ཡོད་མཁན་གྱི་རུས་པ་སོབ་སོབ་ཆགས་ཚད་དེ་མི་འཐུང་མཁན་ལས་ལྡབ་5ཡིས་མང་བ་ཡོད། རྒྱུ་མཚན་ནི་དེའི་ནང་གི་རྫས་འགྱུར་དངོས་པོ་ལེམ་སྐྱུར་གྱིས་ལུས་པོའི་འཚོ་བཅུད་འཐེན་གྱི་ཡོད་པས་རེད།
● དེ་སྔ་མི་ཞིག་གིས་ཁོལ་ཁོལ་ཁུ་ནག་ནང་ལྕགས་གཟེར་བླུགས་ནས་འགྱུར་ལྡོག་གང་འགྲོ་མིན་ལ་ཚོད་ལྟ་བྱེད་སྐབས། ཧང་སངས་དགོས་པ་ཞིག་ལ་ཁུ་ནག་ཆུང་ཆུང་དེས་ལྕགས་གཟེར་ཡང་ཞུ་ཐུབ་ཀྱི་ཡོད། གལ་སྲིད་རྒྱུན་དུ་ནས་ཁོལ་ཁོལ་ཁུ་ནག་མང་པོ་བཏུངས་ན་ཕོ་བ་དང་རྒྱུ་མར་གནོད་པ་ཆེན་པོ་ཡོད་པ་སྨོས་མེད་རེད།
རབ་བྱུང་ན་རྣམ་ཀུན་ནས་ང་ཚོས་བཏུང་བྱ་འདི་རིགས་ཉུང་ཙམ་འཐུང་དགོས་པ་དང་། གལ་ཏེ་བཏུངས་ནའང་ཚད་རན་པོ་ཞིག་འཐུང་དགོས།
