འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་ཆར། གྲོང་ཨུད་ཀྱི་ཧྲུའུ་ཅི། གྲོང་ཨུད་ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ཨུ་ཡོན་ལྷན་ཁང་གི་ཀྲུའུ་རེན་ལི་ཧྥུའུ་ཀྲུང་གིས་གྲོང་ཨུད་ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ཨུ་ཡོན་ལྷན་ཁང་གི་ཚོགས་འདུ་གཙོ་སྐྱོང་གནང་ནས། ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་རང་སྐྱོང་ལྗོངས་ཏང་ཨུད་ཀྱི་ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ཨུ་ཡོན་ལྷན་ཁང་གི་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། 《ཀྲུང་གུང་ལྷོ་ཁ་གྲོང་ཨུད་ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ཨུ་ཡོན་ལྷན་ཁང་གི་2025ལོའི་ལས་དོན་གཙོ་གནད》ལ་གྲོས་ཞིབ་བྱས་པ་མ་ཟད། ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བའི་ལས་དོན་ལ་བཀོད་སྒྲིག་བྱས་པ་རེད།
གྲོང་ཁྱེར་འགོ་ཁྲིད་ཝང་ཏེ་ཝུན་དང་། བག་གྲོ། ཝང་ཡུན་ཆིང་། བསྟན་འཛིན། ལི་ཡཱ་ཞང་། བཀྲ་ཤིས་ཕུན་ཚོགས། ཧྥུང་ཞའོ་དབྱི། ཕན་ཀང་ཕིང་། ལིའུ་ཧྲེང་གཡུས། ཀྲང་ཝུའེ་སོགས་ཚོགས་འདུར་ཞུགས་ཡོད་པ་རེད།
（པར་ངོས་གསུམ་པར་གཟིགས） （པར་ངོས་དང་པོར་མཐུད） ལི་ཧྥུའུ་ཀྲུང་གིས་གསུངས་དོན། འདས་ཟིན་པའི་ལོ་གཅིག་རིང་། གྲོང་ཁྱེར་ཡོངས་ཀྱི་གོང་འོག་ཚང་མས་ཕྱོགས་ཡོངས་ནས་བསྒྱུར་བཅོས་གཏིང་ཟབ་ཏུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གསར་པ་དང་། ལྟ་བ་གསར་པ། ཆོད་གཏམ་གསར་པ་བཅས་སློབ་སྦྱོང་དང་ལག་བསྟར་མཐར་ཕྱིན་བྱས་པ་དང་། ལྗོངས་ཏང་ཨུད་སྐབས་བཅུ་པའི་ཚང་འཛོམས་གྲོས་ཚོགས་ཐེངས་དྲུག་པ་དང་། ཧྲུའུ་ཅི་ཝང་ཅུན་ཀྲེང་གིས་ཕྱོགས་ཡོངས་ནས་བསྒྱུར་བཅོས་གཏིང་ཟབ་ཏུ་གཏོང་རྒྱུའི་སྐོར་གྱི་གསུང་བཤད་དང་མཛུབ་སྟོན་དགོངས་དོན་། ཏང་ཀྲུང་དབྱང་དང་ལྗོངས་ཏང་ཨུད་ཀྱིས་ཁ་གསལ་བཟོས་པའི་བསྒྱུར་བཅོས་ཀྱི་དོན་ཚན་བཅས་ལ་དམ་པོར་དམིགས་པ། སྤྱི་ཚོགས་བཅོས་སྐྱོང་དང་དཔལ་འབྱོར་འཛུགས་སྐྲུན། དམངས་འཚོ་ལེགས་གཏོང་། སྐྱེ་ཁམས་ཁོར་ཡུག མཐའ་མཚམས་བཅོས་སྐྱོང་། ཏང་འཛུགས་སྐྱོང་སོགས་ཀྱི་ཁྱབ་ཁོངས་སུ། སྒྱུར་བཅོས་བྱེད་ཤུགས་ཆེ་རུ་བཏང་ནས་གསར་གཏོད་ཕོད་པ་དང་།འཁུར་ཕོད་བྱས་རྗེས་འཇོག་པའི་ཐོག་ནས་བསྒྱུར་བཅོས་ཀྱི་ཕན་འབྲས་རྒྱུན་ཆད་མེད་པར་མངོན་གསལ་དོད་དུ་བཏང་སྟེ་ལྷོ་ཁ་ཡུན་རིང་བདེ་འཁོད་དང་སྤུས་མཐོའི་གོང་འཕེལ་ལ་སྒུལ་ཤུགས་དང་ལམ་ལུགས་འགན་སྲུང་ཆེན་པོ་མཁོ་འདོན་བྱས་ཡོད།
ལི་ཧྥུའུ་ཀྲུང་གིས་ནན་བཤད་གནང་དོན། ཆབ་སྲིད་ཀྱི་ཚུགས་གནས་མཐོ་རུ་བཏ ང་ཐོག་ཕྱོགས་ཡོངས་ནས་བསྒྱུར་བཅོས་གཏིང་ཟབ་ཏུ་གཏོང་རྒྱུའི་སྐོར་གྱི་ཏང་ཀྲུང་དབྱང་དང་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ལག་བསྟར་ནན་ཏན་དང་དོན་འཁྱོལ་བྱེད་དགོས་པ་དང་། དཔལ་འབྱོར་ལམ་ལུགས་ཀྱི་བསྒྱུར་བཅོས་ཁྲིད་སྟོན་དུ་བྱས་ཏེ། དོན་ཆེན་བཞི་དེ་ཉིད་བསྒྱུར་བཅོས་གཏིང་ཟབ་ཏུ་གཏོང་བའི་ལྟེ་བའི་ལས་འགན་ཏུ་བརྩི་རྒྱུ་མཐའ་འཁྱོངས་ཀྱིས། བསྒྱུར་བཅོས་གཏིང་ཟབ་ཏུ་གཏོང་བའི་ལས་དོན་དམ་འཛིན་ཏན་ཏིག་བྱས་ཏེ། བསྒྱུར་བཅོས་དོན་འཁྱོལ་ལ་རྒྱུན་མཐུད་ཤུགས་ཆེར་གཏོང་དགོས་པ་དང་། རེ་རེ་བཞིན་ཞིབ་འཇུག་དང་། རེ་རེ་བཞིན་སྐུལ་འདེད་བཏང་སྟེ། བསྒྱུར་བཅོས་ཀྱི་ལས་འགན་ཁག་དོན་འཁྱོལ་ཡོང་བར་འགན་ལེན་བྱེད་དགོས། བསྒྱུར་བཅོས་ཀྱི་འདུ་ཤེས་ཤུགས་ཆེར་བཏང་ནས་ཉམས་མྱོང་ལ་མུ་མཐུད་ཕྱོགས་བསྡོམས་དང་། གྲུབ་འབྲས་དར་སྤེལ། ངེད་གྲོང་ཁྱེར་གྱི་བསྒྱུར་བཅོས་ཀྱི་གཙོ་གནད་ལས་འགན་ལ་དམ་པོར་དམིགས་པ། གཙོ་གནད་ཁྱབ་ཁོངས་དང་གཙོ་གནད་ལས་འགན་ལ་དམིགས་པ། སྤྱི་ཡོངས་འཆར་འགོད་དང་སྐུལ་འདེད་གཏིང་ཟབ་གཏོང་བ། གཟེར་འདེབས་སྙིང་སྟོབས་ལ་བརྟེན་ནས་བསྒྱུར་བཅོས་དོན་འཁྱོལ་དམ་འཛིན་ནན་པོ་བཅས་བྱ་དགོས། གཙོ་གནད་ཁྱབ་ཁོངས་དག་འགག་སྒྲོལ་གྱི་ཁ་བཤོ་འབིགས་ས་བྱས་ཐོག་གཏིང་ཟབ་སར་འཛུལ་ཕོད་པ་དང་། མུར་ཁག་ས་མུར་ཕོད་པ། འགལ་ཟླར་ཐད་ཀར་གདོང་གཏད་ཕོད་པ། དཀའ་ངལ་ལ་གདོང་ཐུག་ནས་སེལ་ཕོད་པ། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བཅས་བྱས་ཏེ་བསྒྱུར་བཅོས་གལ་ཆེན་ལ་ཕན་འབྲས་དངོས་ཐོན་རྒྱུར་སྐུལ་འདེད་མཐའ་འཁྱོངས་གཏོང་དགོས།
ལི་ཧྥུའུ་ཀྲུང་གིས་ནན་བཤད་གནང་དོན། རྩ་འཛུགས་འགོ་ཁྲིད་ལ་ཤུགས་སྣོན་རྒྱག་དགོས་པ་དང་། མིག་མང་འགྲིག་སྐོར་གཅིག་གི་བསམ་བློ་བརྟན་པོ་འཛུགས་པ། འགན་འཁྲི་ཁ་གསལ་དང་། འབྲེལ་ཐག་ཆ་ཚང་བ། ལྕགས་ཐག་ལྟ་བུར་ཕན་ཚུན་དམ་འབྲེལ་བཅས་ཀྱི་བསྒྱུར་བཅོས་སྐུལ་འདེད་ལམ་སྲོལ་ཆ་ཚང་ཞིག་བཙུགས་ནས་ལས་ཀའི་འགན་འཁྲི་ནན་གཏོང་དང་། ལྟ་སྐུལ་དཔྱད་ཞིབ་ཤུགས་ཆེན། དུས་ཐོག་ཏུ་བསྒྱུར་བཅོས་ཀྱི་ཉམས་མྱོང་བཟང་པོ་དང་བྱ་ཐབས་བཟང་པོར་ཕྱོགས་བསྡོམས་དང་ལེགས་བསྡུ་བཅས་བྱས་ཐོག་ལམ་ལུགས་ཀྱི་གྲུབ་འབྲས་དག་འཕེལ་རྒྱས་ཀྱི་སྒུལ་ཤུགས་དངོས་ལ་འགྱུར་ཐུབ་པ་བྱེད་དགོས་སོ།།
བསོད་ནམས་བསྟན་པས་བསྒྱུར། བསོད་ཡེས་ཞུས།
