མི་དམངས་ཉིན་རེའི་ཚཌ་པར་ཐོག་གནས་ཚུལ་སྤེལ་བར་གཞིཌ་ན། 2023ལོའི་དབྱར་གསེང་འཇོག་ལ་ཉེ་བའི་མཚམས་འདིར། རིག་ཚན་ཁག་གི་གསོ་སྦྱོང་བཅོས་སྒྲིག་གི་གྲུབ་འབྲས་བརྟན་དུ་གཏོང་བ་དང་། རིག་ཚན་མིན་པའི་རིགས་ཀྱི་གསོ་སྦྱོང་ལ་ལྟ་འདོམས་བྱེད་ཤུགས་ཆེ་རུ་གཏོང་བ། ཉེན་ཁ་སྣ་ཚོགས་ལ་འགོག་ཟོན་དང་སེལ་བ་བཅས་བྱས་ཏེ། རྒྱ་ཆེའི་སློབ་གྲྭ་འབྲིང་ཆུང་གི་སློབ་མར་སྐྱོན་བྲལ་དང་། བདེ་འཇགས། ཕུན་སུམ་ཚོགས་ལ་དོན་སྙིང་ལྡན་པ་བཅས་ཀྱི་དབྱར་གསེང་ཞིག་གཏོང་བར་རོགས་རམ་བྱ་ཆེད། ཉེ་ཆར་སློབ་གསོ་པུས་བརྡ་ཐོ་བཏང་སྟེ་ས་གནས་ཁག་གི་སློབ་གསོ་སྲིད་འཛིན་སྡེ་ཚན་ལ་དབྱར་གསེང་གི་སློབ་ཕྱིའི་གསོ་སྦྱོང་བཅོས་སྒྲིག་གི་ལས་དོན་ཡག་པོ་སྒྲུབ་དགོས་པའི་བཀོད་སྒྲིག་བྱས་པ་རེད།

བརྡ་ཐོར། ས་གནས་ཁག་གིས་དམ་བསྒྲགས་རྣམ་པ་རྒྱུན་འཁྱོངས་བྱས་ཏེ། མངོན་མེད་ངོ་འགྱུར་ལ་རྡུང་རྡེག་ཚ་ནན་གཏོང་དགོས། རིག་ཚན་རིགས་ཀྱི་གསོ་སྦྱོང་སྒྲིག་གཞིས་སྒྲིག་འགལ་ངང་འཛིན་གྲྭ་འཚོགས་པ་དང་། གསོ་སྦྱོང་སྒྲིག་གཞིའི་ཐོབ་ཐང་མེད་པར་བཟོས་ཀྱང་མུ་མཐུད་འཛིན་གྲྭ་འཚོགས་པ། ལོ་3ནས་6བར་གྱི་སློབ་ལོ་མ་ལོན་པའི་བྱིས་པར་ཕྱོགས་པའི་གསོ་སྦྱོང་སྒྲིག་གཞིས་སྒྲིག་འགལ་ངང་རིག་ཚན་རིགས་ཀྱི་གསོ་སྦྱོང་བྱེད་པ། རིག་ཚན་རིགས་མིན་པའི་གསོ་སྦྱོང་སྒྲིག་གཞིས་མགོ་བདེ་དྲན་འཕྲུལ་བྱས་ཏེ་རིག་ཚན་རིགས་ཀྱི་གསོ་སྦྱོང་བྱེད་པ་སོགས་ཀྱི་གནད་དོན་གཏན་འགོག་བྱེད་དགོས། གསོ་སྦྱོང་སྒྲིག་གཞིར་རིན་གོང་གསལ་འགོད་དང་གོང་བཅད་ལུགས་མཐུན་ཐད་ཁྲིད་སྟོན་བྱེད་དགོས་པ་དང་། ཁྲིམས་འགལ་སྒྲིག་འགལ་ངང་གྲོན་དངུལ་བསྡུ་བའི་བྱེད་སྤྱོད་དང་ལྷག་པར་དུ་དབྱར་གསེང་གི་གོ་སྐབས་སྤྱད་དེ་རིན་གོང་གང་བྱུང་སྤོར་བའི་བྱེད་སྟངས་ལ་འཕེལ་རྒྱས་སྒྱུར་བཅོས་དང་ཁྲོམ་ར་ལྟ་འདོམས་སོགས་སྡེ་ཚན་དང་མཉམ་འབྲེལ་བྱས་ཏེ་ཞིབ་བཤེར་ནན་པོ་བྱེད་དགོས་པའི་བླང་བྱ་བཏོན་ཡོད།