གཏན་འབེབས་གཞིར་བཟུང་། དྲ་འབྲེལ་ཞིབ་བསྡུར་མ་ལག་གིས་གྲོང་མིའི་ཐོབ་ཐང་ལག་ཁྱེར་གོ་མི་ཆོད་པ་དང་། བརླག་ཐོ་བཀོད་པ། ཡང་ན་གྲོང་མིའི་ཐོབ་ཐང་ལག་ཁྱེར་གྱི་ཆ་འཕྲིན་དང་གཅིག་མཚུངས་མིན་པ་སོགས་ཀྱི་ཚུར་ལན་སྤྲོད་སྐབས། དངུལ་ཁང་གིས་མི་དེས་གོ་མི་ཆོད་པ་དང་། བརླག་ཐོ་བཀོད་པའི་ཐོབ་ཐང་ལག་ཁྱེར། གྲོང་མིའི་ཐོབ་ཐང་ལག་ཁྱེར་མིན་པའི་ལག་ཁྱེར་རྫུན་མ་སྤྱད་པ་གཏན་འཁེལ་ཚེ་མི་དེར་འབྲེལ་ཡོད་ཀྱི་ལས་སྒོ་མི་གཉེར་ན་ཆོག ད་དུང་མི་དེས་ཐོབ་ཐང་ལག་ཁྱེར་རྫུན་མ་དང་གཞན་གྱི་ཐོབ་ཐང་ལག་ཁྱེར་གང་བྱུང་དུ་སྤྱད་ནས་རྩིས་ཐོ་བཟོས་པའམ་ཡང་ན་ལས་སྒོ་གཞན་གཉེར་ཚེ། སྤྱི་བདེ་ལས་ཁུངས་ལ་གྱོད་དོན་སྙན་སེང་ཞུ་ཆོག
ཀྲུང་གོ་མི་དམངས་དངུལ་ཁང་གིས་མི་སྒེར་གྱི་གོ་མི་ཆོད་པའི་ཐོབ་ཐང་ལག་ཁྱེར་གྱི་ཆ་འཕྲིན་དང་གྲོང་མིའི་ཐོབ་ཐང་ལག་ཁྱེར་མིན་པའི་ཆ་འཕྲིན་ཞིབ་བསྡུར་འབྲས་བུར་དོགས་པ་ཡོད་ཚེ། ཞིབ་བསྡུར་དངུལ་ཁང་ལ་གནས་ཚུལ་དེ་བརྗོད་ཆོག་ལ་ཞིབ་བསྡུར་དངུལ་ཁང་གནས་ཡུལ་གྱི་མི་དམངས་དངུལ་ཁང་གི་ཡན་ལག་དངུལ་ཁང་ལའང་བརྗོད་ཆོག་གི་འདུག
