（པར་ངོས་དང་པོར་མཐུད） གསར་སྤེལ་ཨུ་ལྷན་གྱི་ཀྲུའུ་རེན་གཞོན་པ་ཧྲི་ཡུས་ཧུའེ་ཡིས། ཚོགས་པས་བོད་ལ་གཞི་ཚུགས་ནས་ཨེ་ཤེ་ཡ་ལྷོ་མར་ཕྱོགས་ནས་བོད་ཀྱི་ཡུལ་སྐོར་ཐོན་ལས་ཀྱི་མ་འཇོག་དང་མ་དངུལ་བསྡུ་སྒྲིལ་གྱི་ལས་སྟེགས་དང་། ཐོན་རྫས་གསར་གཏོད་ལས་སྟེགས། སྤུས་རྟགས་དྲིལ་བསྒྲགས་ལས་སྟེགས། ཤེས་ལྡན་མི་སྣ་གསོ་སྐྱོང་ལྟེ་གནས་སོགས་ལས་སྟེགས་གསུམ་དང་རྟེན་གཞི་གཅིག་བཅས་བསྐྲུན་རྒྱུ་ཡིན། ཚོགས་པས་གཙོ་བོ་བོད་ཀྱི་ཕུན་སུམ་ཚོགས་པའི་ཡུལ་སྐོར་རིག་གནས་ཐོན་ཁུངས་ལ་ཆུ་ཚད་མཐོ་ཞིང་གཏིང་ཟབ་པ་དང་གོ་རིམ་ལྡན་པའི་ངང་གསར་སྤེལ་དང་། བོད་ཀྱི་ཡུལ་སྐོར་ཐོན་ལས་ཕྱོགས་སྒྱུར་རིམ་སྤོར་ལ་སྐུལ་འདེད་བཏང་སྟེ་འཛམ་གླིང་གི་ཡུལ་སྐོར་དམིགས་ས་གལ་ཆེན་གཏོད་རྒྱུར་རོགས་སྐྱོར་བྱ་རྒྱུ་ཡིན་ཞེས་བརྗོད།

ངོ་སྤྲོད་བྱས་པར་གཞིགས་ན། བོད་ལྗོངས་རྒྱལ་སྤྱིའི་ཡུལ་སྐོར་རིག་གནས་མ་འཇོག་ཚོགས་པ་ཚད་ཡོད་ཀུང་སིས་དབང་ཆ་སྤྲད་དེ་བོད་ཡོངས་ཀྱི་ཡུལ་སྐོར་རིག་གནས་རྣམ་གྲངས་གསར་སྤེལ་གཉེར་སྐྱོང་དང་ཆབས་ཅིག ས་ཁོངས་སྒྲོལ་བ་དང་འབྲེལ་ཡོད་ཁྱབ་ཁོངས་ཀྱི་དམིགས་བསལ་ཆོག་འཐུས་ཀྱི་གཉེར་སྐྱོང་དབང་ཆ་མཉམ་སྤྱོད་བྱ་རྒྱུ་ཡོད་པ་མ་ཟད། ད་དུང་བོད་ཡོངས་ཀྱི་A4དང་A5རིམ་པའི་ཡུལ་སྐོར་ཐོན་ཁུངས་ལ་ཡོངས་བཤེར་དང་གསར་སྤེལ་གྱི་འགན་འཁུར་རྒྱུ་རེད།