འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་དུས། ངེད་གྲོང་ཁྱེར་གྱིས་“ཡར་ཀླུང་གླེང་སྟེགས”ཆེད་དོན་ཟུར་ཁྲིད་འཆད་ཁྲིད་འཚོགས་ཤིང་། རང་སྐྱོང་ལྗོངས་ཏང་ཨུད་ཏང་གི་སློབ་གྲྭའི་(སྲིད་འཛིན་སློབ་གླིང་)སློབ་སྤྱི་གཞོན་པ་(ཡོན་ཀྲང་གཞོན་པ་)ཧོང་ཤང་ཧོའེ་གདན་ཞུ་བྱས་ནས་《ཏང་ཡོན་ལས་བྱེད་པའི་འདུ་ཤེས་འཛིན་སྟངས་ཀྱི་ནུས་པ་ཆེ་རུ་གཏོང་དགོས་》ཞེས་འགོ་བརྗོད་དུ་འཁོད་པའི་ཆེད་དོན་ཟུར་ཁྲིད་གནང་བ་རེད། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ལུའོ་ཏུང་ལེང་གིས་འཆད་ཁྲིད་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།
བཀྲ་ཤིས་ཕུན་ཚོགས་དང་། ཡང་ཀྲི་ཧྭ། ཉིའུ་ཁུན་སོགས་འགོ་ཁྲིད་ཀྱིས་འཆད་ཁྲིད་གསན་པ་རེད། ཧོང་ཤང་ཧོའེ་ཡིས་"གལ་ཆེའི་རང་བཞིན་གང་ནས་བྱུང་བ་དང་། གྲུབ་འབྲས་གང་ནས་བྱུང་བ། ཉེན་ཁ་གང་ནས་བྱུང་བ། ནུས་པ་གང་ནས་བྱུང་བ་"བཅས་ཕྱོགས་བཞིར་དམིགས་ནས་བརྗོད་དོན་ཁ་གསལ་དང་། ནང་དོན་ཕུན་སུམ་ཚོགས་པ། དབྱེ་ཞིབ་མཐར་ཕྱིན་པ།མཛུབ་སྟོན་རང་བཞིན་ཆེ་བ་བཅས་ཀྱི་ཆེད་དོན་ཟུར་ཁྲིད་བྱས་པ་དང་། ཟུར་ཁྲིད་སྙན་ཞུར་རིགས་པའི་གཞུང་ལུགས་ཀྱི་མཐོ་ཚད་ཡོད་ལ་མིག་སྔའི་འདུ་ཤེས་འཛིན་སྟངས་ལས་དོན་གྱི་དོན་དངོས་དང་ཡང་ཟུང་འབྲེལ་དམ་ཟབ་བྱས་པ་དང་། དུས་བབ་ལ་ཞིབ་འཇུག་དང་བརྡར་ཤ་གཏིང་ཟབ་བཅད་ཡོད་ལ་ཞིབ་ཕྲའི་ལས་དོན་གྱི་མཛུབ་ཁྲིད་ཀྱང་ཡོད་པས་ཚང་མས་དུས་བབ་སྔར་བས་གསལ་རྟོགས་དང་།བསམ་ཕྱོགས་གསལ་བཟོ། འགན་འཁྲི་ནན་འཁུར། ལས་དོན་དམ་འཛིན་བཅས་བྱེད་རྒྱུར་རིགས་པའི་གཞུང་ལུགས་ཀྱི་འདེགས་སྐྱོར་དང་ལག་ལེན་གྱི་མཛུབ་ཁྲིད་ནུས་ལྡན་མཁོ་འདོན་བྱས་ཡོད།།
ཡེ་ཤེས་བཟང་མོས་བསྒྱུར། བསོད་བདེས་ཞུས།
