འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་ལམ། ལྷོ་ཁ་གྲོང་ཁྱེར་གྱི་འདུ་ཤེས་འཛིན་སྟངས་ཁྱབ་ཁོངས་ཀྱི་ཆེད་དོན་དག་ཐེར་ཚོགས་ཆུང་གི་དག་ཐེར་སྐུལ་འདེད་ཚོགས་འདུ་འཚོགས་ནས་སྐོར་ཞིབ་ལས་དོན་དང་འདུ་ཤེས་འཛིན་སྟངས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རྣམ་བཤད་གལ་ཆེན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་མཐར་ཕྱིན་བྱས་ཐོག་སྐོར་ཞིབ་དག་ཐེར་ལས་དོན་སྐོར་གྱི་ཏང་ཀྲུང་དབྱང་གི་བཀོད་སྒྲིག་དང་། ལྗོངས་ཏང་ཨུད་དང་གྲོང་ཨུད་ཀྱི་ལས་ཀའི་བླང་བྱ་ཕྱོགས་ཡོངས་ནས་དོན་འཁྱོལ་དང་ཆེད་དོན་དག་ཐེར་ཚོགས་ཆུང་གི་དག་ཐེར་ལས་དོན་གྱི་འཕེལ་རིམ་གནས་ཚུལ་བརྡ་ཁྱབ་བཏང་ནས་གོམ་སྟབས་རྗེས་མའི་ལས་དོན་ལ་བཀོད་སྒྲིག་བྱས་པ་རེད། གྲོང་ཨུད་རྒྱུན་ཨུ། དྲིལ་བསྒྲགས་པུའི་པུའུ་ཀྲང་ཕན་ཀང་ཕིང་གིས་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད། ཕན་ཀང་ཕིང་གིས་བླང་བྱ་བཏོན་དོན། ཆབ་སྲིད་ཀྱི་འགན་འཁྲི་སྔར་བས་ནན་དུ་བཏང་ནས་ཚན་པ་ཁག་གི“གཙོ་འགན་འཁུར་མཁན”གྱིས་འགན་འཁྲི་བ་དང་པོའི་འགན་འཁྲི་མཐའ་གཅིག་ཏུ་འཁུར་ནས་རང་ཉིད་ངོ་མས་འདྲི་རྟོག་དང་། སྒྲུབ་སྐུལ། དག་ཐེར་བཅས་བྱས་ཐོག་དག་ཐེར་ལས་དོན་ཁྲལ་སེལ་སླ་བཅོས་མི་བྱེད་པའི་འགན་ལེན་བྱེད་དགོས། དག་ཐེར་གྱི་མཚམས་ཚིགས་ལ་དམ་པོར་དམིགས་ནས་མིག་སྔའི་དག་ཐེར་ལས་དོན་དེ་འགག་སྒྲོལ་གྱི་དུས་མཚམས་སུ་སླེབས་ཡོད་པས་དུས་ཚོད་ཐུང་བ་དང་ལས་འགན་ལྕི་རྐྱེན་ངེས་པར་དུ་དག་ཐེར་ཇུས་གཞིར་ནན་པོར་གཞིགས་ནས་སྐུལ་འདེད་གཏོང་དགོས་པ་དང་། འདུ་ཤེས་འཛིན་སྟངས་ཁྱབ་ཁོངས་དང་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་སོགས་དཀའ་གནད་ཀྱི་གནད་དོན་ལ་སྟོབས་ཤུགས་གཅིག་སྡུད་དང་འབེན་ལ་ཕྱོགས་ནས་མདའ་མོ་འཕེན་ཤུགས་ཆེ་རུ་བཏང་སྟེ་གཏན་འབེབས་ཀྱི་མཚམས་ཚིགས་སུ་དག་ཐེར་གྱི་ལས་འགན་ལེགས་སྒྲུབ་ཐུབ་པའི་འགན་ལེན་བྱེད་དགོས། དག་ཐེར་གྱི་ཕན་འབྲས་ཆེ་རུ་བཏང་ནས་མིག་སྔའི་གནད་དོན་ཐག་གཅོད་བྱེད་དགོས་ལ་ཕུགས་ཕན་ལམ་སྲོལ་ཡང་བརྟན་དུ་བཏང་ནས་གནད་དོན་བསྐྱར་ལོག་མི་ཡོང་བ་བྱེད་དགོས་པ་དང་དུས་མཚུངས་ལྟ་བཤེར་དང་འགན་འཁྲི་བདའ་འདེད་གཏོང་ཤུགས་ཆེ་རུ་བཏང་ནས་དག་ཐེར་ཡག་པོ་མ་བྱུང་བ་དང་། འཕེལ་རིམ་འགོར་བ། ཁྲལ་སེལ་སླ་བཅོས་བཅས་བྱེད་མཁན་ཚན་པ་དང་མི་སྒེར་ལ་འགན་འཁྲི་བདའ་འདེད་ནན་པོ་བཏང་སྟེ་གཅུན་འདོམས་བཙན་ཤོས་ལ་བརྟེན་ནས་དག་ཐེར་དོན་འཁྱོལ་ཐུབ་པའི་འགན་ལེན་ཐོག་ལན་ཆའི་གནད་དོན་ཚང་མ་ཕྱོགས་ཡོངས་ནས་དག་ཐེར་མཐར་ཕྱིན་པ་བྱེད་དགོས།

བསོད་ནམས་བསྟན་པས་བསྒྱུར། བསོད་བདེ་ཡེས་ཞུས།