2025ལོའི་ཟླ་8ཚེས་10ཉིན། འཛམ་གླིང་ཐོག་གི་ཁེ་ལུང(克隆)གི་རྩལ་ལས་བྱུང་བའི་འབྲི་གཡག་ཐོག་མ“གནམ་མཚོ”སྐྱེས་ནས་ཟླ་བ་གཅིག་འཁོར་འདུག སྐྱེས་དུས་གཟུགས་པོའི་ལྗིད་ཚད་སྤྱི་རྒྱ་16.75ཡོད་པ་ནས་ཟླ་བ་གཅིག་འཁོར་དུས་གཟུགས་པོའི་ལྗིད་ཚད་ལ་སྤྱི་རྒྱ་31.95ཟིན་ཡོད། འབྲི་ཨ་མའི་འོ་མ་ཁོ་ན་སྟེར་ནས་གསོས་པའི་གཡག་གུ་དེའི་གཟུགས་པོའི་ལྗིད་ཚད་ཉིན་རེར་སྤྱི་རྒྱ་0.5འཕར་གྱི་ཡོད།

ཤེས་རྟོགས་བྱུང་བར་གཞིགས་ན། “གནམ་མཚོའི”རྒྱུད་པའི་ཕྲ་ཕུང་ནི་ཀྲེ་ཅང་སློབ་ཆེན་ཚན་ཞིབ་ཚོགས་པས་གཞི་རྒྱུ་ཚོགས་པ་ཧྲིལ་པོའི་འདེམས་སྒྲུག་ལག་རྩལ་སྤྱད་ནས་འབྲི་གཡག་8000ལྷག་ཙམ་གྱི་ནང་ནས་ཧྲག་སྒྲུག་བརྒྱབ་པའི་ཕུལ་བྱུང་གི་རྒྱུད་པ་ཡིན་ཞིང་། དེར་ཤ་ཤེད་བཟང་བ་དང་སྐྱེ་འཚར་མགྱོགས་པ་སོགས་ཀྱི་ཁྱད་ཆོས་ལྡན་ཡོད།