འཕྲིན་
ཉེ་དུས། སྣེ་གདོང་ཆུས་ཀྱི་སྐབས་གསུམ་པའི་ཤང་རིམ་པའི་“ཡར་ཀླུང་”རྒྱུད་བཟང་བཞོན་མའི་འགྲན་བསྡུར་དེ་སྐྱེད་པ་ཤང་དུ་གཉེར་བ།
ཉེ་ལམ། སྣ་དཀར་རྩེ་རྫོང་གིས་“སེ་འབྲུའི་མེ་ཏོག་བཞད་ནས་རྟེན་འབྲེལ་ཆེ་མོར་བསུ་བ་ཞུ། གྲོང་སྡོད་དངོས་སྒྲུབ་ཀྱི་ལེའུ་གསར་པ་བརྩམས"ཞེས་བརྗོད་དོན་གཙོ་བོའི་གཏམ་བཤད་འགྲན་བསྡུར་བྱས་པ།
ཉེ་ཆར། མཚོ་སྣ་གྲོང་ཁྱེར་གྱིས་ཁྲིམས་ལུགས་ཁྱབ་གདལ་སྒྲོག་འགྲེལ་པའི་འགྲན་བསྡུར་གཉེར་བ།
ཉེ་ལམ། གོང་དཀར་རྫོང་རྣམ་རྒྱལ་ཞོལ་ཤང་གིས་གཉིས་བཀུར་ལས་ཀའི་བཞུགས་མོལ་འཚོགས་པ།
ཉེ་ཆར། འཕྱོངས་རྒྱས་རྫོང་གི་དམངས་ཡོངས་བདེ་ཐང་གི་མི་རིགས་སྲོལ་རྒྱུན་ལུས་རྩལ་འགྲན་ཚོགས་འགོ་ཚུགས་པ།
ཉེ་ཆར། མཚོ་སྨད་རྫོང་གིས་སྟོན་དུས་དམག་བསྡུའི་སྲིད་ཇུས་ཁྱིམ་བཅར་དྲིལ་བསྒྲགས་བྱས་པ།
ཉེ་ཆར། ཟངས་རི་རྫོང་རྫིང་ཕྱི་ཤང་མིག་ལྡོང་གྲོང་ཚོའི་དུས་རབས་གསར་པའི་ཤེས་དཔལ་ལག་ལེན་ས་ཚིགས་ཀྱིས་སྤྲིན་མཚོ་གྲོང་ཚོ་དང་གངས་ཕུ་གྲོང་ཚོ། སྤང་སྐོང་གྲོང་ཚོ་སོགས་ཀྱི་དུས་རབས་གསར་པའི་ཤེས་དཔལ་ལག་ལེན་ས་ཚིགས་དང་མཉམ་འབྲེལ་ཐོག ཀུན་བདེ་གླིང་རྩྭ་ཐང་བུམ་པའི་ལག་རྩེད་སྤོ་ལོའི་མཛའ་བརྩེའི་འགྲན་བསྡུར་སྐབས་གཉིས་པ་གཉེར་བ།
ཉེ་ཆར། གྲོང་ཁྱེར་ལས་རིགས་ལག་རྩལ་སློབ་གྲྭ་གཉིས་པའི་སློབ་མའི་AIའདེབས་ལས་ཞིང་ར་ཞེས་པར་རྒྱལ་ཡོངས་ཚན་རྩལ་ཁྱབ་གདལ་གསར་གཏོད་འགྲན་ཚོགས་ཀྱི་བྱ་དགའ་ཨང་དང་པོ་ཐོབ་པ།
ཉེ་དུས། གྲོང་ཁྱེར་ལས་རིགས་ལག་རྩལ་སློབ་གྲྭས་དགེ་སློབ་སྒྲིག་འཛུགས་བྱས་ནས་སྣེ་གདོང་ཆུས་ནོར་བུ་གླིང་ཁ་སྡེ་ཁུལ་དང་། གྲ་ནང་རྫོང་གྲ་ཕྱི་ཤང་རྫོང་མཁར་གྲོང་ཚོར་བསྐྱོད་དེ་སྡེ་ཁུལ་སློབ་གསོ་དང་ལས་རིགས་སློབ་གསོའི་དྲིལ་བསྒྲགས་བྱེད་སྒོ་སྤེལ་བ།
ཉེ་སྔོན། ངེད་གྲོང་ཁྱེར་གྱིས་“རྟེན་འབྲེལ་ཆེ་མོ་བསུ། ཁྱིམ་ཚང་ཁྲི་སྟོང་ལ་ཕན་བདེ་བསྐྲུན”ཞེས་པའི་ས་ཁང་བདག་ཁོངས་བྲིན་འཚོང་བྱེད་སྒོ་སྤེལ་བ་དང་། བྱེད་སྒོ་དེ་ཟླ་8ཚེས་30ཉིན་བར་རྒྱུན་མཐུད་ངང་རྫོང་(ཆུས། གྲོང་ཁྱེར་)12སུ་ཁྱབ་པ་བྱ་རྒྱུ་ཡིན་པ།
ཡེ་བཟང་གིས་བསྒྱུར། བསོད་བདེས་ཞུས།
