འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཨུད་དྲིལ་བསྒྲགས་པུའུ་ཡིས་པུའུ་དོན་ཚོགས་འདུ་སྐོང་འཚོགས་བྱས་ནས། ཏང་ཀྲུང་དབྱང་དང་ལྗོངས་ཏང་ཨུད། གྲོང་ཨུད་བཅས་ཀྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱ་རྒྱུའི་སྐོར་གྱི་ཏང་ཀྲུང་དབྱང་དང་རང་སྐྱོང་ལྗོངས་ཏང་ཨུད། གྲོང་ཨུད་བཅས་ཀྱི་འབྲེལ་ཡོད་ཚོགས་འདུ་དང་། ཡིག་ཆའི་དགོངས་དོན་བརྒྱུད་བསྒྲགས་སློབ་སྦྱོང་དང་། 《གྲོང་ཨུད་དྲིལ་བསྒྲགས་པུའུ་ཡི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་ལས་ཀའི་འཆར་ཟིན》ལ་ཞིབ་གཏན་དང་། པུའུ་ཚན་པའི་སློབ་སྦྱོང་སློབ་གསོའི་ལས་དོན་ལ་བཀོད་སྒྲིག་བྱས་པ་རེད། གྲོང་ཨུད་རྒྱུན་ཨུ། དྲིལ་བསྒྲགས་པུའི་པུའུ་ཀྲང་ཕན་ཀང་ཕིང་གིས་ཚོགས་འདུ་གཙོ་སྐྱོང་དང་གསུང་བཤད་གནང་།
ཚོགས་འདུས་ནན་བཤད་བྱས་དོན། གཟབ་ནན་དང་བདེན་པ་བདེན་ཐུབ་རྒྱུན་འཁྱོངས་བྱེད་དགོས། དམིགས་ཚད་ལས་འགན་ལ་དམ་འཛིན་བྱེད་པ་དང་། སློབ་སྦྱོང་ཞིབ་བསྡུར་གཏིང་ཟབ་བྱེད་པ། གནད་དོན་འཚོལ་བཤེར་གནད་ལ་འཕིགས་པ་ཡོང་བ་བྱེད་དགོས། གཅིག་སྡུད་བཅོས་སྒྲིག་ནན་པོ། སྒོ་དབྱེའི་རྣམ་པའི་སློབ་གསོ་གསོན་ཉམས་དོད་པ་བཅས་བྱེད་དགོས། གོང་དཔེ་འོག་སྟོན་དང་། དམིགས་ཚད་དང་བསྡུར་བ། ཕུགས་ཕན་ལམ་ལུགས་འཛུགས་པ་བཅས་བྱེད་དགོས། ཆབ་སྲིད་ཀྱི་འགན་འཁྲི་དམ་དུ་གཏོང་དགོས། པུའུ་དོན་ལས་དོན་ཨུ་ལྷན་གྱིས་གཙོ་གཟུགས་ཀྱི་འགན་འཁྲི་དོན་འཁྱོལ་བྱེད་དགོས། ཚན་པའི་ཁོངས་མིས་ལས་གནས་གཅིག་ལ་འགན་འཁྲི་གཉིས་ལག་བསྟར་བྱེད་པ་དང་། གཞི་རིམ་གྱི་ཁུར་པོ་ཡང་དུ་གཏོང་བའི་བླང་བྱ་དོན་འཁྱོལ་བྱས་ནས་ཕྱི་ཚུལ་རིང་ལུགས་གཏན་འགོག་བྱེད་དགོས། དྲིལ་བསྒྲགས་གཏོང་སྤེལ་ལ་མཐོང་ཆེན་གྱིས་གྲོང་ཁྱེར་རིམ་པའི་གཙོ་རྒྱུན་སྨྱན་སྦྱོར་དང་སྨྱན་སྦྱོར་གསར་པའི་ལས་སྟེགས་བཀོལ་སྤྱོད་ཡག་པོ་བྱས་ཏེ། སློབ་སྦྱོང་སློབ་གསོའི་ཆེད་བསྒྲིགས་ལེ་ཚན་འཛུགས་པ་དང་། དུས་ཐོག་ཏུ་བརྒྱུད་སྤེལ་དང་སྒྲིག་སྒྱུར་བྱས་ནས་སློབ་སྦྱོང་སློབ་གསོའི་རྣམ་པ་ཟབ་མོ་གཏོད་དགོས།
ཡེ་བཟང་གིས་བསྒྱུར། བསོད་མཚམས་ཀྱིས་ཞུས།
