འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་དུས། གྲོང་ཨུད་དྲིལ་བསྒྲགས་པུའུ་ཡིས་2024ལོ་འཁོར་གྱི་དམངས་གཙོའི་འཚོ་བའི་ཚོགས་འདུ་དང་སྐོར་གཟིགས་བཅོས་སྒྲིག་ཆེད་དོན་དམངས་གཙོའི་འཚོ་བའི་ཚོགས་འདུ་འཚོགས་ནས། འབྲེལ་ཡོད་གནད་དོན་བཅོས་སྒྲིག་དོན་འཁྱོལ་བྱས་ཚུལ་དང་། ཚོགས་འདུ་མ་འཚོག་གོང་གི་གྲ་སྒྲིག་དང་བསམ་འཆར་བསྡུ་ལེན་གྱི་གནས་ཚུལ། ལྗོངས་ཏང་ཨུད་སྐོར་གཟིགས་ཚོ་ཆུང་གསུམ་པས་སྐོར་གཟིགས་ལན་ཆ་བྱས་པའི་བསམ་འཆར་བཅོས་སྒྲིག་བྱེད་ཐབས་ལ་དུས་རིམ་རང་བཞིན་གྱི་སྐུལ་འདེད་བཏང་ཚུལ་བཅས་བརྡ་ཁྱབ་བཏང་བ་རེད།

གྲོང་ཨུད་རྒྱུན་ཨུ། དྲིལ་བསྒྲགས་པུའི་པུའུ་ཀྲང་ཕན་ཀང་ཕིང་གིས་གསུང་བཤད་གནང་།

ཕན་ཀང་ཕིང་གིས་ནན་བཤད་གནང་དོན། གྲུབ་འབྲས་སྲ་བརྟན་དུ་གཏོང་རྒྱུར་ཤུགས་སྣོན་རྒྱག་པ་དང་། འབྲེལ་ཡོད་ཚོགས་འདུའི་དགོངས་དོན་སློབ་སྦྱོང་དང་གོ་བ་བླངས་ནས། གྲོང་ཁྱེར་ཡོངས་ཀྱི་དྲིལ་བསྒྲགས་བསམ་བློ་རིག་གནས་ལས་ཀའི་རྣམ་པ་གསར་པ་གཏོད་དགོས་པ། བཅོས་སྒྲིག་གི་འགན་འཁྲི་ནན་དུ་བཏང་ནས་གནད་དོན་དུས་ཐོག་ཏུ་བཅོས་སྒྲིག་ཐུབ་པ་བྱེད་དགོས། སྤྱོད་ཚུལ་ལེགས་བཅོས་རྒྱུན་མཐུད་བྱས་ནས་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱེད་དགོས།