འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཨུད་རྒྱུན་ཨུ། གོང་དཀར་རྫོང་ཨུད་ཀྱི་ཧྲུའུ་ཅི་ལིའུ་ཧྲེང་གཡུས་དང་གྲོང་ཁྱེར་ཁྲིམས་འཛིན་ལྟ་སྐུལ་མཛུབ་ཁྲིད་ཚོ་ཆུང་གིས་གོང་དཀར་རྫོང་གི“གཅིག་འཐུས་རྣམ་པའི”འགལ་བ་དང་རྩོད་གཞི་འདུམ་འགྲིག་ལྟེ་གནས་སུ་ལྟ་སྐུལ་མཛུབ་ཁྲིད་དང་ཞིབ་བཤེར་གནང་བ་རེད། ཞིབ་བཤེར་ཚོ་ཆུང་དང་བཅས་པས་ས་གནས་ས་ཐོག་ཏུ་ལྟེ་གནས་ཀྱི་བྱེད་ནུས་ཁུལ་ཁག་ལ་ལྟ་ཞིབ་དང་། འགལ་བ་དང་རྩོད་གཞི་འདུམ་འགྲིག བཅའ་ཁྲིམས་རོགས་སྐྱོར། ལས་རེས་ཁྲིམས་རྩོད་པ། ངལ་རྩོལ་ལྟ་ཞིབ། སྲིད་འཛིན་བསྐྱར་གྲོས། ཡིག་བསྐུར་ངོ་བཅར་སྣེ་ལེན་སོགས་ཀྱི་ལས་ཀའི་བརྒྱུད་རིམ་ཤེས་རྟོགས་ཞིབ་ཕྲ་བྱས་པ་མ་ཟད། རྒྱུན་གཏན་སྣེ་ལེན་ཞུས་པའི་མང་ཚོགས་ཀྱི་གྲངས་འབོར་དང་འབྲེལ་བ་ཡོད་པའི་འགལ་བ་དང་དེ་བཞིན་ཐག་གཅོད་བརྒྱུད་རིམ་སོགས་ཞིབ་ཕྲ་འདྲི་རྩད་ཀྱང་གནང་བ་རེད།