འདི་ག་ཚགས་པར་ཁང་དུ་གནས་ཚུལ་འབྱོར་གསལ།བོད་ལྗོངས་ལྷོ་ཁ་གྲོང་ཁྱེར་དུ་གནས་པའི་བསམ་ཡས་དགོན་པ་ནི་སྤྱི་ལོའི་དུས་རབས་8པར་པུར་རྒྱལ་དུས་སུ་བསྐྲུན་པ་དང་། དེ་ནི་རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་ཚན་པ་ཞིག་ཡིན། ལོ་ཟླའི་བསླད་སྐྱོན་དང་། ཁོར་ཡུག་གི་འགྱུར་ལྡོག དུ་དྲེག་སྦགས་བཙོགསོགས་ཀྱི་དབང་གིས་ལྡེབས་རིས་ལ་ཚད་གཞི་མི་འདྲ་བའི་གནོད་འཚེ་བྱུང་ཡོད། 2023ལོའི་ཟླ་12པར་ལྷོ་ཁ་གྲོང་ཁྱེར་རིག་གནས་དང་ཡུལ་སྐོར་ཅུས་ཀྱིས་རྒྱལ་ཁབ་ཀྱི་རིག་དངོས་སྲུང་སྐྱོང་མ་དངུལ་ཁྲི་1500བེད་སྤྱོད་བྱས་ནས་བསམ་ཡས་དགོན་པའི་དབུ་རྩེ་ལྷ་ཁང་གི་ལྡེབས་རིས་སྲུང་སྐྱོང་ལས་གྲྭ་ལག་བསྟར་བྱེད་འགོ་ཚུགས་ཤིང་། མིག་སྔར་ལས་གྲྭའི་ལས་འབོར་གྱི་88%ལེགས་གྲུབ་ཟིན་པ་དང་། འདི་ལོའི་ཟླ་12པར་ལེགས་གྲུབ་ཟིན་རྒྱུ་ཡིན་པ་རེད།

ད་ཐེངས་ཀྱི་ཉམས་གསོའི་ནང་། དབུ་རྩེ་ལྷ་ཁང་གི་ཁྱབ་ཁོངས་མང་པོ་དང་། རྒྱ་ཁྱོན་སྨི་ངོས་གྲུ་2563ཙམ་ཟིན་ཅིང་། ལྡེབས་རིས་ཀྱི་གཞི་ངོས་ཚོས་གཞི་འགྱུར་བ་ཉམས་གསོ་དང་གས་སྲུབས་བྱ་རྒྱུ་སོགས་ཚུད་ཡོད་ཅིང་། ཉམས་གསོ་བྱས་པ་བརྒྱུད་གཞི་ཚོན་བརྟན་པོ་དང་གྱང་གཞི་བརྟན་དུ་བཏང་ནས་ལྡེབས་རིས་ཡུན་རིང་ཉར་ཚགས་ཐུབ་པ་བྱེད་རྒྱུ་ཡིན་པ་རེད།

ཉེ་བའི་ལོ་ཤས་རིང་། བོད་ཀྱི་རིག་དངོས་སྲུང་སྐྱོབ་ཐད་རྒྱལ་ཁབ་ཀྱིས་མ་དངུལ་འབོར་ཆེན་བཏང་ཡོད། བོད་ཀྱིས་འགུལ་སྤོ་རུང་བའི་རིག་དངོས་སྔོན་འགོག་རང་བཞིན་གྱི་རྣམ་གྲངས་དང་། གྲངས་གཞི་ཅན་གྱི་སྲུང་སྐྱོང་རྣམ་གྲངས། རིག་དངོས་ཉམས་གསོའི་རྣམ་གྲངས་བཅས་ཁྱོན་56ལག་ལེན་བསྟར་བར་ཁྱོན་མ་དངུལ་སྒོར་དུང་ཕྱུར་3.2བཏང་སྟེ་རང་སྐྱོང་ལྗོངས་ཀྱི་འགུལ་སྤོ་རུང་བའི་རིག་དངོས་ཉར་ཚགས་ཁོར་ཡུག་དང་རིག་དངོས་ཀྱི་ཚན་རྩལ་སྲུང་སྐྱོང་ནུས་པ་མུ་མཐུད་ཆེ་རུ་ཕྱིན་ཡོད་པ་རེད།།

བསོད་ནམས་བསྟན་པས་བསྒྱུར། བསོད་བདེས་ཞུས།