འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གོང་དཀར་རྫོང་གིས“ཞིང་གསུམ”ལས་ཀའི་སྐུལ་སྤེལ་ཚོགས་འདུ་ཐེངས་གཉིས་པ་སྐོང་འཚོགས་བྱས་པ་རེད།
གྲོང་ཨུད་རྒྱུན་ཨུ། གོང་དཀར་རྫོང་ཨུད་ཀྱི་ཧྲུའུ་ཅི་ལིའུ་ཧྲེང་གཡུས་ཀྱིས་གསུང་བཤད་གནང་།
ཚོགས་འདུས་ནན་བཤད་བྱས་དོན། མཁོ་སྤྲོད་བརྟན་པོ་ཡོང་བ་བྱེད་པ་དང་། འགན་ལེན་ཆུ་ཚད་སྔར་བས་མཐོ་རུ་གཏོང་བ། ཐོག་མཐའ་བར་གསུམ་དུ་འབྲུ་རིགས་བདེ་འཇགས་ཀྱི་ཆབ་སྲིད་འགན་འཁྲི་བརྟན་པོ་འཁུར་བ།“ཞིང་བརྟེན་འབྲུ་གསོག རྩལ་བརྟེན་འབྲུ་གསོག”འཐབ་ཇུས་ལག་བསྟར་གཏིང་ཟབ་བྱེད་པ། ཞིང་བཟང་སོན་བཟང་དང་། གོ་སྐབས་བཟང་པོ། ཐབས་ཤེས་བཟང་པོ་བཅས་མུ་མཐུད་ཁྱབ་གདལ་གཏོང་བ་བཅས་བྱས་ནས་འབྲུ་རིགས་འདེབས་ཁྱོན་དང་ཐོན་ཚད་བརྟན་པོ་ཡོང་བ་བྱེད་དགོས། ཐོན་ལས་སྟོབས་ཆེར་གཏོང་བ་དང་། གཞི་ཁྱོན་དང་ཆུ་ཚད་སྔར་བས་མཐོ་རུ་གཏོང་བ། ལེགས་ཆ་འདོན་སྤེལ་བྱ་རྒྱུ་མཐའ་འཁྱོངས་བྱེད་པ། ཡུལ་བབ་དང་བསྟུན་ཏེ་ཁྱད་ལྡན་ཐོན་ལས་འཕེལ་རྒྱས་གཏོང་བ། སྲིན་པོ་རིའི་དེང་རབས་འབྲོག་ར་དང་། ཧྲེང་ཐན་ཕག་གསོ། ལྕེ་བདེ་ཞོལ་བོད་བྱ་གསོ་སྤེལ་ར་བ་སོགས་འཕེལ་རྒྱས་ཀྱི་མདུན་ལམ་ལྡན་པའི་ཐོན་ལས་ཁག་གཅིག་ལ་རྒྱབ་སྐྱོར་དང་འཕེལ་རྒྱས་གཏོང་བ། འབྲོག་ལས་ཐོན་སྐྱེད་དང་མཁོ་སྤྲོད་འགན་ལེན་གྱི་ནུས་པ་ཆེ་རུ་གཏོང་བ་བཅས་བྱས་ནས་ལོ་འཁོར་གྱི་ཤ་ཚལ་སྒོང་གསུམ་གྱི་ཐོན་ཚད་དམིགས་ཚད་འགན་ལེན་བྱེད་དགོས། ཐོན་ལས་འཕེལ་རྒྱས་ཀྱིས་འབབ་འཕར་ལ་སྐུལ་འདེད་གཏོང་རྒྱུར་དམ་འཛིན་བྱེད་དགོས་པ་དང་། འགན་སྒྲུབ་ཚན་པ་དང་འབྲེལ་ཡོད་ཁེ་ལས་ཀྱིས་མཉམ་ཤུགས་ཆགས་པ་བྱས་ཏེ། ཐོན་ལས་འཕེལ་རྒྱས་བརྒྱུད་རིམ་ཁྲོད་ཀྱི་དཀའ་གནད་མཉམ་དུ་ཐག་གཏོད་བྱེད་དགོས། གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་དང་ལེགས་སུ་གཏོང་བ་དང་། ཀྲེ་ཅང་གི“ཁྲི་སྟོང་ལས་གྲྭའི”ཉམས་མྱོང་སློབ་སྦྱོང་དང་བེད་སྤྱོད་ཡག་པོ་བྱས་ཏེ་གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་ཐད་ཀྱི“གཙང་བཤེར་ལྔ་དང་། བཤིག་སྤོ་ལྔ། སྒྱུར་བཅོས་གཉིས”དམ་འཛིན་བྱ་གཞིར་བྱས་ནས་གྲོང་གསེབ་ཀྱི་མི་ཕྱུགས་ལོགས་དབྱེ་དང་། གསང་སྤྱོད་གསར་བརྗེ། གྲོང་ཚོའི་རྣམ་པ་ལེགས་སུ་གཏོང་བ་སོགས་ཀྱི་ལས་དོན་ཡག་པོ་བསྒྲུབས་ཏེ་ཆེད་དོན་བཅོས་སྒྲིག་ལ་ཕན་འབྲས་དངོས་ཐོན་རྒྱུའི་འགན་ལེན་བྱེད་དགོས།
ཡེ་ཤེས་བཟང་མོས་བསྒྱུར། བསོད་བསྟན་དང་བསོད་དོན་གྱིས་ཞུས།
