འདི་ག་ཚགས་པར་ཁང་ནས་ཕྱོགས་བསྡུས་གནས་ཚུལ་སྤེལ་གསལ། ཉེ་ཆར། གྲོང་ཨུད་རྒྱུན་ཨུ། གོང་དཀར་རྫོང་ཨུད་ཀྱི་ཧྲུའུ་ཅི་ལིའུ་ཧྲེང་གཡུས་ཀྱིས་གོང་དཀར་རྫོང་ཨུད་རིགས་གཞུང་སློབ་སྦྱོང་ལྟེ་བའི་ཚོགས་ཆུང་གི་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཙོ་སྐྱོང་གནང་བ་དང་འབྲེལ་སློབ་སྦྱོང་བྱེད་དགོས་དོན་དང་། གང་ཞིག་སློབ་སྦྱོང་བྱེད་དགོས་པ། སློབ་སྦྱོང་ཇི་ལྟར་བྱེད་དགོས་པ། གང་ཞིག་སྒྲུབ་དགོས་པ་བཅས་ཀྱི་གནད་དོན་ཐད་ནན་བཤད་གནང་ཡོད།
ཉེ་དུས། གྲོང་ཨུད་རྒྱུན་ཨུ། སྣེ་གདོང་ཆུས་ཨུད་ཀྱི་ཧྲུའུ་ཅི་ཀྲང་ཝུའེ་ཡིས་སྣེ་གདོང་ཆུས་ཨུད་རིགས་གཞུང་སློབ་སྦྱོང་ལྟེ་བའི་ཚོ་ཆུང་གི་（རྒྱ་ཆེ）ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཙོ་སྐྱོང་གནང་བ་མ་ཟད། 《ཀྲུང་གོའི་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག་》སློབ་སྦྱོང་ནན་ཏན་དང་། ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ནང་དོན་ཁོང་དུ་ཆུད་པ། 《སྲོལ་ཡིག་》སློབ་སྦྱོང་བྱ་རྒྱུ་དེ་ཏང་ཙུའུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་དང་།“ཚོགས་འདུ་གསུམ་དང་སློབ་ཚན་གཅིག”སོགས་ཀྱི་ནང་དོན་ནང་འཇུག་རྒྱུ་མཐའ་འཁྱོངས་བྱེད་དགོས་པའི་ནན་བཤད་བྱས་ཡོད།
ཉེ་དུས། གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ། མཚོ་སྣ་གྲོང་ཨུད་ཀྱི་ཧྲུའུ་ཅི་པ་སངས་དངོས་གྲུབ་ཀྱིས་མཚོ་སྣ་གྲོང་ཨུད་རིགས་གཞུང་སློབ་སྦྱོང་ལྟེ་བའི་ཚོ་ཆུང་གི་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཙོ་སྐྱོང་གནང་བ་མ་ཟད། ཏང་གི་སྒྲིག་ཁྲིམས་སློབ་སྦྱོང་སློབ་གསོ་དེ་ཆབ་སྲིད་ཀྱི་ལས་འགན་ཞིག་ཏུ་བརྩིས་ནས་གཟེར་འདེབས་སྙིང་སྟོབས་ལ་བརྟེན་ནས་སྤྱོད་ཚུལ་ལེགས་གཏོང་དང་དོན་འཁྱོལ་དམ་འཛིན་ནན་པོ། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཡོ་བསྲང་བཅས་བྱེད་དགོས་པའི་ནན་བཤད་བྱས་ཡོད།
ཉེ་ཆར། ལྷུན་རྩེ་རྫོང་དང་འཕྱོངས་རྒྱས་རྫོང་ཨུད་རིགས་གཞུང་སློབ་སྦྱོང་ལྟེ་བའི་ཚོགས་ཆུང་གིས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཉེར་ཏེ། 《སྲོལ་ཡིག》སློབ་སྦྱོང་བྱེད་ཤུགས་ཆེ་རུ་གཏོང་བ་དང་ཏང་གི་སྒྲིག་ཁྲིམས་སློབ་སྦྱོང་དང་སློབ་གསོའི་གྲུབ་འབྲས་དག་ལས་སྒྲུབ་ལས་གཏོད་དང་སྔོན་ཐོན་བརྩོན་པའི་སྒུལ་ཤུགས་སུ་འགྱུར་བ་བྱེད་དགོས་པའི་ནན་བཤད་བྱས་པ་རེད།
ཉེ་ཆར། མཚོ་སྨད་རྫོང་ཨུད་རིགས་གཞུང་སློབ་སྦྱོང་ལྟེ་བའི་ཚོགས་ཆུང་གིས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཉེར་ཏེ། སྒྲིག་ཁྲིམས་ཀྱི་འདུ་ཤེས་ཇེ་དྲག་ཏུ་གཏོང་བ་དང་། བསམ་བློ་དང་བྱ་སྤྱོད་ལེགས་བཅོས་བྱེད་པ། ཏང་གཤིས་བློ་སྦྱོང་དང་མཐོར་འདེགས་གཏོང་བ་བཅས་ཀྱི་བརྒྱུད་རིམ་ཞིག་ཏུ་འགྱུར་བ་བྱེད་དགོས་པའི་ནན་བཤད་བྱས་པ་རེད།བསོད་བསྟན་དང་ཡེ་ཤེས་བཟང་མོས་བསྒྱུར། བསོད་ནམས་དོན་གྲུབ་ཀྱིས་ཞུས།
