ཉེ་དུས། ཆུ་གསུམ་རྫོང་འཐབ་ཕྱོགས་གཅིག་གྱུར་ཁོངས་གཏོགས་ཀྱིས་ཚོགས་འདུ་འཚོགས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་བརྒྱུད་བསྒྲགས་སློབ་སྦྱོང་བྱས་ཤིང་། ཚོགས་འདུས། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དྲིལ་བསྒྲགས་བྱ་རྒྱུ་དེ་འདུ་ཤེས་གསུམ་དང་ཚད་གཞི་བཞི་ལག་བསྟར་བྱས་ནས་སྔོན་ཐོན་གྲྭ་བཙུན་ཆགས་རྒྱུར་བརྩོན་པ་སོགས་དང་ཟུང་འབྲེལ་བརྒྱུད་ཏང་གི་ཚོགས་ཆེན་ཉི་ཤུ་པའི་དགོངས་དོན་མི་སེམས་ལ་ཟུག་པ་བྱ་དགོས་པའི་བླང་བྱ་བཏོན་ཡོད་པ་རེད།
ཉེ་ཆར། ཟངས་རི་རྫོང་གྲོང་སྡོད་ཁྱབ་ཁོངས་ཀྱིས་ཏང་གི་ཚོགས་ཆེན་ཉི་ཤུ་པའི་དགོངས་དོན་ཆེད་དོན་སློབ་སྦྱོང་གི་ཚོགས་འདུ་བསྐོང་འཚོག་བྱས་ཤིང་། ཚོགས་འདུས་གྲོང་སྡོད་ལས་དོན་རུ་ཁག་གི་འཆར་ཅན་ཚོགས་འདུ་སོགས་བརྒྱུད། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་དྲིལ་བསྒྲགས་བྱེད་སྒོ་སྤེལ་ཏེ། མང་ཚོགས་ཚོས་གོ་བདེ་བ་དང་རྟོགས་སླ་བ། ངེས་བདེ་བ་བཅས་ཀྱི་སྐད་ཡིག་ཐོག་ནས་གསལ་འགྲེལ་བྱེད་དགོས་པ་མ་ཟད། ཏང་གི་ཚོགས་ཆེན་ཉི་ཤུ་པའི་དགོངས་དོན་སྤྱད་ནས་ལག་ལེན་ལ་མཛུབ་ཁྲིད་དང་ལས་ཀར་སྐུལ་འདེད་གཏོང་དགོས་པའི་བླང་བྱ་བཏོན་པ་རེད།
ཉེ་སྔོན། མཚོ་སྨད་རྫོང་གིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་གི་ལས་བྱེད་པའི་ཚོགས་ཆེན་འཚོགས་ཤིང་། ཚོགས་འདུས་ལངས་ཕྱོགས་བརྟན་གཏོང་དང་སྲོག་ཤིང་གི་རྗེས་སུ་འབྲངས་ཏེ་ཏང་གི་ཚོགས་ཆེན་ཉི་ཤུ་པའི་འཐབ་ཇུས་བཀོད་སྒྲིག་ཁག་ལག་བསྟར་དོན་འཁྱོལ་བྱེད་དགོས་པ་དང་། ཆབ་སྲིད་ཐད་ལྷག་བསམ་གོང་བཀུར་ཐུབ་པ་བྱས་ཐོག སེམས་ནུས་གཅིག་ལ་སྒྲིལ་ནས་རྫོང་ཡོངས་ཀྱི་ལས་དོན་ཁག་ལེགས་སྒྲུབ་ཏན་ཏིག་ཡོང་བ་བྱེད་དགོས་པའི་བླང་བྱ་བཏོན་ཡོད་པ་རེད།
ཉིན་ཤས་བསྟུད་མར། སྣེ་གདོང་ཆུས་ཀྱི་སློབ་གྲྭ་འབྲིང་ཆུང་ཁག་གིས་ཤང་གྲོང་རྡལ་གྱི་འཕྲོད་བསྟེན་ཁང་དང་མཉམ་འབྲེལ་ཐོག ཉིང་སྐྱུར་ཞིབ་དཔྱད་སོགས་ཀྱི་ལས་དོན་སྤེལ་ནས་ནུས་ཤུཊ་ཡོད་རྒུས་སློབ་གྲྭར་ལོག་མཁན་གྱི་དགེ་སློབ་ཚོའི་ཚེ་སྲོག་བདེ་འཇཊ་དང་གཟུཊ་གཞིའི་བདེ་ཐང་ལ་སྲུང་སྐྱོང་བྱས་པ་རེད།
ཉེ་སྔོན། གོང་དཀར་རྫོང་ལྟེ་གནས་སྨན་ཁང་གིས་ཉིང་སྐྱུར་ཞིབ་དཔྱད་དང་འབྲེལ་བའི་གཅིག་སྡུད་གསོ་སྦྱོང་གཉེར་ཏེ། གསོ་སྦྱོང་ནང་ཞུགས་མཁན་ཚོར་ཉིང་སྐྱུར་མ་དཔེ་ལེན་སྟངས་ཚན་རིག་དང་མཐུན་པ་ཡོང་རྒྱུར་འགན་ལེན་བྱས་ཡོད་པ་རེད།
