མི་དམངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། གསར་འགོད་པར་ཚེས་20ཉིན་དམངས་སྲིད་པུའུ་ནས་ཤེས་རྟོགས་བྱུང་བར།དམངས་སྲིད་པུའུ་དང་ཀྲུང་དབྱང་སྲིད་ཁྲིམས་ཨུ་ལྷན་སོཌ་སྡེ་ཚན་9ཡིས་ཉེ་ཆར《རིག་ལྡན་སྡེ་ཁུལ་འཛུགས་སྐྲུན་ལ་སྐུལ་འདེད་གཏིང་ཟབ་གཏོང་རྒྱུའི་སྐོར་གྱི་བསམ་འཆར》

བཀྲམ་ནས། 2025ལོར་སླེབས་སྐབས་དྲ་མིག་ཅན་གྱི་དོ་དམ་དང་། ཞིབ་ཚགས་ཅན་གྱི་ཞབས་ཞུ། ཆ་འཕྲིན་ཅན་གྱི་འདེགས་སྐྱོར། སྒོ་དབྱེ་མཉམ་སྤྱོད་བཅས་ཀྱི་རིག་ལྡན་སྡེ་ཁུལ་ཞབས་ཞུའི་ལས་སྟེགས་ཤིག་གཞི་རྩའི་ཆ་ནས་བསྐྲུན་ཏེ། རིག་ལྡན་མཉམ་སྤྱོད་དང་ཞི་མཐུན་མཉམ་བཅོས་ཀྱི་རྣམ་པ་གསར་པའི་གྲངས་འཛིན་སྡེ་ཁུལ་ཞིག་རགས་ཙམ་བསྐྲུན་ཚར་བ་བྱ་རྒྱུ་ཡིན་པ་ཁ་གསལ་བཏོན་ཡོད་པ་རེད།

རིག་ལྡན་སྡེ་ཁུལ་འཛུགས་སྐྲུན་བྱ་རྒྱུ་ནི་གཞི་རིམ་བཅོས་སྐྱོང་རིག་ནུས་ཅན་འཛུགས་སྐྲུན་ལ་ཤུགས་སྣོན་རྒྱག་པའི་ནང་དོན་གལ་ཆེན་ཞིག་ཡིན། བསམ་འཆར་ནང་རིག་ལྡན་སྡེ་ཁུལ་བཅོས་སྐྱོང་གི་རྣམ་པ་རྒྱ་ཆེར་གཏོང་བ་དང“སྡེ་ཁུལ་ནང་འཇུག+དྲ་ཐོག་བརྒྱུད་སྐྱེལ+སྡེ་ཚན་གྱིས་དང་ལེན་བྱེད་པའི”ལས་ཀའི་རྣམ་པ་ཁྱབ་གདལ་བཏང་སྟེ་སྐབས་འཕྲལ་དང་ལེན་ལམ་སྲོལ་འཐུས་སྒོ་ཚང་དུ་བཏང་ནས་མང་ཚོགས་ཀྱི་རེ་ཞུར་དུས་ཐོག་ཏུ་བརྡ་ལན་སྤྲོད་དགོས། དེ་དང་ཆབས་ཅིག་སྡེ་ཁུལ་གྱི་གནོད་འཚེ་དང་ཉེན་ཁའི་ཉེན་ཟོན་སྔོན་བརྡའི་དཔེ་དབྱིབས་བཏོད་དེ་དུས་ཐོག་ཏུ་ལྟ་ཞིབ་ཚད་ལེན་དང་། རིག་ནུས་ཉེན་ཟོན་སྔོན་བརྡ། འཕྲལ་སྡོམ་དོ་དམ། རིམས་ནད་སྔོན་འགོག་དང་ཚོད་འཛིན་བཅས་ཀྱི་རིག་ནུས་བེད་སྤྱོད་འཕེལ་རྒྱས་བཏང་ནས་སྡེ་ཁུལ་གྱི་ཉེན་ཟོན་སྔོན་བརྡ་དང་འཕྲལ་སྡོམ་ཐག་གཅོད་ནུས་པ་ཕྱོགས་ཡོངས་ནས་ཆེ་རུ་གཏོང་དགོས་པ་ཁ་གསལ་བཏོན་ཡོད་པ་རེད།