ཉེ་དུས། ནག་ཆུ་གྲོང་ཁྱེར་ཉི་མ་རྫོང་འོམ་བུ་ཤང་འོམ་བུ་ལྷོ་ཕྱོགས་གྲོང་ཚོའི་འབྲོག་པས་ཞིང་ནང་དུ་བཙས་མ་བརྔ་བཞིན་ཡོད། འོམ་བུ་ཤང་གི་འོམ་བུ་ལྷོ་ཕྱོགས་གྲོང་ཚོ་དེ་དྭངས་རྭ་གཡུ་མཚོའི་འགྲམ་དུ་གནས་པ་དང་ས་བབ་མཐོ་ཚད་སྨི་4645ཡོད། འོམ་བུ་ཤང་རྒྱུད་ཀྱི་རང་བྱུང་ཁོར་ཡུག་གཞན་དང་མི་འདྲ་བ་ཞིག་ཡོད་པས་འབྲོག་ཁུལ་ཡིན་པའི་བྱང་ཐང་དུ་མཐོང་དཀོན་པའི་ཞིང་ཁ་ཆགས་ཡོད། འོམ་བུ་ཤང་ལ་ཁྱོན་བསྡོམས་ཞིང་འབྲོག་པ་2109ཡོད་པ་དང་ཁོངས་གཏོགས་ཁུལ་གྱི་གྲོང་ཚོ་གཉིས་ཀ་ནི་ས་མ་འབྲོག་གི་གྲོང་ཚོ་རེད། ཤང་ཡོངས་ཀྱི་རྨོ་ཞིང་རྒྱ་ཁྱོན་མུའུ་666.19ཡོད་པ་དང་རྩྭ་ར་རྒྱ་ཁྱོན་མུའུ་ཁྲི་443.16ཡོད་པ། མི་རེའི་ཆ་སྙོམས་ལོའི་ཡོང་འབབ་སྒོར་9853ཟིན་གྱི་ཡོད། བོད་བྱང་ཐང་གི་སྟོན་བསྡུའི་ལོ་ལེགས་བྱུང་བའི་རྣམ་པར་གཟིགས་དང་།

ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་ཚུགས།