★ ཟླ་7པའི་ཚེས་23ཉིན། ཟངས་རི་རྫོང་གིས་རྫོང་ཨུད་རིགས་གཞུང་ལྟེ་བའི་སློབ་སྦྱོང་ཚོ་ཆུང་གི་སློབ་སྦྱོང་རྒྱ་ཆེའི་ཚོགས་འདུ་དང་ཏང་གི་ལོ་རྒྱུས་སློབ་སྦྱོང་སློབ་གསོའི་སློབ་སྦྱོང་ཚོགས་འདུ་བསྐོང་འཚོགས་བྱས་ཤིང་། ཚོགས་འདུའི་ཐོག རྫོང་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་ཏང་གི་ལོ་རྒྱུས་ལྟ་བ་ཡང་དག་འཛུགས་སྐྱོང་བྱས་ཏེ། ཏང་གི་ལོ་རྒྱུས་འཕེལ་རིམ་གྱི་གཙོ་ཐིག་ལ་རྒྱུས་མངའ་ཐུབ་པ་བྱེད་དགོས་པ་དང་། བྱ་སྤྱོད་ངོ་མའི་ཐོག་ནས་མང་ཚོགས་ཆེད་བྱ་བ་དངོས་སྒྲུབ་སྟེ། སྒོ་ཀུན་ནས་སྤྱི་ཚོགས་རིང་ལུགས་དེང་རབས་ཅན་གྱི་ཟངས་རི་སྐྲུན་པའི་འཐབ་ལམ་གསར་པ་ཕྱེ་དགོས་པའི་བླང་བྱ་བཏོན་ཡོད་པ་རེད།

★ ཉེ་དུས། གྲོང་ཁྱེར་མི་སྤྱི་ཅུད་ཀྱིས་ཏང་ཙུའུ་རིགས་གཞུང་སློབ་སྦྱོང་ལྟེ་བའི་ཚོ་ཆུང་གི་སློབ་སྦྱོང་ཚོགས་འདུ་བསྐོང་ཚོགས་བྱས་ཤིང་། ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདུན་གཅིག་གསུང་བཤད་གལ་ཆེན་དགོངས་དོན་བརྒྱུད་བསྒྲགས་སློབ་སྦྱོང་བྱས་པ་མ་ཟད། སློབ་སྦྱོང་མྱོང་ཚོར་ཕན་ཚུན་སྤེལ་རེས་བྱས། ཚོགས་འདུས། ཏང་གི་ལོ་བརྒྱའི་འབད་འཐབ་ཁྲོད་བྱུང་བའི་རླབས་ཆེའི་གྲུབ་འབྲས་ལ་གོ་བ་གཏིང་ཟབ་བླངས་ནས་འོད་སྟོང་འབར་བའི་ཏང་གི་ལོ་རྒྱུས་ཁྲོད་ནས་ཡར་ཐོན་འབད་བརྩོན་གྱི་སྟོབས་ཤུགས་ལེན་དགོས་པ་དང་། མང་ཚོགས་ཆེད་ངས་བྱ་བ་དངོས་སྒྲུབ་ཅེས་པའི་ལག་ལེན་བྱེད་སྒོ་སྤེལ་བའི་ཁྲོད། མི་དམངས་མང་ཚོགས་ཀྱིས་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་ཚོར་ཤེས་སྔར་བས་ཡག་པ་ཐུབ་པ་བྱ་དགོས།

★ ཟླ་7པའི་ཚེས་23ཉིན། གྲོང་ཁྱེར་ཆུ་བེད་ཅུད་ཀྱིས་དེ་སྔའི་མི་དམངས་འཐུས་ཚོགས་ལྷོ་ཁ་ས་ཁུལ་ལས་དོན་ཨུ་ཡོན་ལྷན་ཁང་གི་དྲུང་ཆེ་ཝང་ལན་ཧྲན་གདན་ཞུ་བྱས་ཏེ། ལས་ཁུངས་ཀྱི་ཏང་ཡོན་ལས་བྱེད་པ་ཡོངས་ལ་གསོན་ཉམས་ལྡན་པའི་ཏང་གི་སློབ་ཚན་གཅིག་འཆད་ཁྲིད་བྱས་པ་རེད། ཝང་ལན་ཧྲན་གྱིས་ང་ཚོར་ཐོབ་པའི་བདེ་སྐྱིད་ནི་ཡང་སྙིང་གང་འདྲ་བྱས་ནས་བྱུང་བ་ཡིན་ནམ་ཞེས་པ་བརྗོད་དོན་དུ་བྱས་ཏེ། རང་ཉིད་ཀྱི་མྱོང་བརྒྱུད་དང་འབྲེལ་གོ་བདེ་བའི་སྐད་བརྡའི་ཐོག་ནས་དོན་ཚན་བཞིའི་ཐད་གསལ་འགྲེལ་བྱས་ཡོད་པ་རེད།