(པར་ངོས་དང་པོར་མཐུད) མ་འཇོག་བྱེད་ཤུགས་རྒྱ་ཆེར་བཏང་སྟེ། ཆ་འཕྲིན་ཅན་གྱི་རྨང་གཞིའི་སྒྲིག་བཀོད་འཛུགས་སྐྲུན་འཐུས་སྒོ་ཚང་དུ་གཏོང་དགོས། ཚན་རིག་དང་མཐུན་པའི་རིགས་པས་ཁུངས་སྐྱེལ་བྱས་ཏེ་སྲིད་ཁེ་མཉམ་ལས་གཏིང་ཟབ་སྤེལ་ནས་ས་མཐོའི་ས་ཁམས་ཆ་རྐྱེན་དང་། རང་བྱུང་ཆ་རྐྱེན་དང་འཚམ་པའི་སྒྲིག་བཀོད་སྒྲིག་ཆས་ཞིབ་འཇུག་དང་བེད་སྤྱོད་བྱ་རྒྱུར་སྐུལ་སྤེལ་བཏང་སྟེ་མཐའ་མཚམས་རྩལ་འགོག་ཆུ་ཚད་དང་སྒྲིག་བཀོད་འགན་ལེན་བྱེད་ཚད་མཐོ་རུ་གཏོང་དགོས།
ཚོགས་འདུས་བླང་བྱ་བཏོན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མི་རབས་རྗེས་མའི་ལས་དོན་ཡག་པོ་བསྒྲུབ་རྒྱུའི་ཐད་གནང་བའི་མཛུབ་སྟོན་གལ་ཆེན་དང་ཀྲུང་གོས་མི་རབས་རྗེས་མར་སེམས་ཁུར་བྱེད་པའི་ལས་དོན་ཨུ་ཡོན་ལྷན་ཁང་བཙུགས་ནས་ལོ་30འཁོར་བ་དང་། རྒྱལ་ཡོངས་ཀྱི་མི་རབས་རྗེས་མར་སེམས་ཁུར་བྱེད་པའི་ལས་ཀའི་གཟེངས་བསྟོད་ཚོགས་ཆེན་ཐོག་གི་དགོངས་དོན་སློབ་སྦྱོང་དང་གོ་བ་ཟབ་མོ་བླངས་ཐོག་སྒྲིག་གཞི་འཐུས་ཚང་བཟོ་བ་དང་། ཆེད་དོན་ལས་ཀའི་སྟོབས་ཤུགས་ལ་ཤུགས་སྣོན་རྒྱག་པ། བྱེད་ནུས་འདོན་སྤེལ་བྱེད་པ། མི་རབས་རྗེས་མར་སེམས་ཁུར་བྱེད་པའི་ལས་དོན་རྒྱུན་དུ་སྒྲུབ་པ་དང་རྒྱུན་དུ་གསར་པ་ཡོང་རྒྱུར་སྐུལ་འདེད་གཏོང་དགོས། རྒན་གྲས་ལྔའི་ཁྱད་ཡོན་དང་ལེགས་ཆ་འདོན་སྤེལ་བྱས་ཐོག་སྡེ་ཁུལ་དང་སློབ་གྲྭ་བཅས་སུ་རྒྱུན་གཏན་ནས་ཟབ་འཇུག་བྱས་ཏེ། གསར་བརྗེའི་སྲོལ་རྒྱུན་སློབ་གསོ་སྤེལ་ནས་མི་རབས་རྗེས་མའི་ཆེད་དུ་ལེགས་སྐྱེས་གསར་པ་འབུལ་དགོས། རྒན་གྲས་ལྔའི་གཟུགས་གཞི་བདེ་ཐང་ལ་སེམས་ཁུར་བྱས་ཏེ། ཁོ་ཚོའི་འཚོ་བའི་ཁྲོད་འཕྲད་པའི་དོན་དངོས་དཀའ་ངལ་ཐག་གཅོད་བྱེད་རོགས་བྱེད་དགོས། རིམ་ཁག་ཏང་སྲིད་རྩ་འཛུགས་ཀྱིས་སེམས་ཁུར་ལས་དོན་ཨུ་ཡོན་ལྷན་ཁང་གི་ལས་ཀར་མཐོང་ཆེན་པོ་བྱས་ཏེ་མི་རབས་རྗེས་མར་སེམས་ཁུར་བྱེད་པའི་ལས་ཀའི་མཉམ་ཤུགས་ཤིག་ཆགས་པ་བྱེད་དགོས།
ཚོགས་འདུས་ནན་བཤད་བྱས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་ངལ་རྩོལ་དཔེ་བཟང་དང་སྔོན་ཐོན་ལས་དོན་པའི་གཟེངས་བསྟོད་ཚོགས་ཆེན་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཐོག་ངལ་རྩོལ་དཔེ་བཟང་གི་སྙིང་སྟོབས་དང་ངལ་རྩོལ་སྙིང་སྟོབས། བཟོ་བའི་སྙིང་སྟོབས་བཅས་དར་སྤེལ་གཏོང་དགོས་པ་དང་། ངལ་རྩོལ་དཔེ་བཟང་གི་གཏམ་རྒྱུད་དང་སྔོན་ཐོན་དཔེ་མཚོན་དྲིལ་བསྒྲགས་ཤུགས་ཆེན་བྱས་ཐོག་སྤྱི་ཚོགས་ཡོངས་སུ་སྔོན་ཐོན་ལ་སློབ་སྦྱོང་དང་། ངལ་རྩོལ་དཔེ་བཟང་ལ་བརྩོན་པའི་རྣམ་པ་བཟང་པོ་ཞིག་ཆགས་པ་བྱེད་དགོས། སྤྱི་ཚོགས་ཡོངས་ཀྱི་ངལ་རྩོལ་པའི་བྱང་ཚད་མཐོ་རུ་བཏང་ནས་སློབ་གསོ་དང་མི་རྒྱུན་སྤྱི་ཚོགས། བཟོ་འཕྲིན། ཞིང་འབྲོག། སྡོད་ཁང་འཛུགས་སྐྲུན་སོགས་ཚན་པའི་བྱེད་ནུས་འདོན་སྤེལ་བྱེད་དགོས་པ་དང་། གསར་གཏོད་ལྡན་པའི་སྒོ་ནས་བྱེད་ཐབས་སྣ་ཚོགས་བརྒྱུད་རྩལ་ནུས་སྦྱོང་བརྡར་བྱེད་དགོས་པ། གསོ་སྦྱོང་གི་གོ་ཆོད་རང་བཞིན་དང་དམིགས་སའི་རང་བཞིན་ལ་དོ་སྣང་བྱས་ཏེ་ངལ་རྩོལ་པའི་འཚར་ལོངས་ཐད་ཆ་རྐྱེན་གང་ལེགས་བསྐྲུན་དགོས། ངལ་རྩོལ་དཔེ་བཟང་ལ་སློབ་སྦྱོང་དང་། ངལ་རྩོལ་དཔེ་བཟང་ཅན་བརྩོན་ལེན་བྱེད་རྒྱུ་དེ། མི་རིགས་མཐུན་སྒྲིལ་ལ་ཤུགས་སྣོན་དང་མི་རིགས་དབར་སྤེལ་རེས་དང་འགྲོ་འོང་། མཉམ་འདྲེས་བཅས་བྱེད་རྒྱུར་སྐུལ་སྤེལ་གཏོང་རྒྱུ་དང་ཟུང་འབྲེལ་བྱེད་དགོས། ནང་སའི་རིགས་ཁག་གི་རྩལ་ནུས་ལྡན་པའི་ཤེས་ལྡན་མི་སྣ་ནང་འདྲེན་བྱ་རྒྱུ་དང་། ལྷོ་ཁའི་ངལ་རྩོལ་ཤེས་ལྡན་པ་ནང་སར་སློབ་སྦྱོང་བྱེད་པར་བདམས་གཏོང་བྱ་རྒྱུ་ཟུང་འབྲེལ་བྱས་ཐོག་ཐབས་ལམ་སྣ་ཚོགས་ཐོག་ནས་ངེད་གྲོང་ཁྱེར་གྱི་མང་ཚོགས་ཀྱི་ངལ་རྩོལ་ལག་རྩལ་དང་རྩལ་ནུས་ཆུ་ཚད་གོང་མཐོར་བཏང་ནས་ཕུགས་བསམ་ཡོད་ལ། དད་སེམས་སྲུང་ཐུབ་པ། ལག་རྩལ་ཤེས་ཅིང་གསར་གཏོད་ཕོད་པ། འགན་འཁྲི་འཁུར་ཕོད་ལ་ལེགས་སྐྱེས་འབུལ་རྒྱུར་སྣང་ཆེན་བྱེད་ཐུབ་མཁན་བཅས་ཀྱི་ངལ་རྩོལ་པའི་ཤེས་ལྡན་མི་སྣའི་དཔུང་ཁག་གཅིག་བཏོད་ཐུབ་པ་བྱེད་དགོས།
ཚོགས་འདུས་ནན་བཤད་བྱས་དོན། ལོ་རྙིང་གི་མཇུག་བསྡུ་ཞིང་ལོ་གསར་པའི་འགོ་རྩོམ་པའི་དུས་འདིར། གྲོང་ཁྱེར་ཡོངས་ཀྱི་རིམ་ཁག་ཚན་པས་བརྟན་ལྷིང་སྲུང་སྐྱོབ་བྱ་རྒྱུ་དེ་ལས་འགན་ཨང་དང་པོར་བརྩིས་ཐོག་བརྟན་ལྷིང་སྲུང་སྐྱོང་གི་འགན་འཁྲི་དོན་འཁྱོལ་ནན་ཏན་བྱེད་དགོས་པ་དང་། བརྟན་ལྷིང་སྲུང་སྐྱོང་གི་སྡོད་བྱའི་ལས་འགན་ཡག་པོ་བསྒྲུབ་དགོས། བདེ་འཇགས་ཀྱི་འདུ་ཤེས་མཐོ་རུ་བཏང་ནས་འགྲིམ་འགྲུལ་དང་མེ་ཟོན་སོགས་ཀྱི་བདེ་འཇགས་བྱ་ཐབས་ལ་ཤུགས་སྣོན་བརྒྱབ་སྟེ་བདེ་འཇགས་ངང་ཐོན་སྐྱེད་བྱེད་རྒྱུ་འགན་ལེན་བྱེད་དགོས། རྣམ་གྲངས་འཛུགས་སྐྲུན་ལ་གཅིག་གྱུར་ཐོག་དམ་འཛིན་བྱས་ནས་འདི་ལོའི་ལས་ཀའི་ཕྱོགས་བསྡོམས་དང་སང་ལོའི་ལས་ཀའི་འཆར་གཞི་ཡག་པོ་བཟོ་དགོས། ཞིང་པ་ལས་མིའི་གླ་ཕོགས་སྤྲོད་པའི་ལས་དོན་ཡག་པོ་བསྒྲུབས་ནས་དུས་ཐོག་ཏུ་འགྱངས་ཆད་གཉིས་ཀྱི་གནད་དོན་ཤེས་རྟོགས་དང་ཐག་གཅོད་འོས་འཚམ་བྱེད་དགོས་པ་དང་། ཁེ་ལས་དང་ཞིང་པ་ལས་མིའི་ཁྲིམས་མཐུན་ཁེ་དབང་ལ་སྲུང་སྐྱོང་ཏན་ཏིག་བྱེད་དགོས། སྔོན་ཚུད་ནས་འཆར་འགོད་བྱས་ཏེ་དུས་ཆེན་གསུམ་རིང་གི་འཚམས་འདྲི་དང་། དུས་ཆེན་གྱི་ཁྲོམ་རའི་མཁོ་སྤྲོད་སོགས་ཐད་ཀྱི་ལས་དོན་ནན་ཏན་བསྒྲུབས་ནས་དུས་ཆེན་རིང་སྤྱི་ཚོགས་དུས་བབ་རྒྱུན་བསྲིང་དང་ཞི་མཐུན་བརྟན་ལྷིང་ཡོང་བའི་འགན་ལེན་བྱེད་དགོས།
ཚོགས་འདུས་དེ་མིན་ལས་དོན་ལ་ཞིབ་འཇུག་བྱས་པ་རེད།
