（པར་ངོས་དང་པོར་མཐུད） ལམ་དུམ་འཛུགས་སྐྲུན་གྱི་རྣམ་གྲངས་གྲས་ཤིག་རེད། ཕུར་བུ་དོན་གྲུབ་ཀྱིས། ལས་གཞིའི་འཆར་འགོད་དང་འཛུགས་སྐྲུན་མྱུར་ཚད་སྤེལ་ཚུལ་ལ་ཤེས་རྟོགས་ཞིབ་ཕྲ་གནང་བ་མ་ཟད། ལས་ཡུལ་དངོས་སུ་འཕྲད་པའི་དཀའ་ཁག་དང་གནད་དོན་ཐག་གཅོད་ཐུབ་རྒྱུར་འབྲེལ་མཐུད་གནང་། ཁོང་གིས། གྲོང་སྲིད་གཞུང་ལམ་ལས་གཞི་ནི་གྲོང་ཁྱེར་གཟུགས་བརྙན་མཐོར་འདེགས་དང་། གྲོང་ཁྱེར་ལམ་དྲ་འཐུས་ཚང་གཏོང་བའི་ཐབས་ལམ་གལ་ཆེན་ཞིག་ཡིན་པས། འབྲེལ་ཡོད་ཚན་པས་གོམ་གང་མདུན་སྤོས་ཀྱིས་འགན་འཁྲིའི་འདུ་ཤེས་དང་ཛ་དྲག་འདུ་ཤེས་མཐོར་གཏོང་སྒོས་གྲོང་ཁྱེར་གྱི་འཆར་འགོད་འཕེལ་རྒྱས་ཀྱི་དགོས་མཁོ་གཞིར་བཟུང་། སྔར་བས་ལེགས་པ་དང་། སྔར་བས་འོས་ཤིང་འཚམ་པ། སྔར་བས་ཚན་རིག་དང་མཐུན་པ་བཅས་ཀྱི་སྒོ་ནས་གྲོང་སྲིད་གཞུང་ལམ་ལས་གཞི་ཁག་གི་འཛུགས་སྐྲུན་ལ་སྐུལ་འདེད་གཏོང་དགོས་པའི་ནན་བཤད་གནང་།
ཕུར་བུ་དོན་གྲུབ་ཀྱིས། སྣེ་གདོང་ཆུས་དང་འབྲེལ་ཡོད་ཚན་པས་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་འཕེལ་རྒྱས་བསམ་བློ་མཐའ་འཁྱོངས་བྱས་ཏེ། དམངས་ཀྱིས་མཛེས་སྡུག་ལྡན་པའི་འཚོ་བར་བློ་ཁ་ཕྱོགས་སར་དམ་པོར་དམིགས་ནས་ཞབས་ཞུ་དང་། ལྟ་སྐུལ། དོ་དམ་བཅས་གསུམ་ཟུང་འབྲེལ་བྱེད་དགོས་པ་དང་མུ་མཐུད་ནས་གྲོང་ཁྱེར་གྱི་དོ་དམ་ཆུ་ཚད་མཐོར་གཏོང་བྱེད་དགོས། སྒོ་ཀུན་ནས་སྤུད་ཚད་མཐོ་བའི་དཔེ་སྟོན་རང་བཞིན་གྱི་གྲོང་འཛུགས་ལས་གཞི་གཏོད་དེ། སྔར་བས་སྡོད་མལ་སྐྱིད་ཅིང་ལས་གཏོད་འཕྲོད་པའི་ཡིད་འོང་རྩེད་ཐང་གྲོང་ཁྱེར་ཅིག་གཏོད་དགོས་པའི་ནན་བཤད་གནང་།
