ཀྲུང་གོའི་བོད་སྐད་རླུང་འཕྲིན་དྲ་བའི་ཐོག་གནས་ཚུལ་སྤེལ་གསལ།ཉེ་སྔོནཔེ་ཅིང་དུ་ཡོངས་བསྒྲགས་བྱས་པའི་ཀྲུང་གོའི་དྲ་སྦྲེལ་དྲ་རྒྱའི་འཕེལ་རྒྱས་གནས་ཚུལ་བསྡོམས་རྩིས་སྙན་ཞུ་ཐེངས་42གཞིར་བཟུང་།སྙན་ཞུའི་ནང་གསལ་དོན།2018ལོའི་ལོ་སྟོད་དུ།རང་རྒྱལ་གྱི་དྲ་རྒྱའི་རོལ་རྩེད་ཁྲོམ་རའི་དགོས་མཁོ་ཧ་ཅང་ཆེ་བ་དང་བརྙན་ཐུང་བཀོལ་སྤྱོད་བྱ་རྒྱུ་མགྱོགས་མྱུར་འཕེལ་རྒྱས་ཕྱིན་ཡོད།དྲ་དམངས་བརྒྱ་ཆ་74.1གིས་བརྙན་ཐུང་བཀོལ་སྤྱོད་བྱེད་ཀྱི་ཡོད།2018ལོའི་ལོ་སྟོད་དུ་ཁྲོམ་རའི་དགོས་མཁོ་ཆེན་པོར་ཁ་གཏད་གཅོག་ཆེད་དེ་མཚུངས་ཀྱི་སྲིད་ཇུས་བཏོན་ནས་དྲ་སྦྲེལ་རོལ་རྩེད་ཀྱི་ལས་རྣམ་སྐྱོན་བྲལ་ངང་འཕེལ་རྒྱས་འགྲོ་རྒྱུར་བསྔགས་སྐུལ་དང་ཁྲིད་སྟོན་བྱས་པ་སྟེ།དྲ་རྒྱའི་རིག་གནས་རོལ་རྩེད་ཀྱི་ནང་དོན་སྔར་བས་ཚད་ལྡན་བཟོས་པ་དང་།དྲ་རྒྱའི་རོལ་དབྱངས་དང་རྩོམ་རིག་པར་དབང་གི་ཁོར་ཡུག་རིམ་བཞིན་འཐུས་སྒོ་ཚང་དུ་བཏང་བ།དྲ་རྒྱའི་རོལ་རྩེད་ཁྲོད་ཀྱི་ཁྲིམས་འགལ་སྒྲིག་འགལ་གྱི་ནང་དོན་བཅོས་སྒྲིག་བྱས་པ།བརྙན་ལམ་ལས་རིགས་ཀྱིས་ནང་དོན་ལྟེ་བར་བྱེད་པའི་སྣོད་བཅུད་མ་ལག་བཙུགས་པ།ཐད་གཏོང་ལས་སྟེགས་དེ་ཞིབ་ཚགས་ཅན་གྱི་གཉེར་སྐྱོང་དུས་མཚམས་སུ་སླེབས་པ་བཅས་རེད།ད་དུང་སྙན་ཞུའི་ནང་།སྤྱི་ཚོགས་ཀྱི་འབྲེལ་བའི་བཀོལ་སྤྱོད་སྒུལ་བདེ་ཅན་དང་དམངས་ཡོངས་ཅན་གྱི་འཕེལ་ཕྱོགས་སྔར་བས་ཤུགས་ཆེར་ཕྱིན་པ་དེ་དྲ་དམངས་ཀྱིས་དུས་ཚོད་ལྷག་འཕྲོ་བེད་སྤྱོད་བྱེད་པའི་ཐབས་ལམ་ཡིན་ཞེས་བསྟན་པ་རེད།