སྙིང་དོན་གནད་བསྡུས།
ཧྲུའུ་ཅི་ཝུའུ་དབྱིང་ཅེས་ཉིང་ཁྲི་གྲོང་ཁྱེར་དུ་རྟོག་ཞིབ་གནང་སྐབས་གཞི་རིམ་རྩ་འཛུགས་ཀྱིས་ཐད་ཀར་རྒྱ་ཆེའི་མང་ཚོགས་ལ་འབྲེལ་གཏུག་དང་ཞབས་ཞུ་བྱས་ཏེ་ཐོག་མཐའ་བར་གསུམ་དུ་མི་དམངས་མང་ཚོགས་སེམས་ནང་གི་གནས་བབ་མཐོ་ཤོས་ཐོག་བཞག་ནས་མང་ཚོགས་ཀྱི་ལས་དོན་སྒྲུབ་པའི་འཇོན་ཐང་དང་ཆུ་ཚད་ཟམ་མི་ཆད་པར་མཐོ་རུ་གཏོང་དགོས་ཞེས་བསྟན་གནང་བ་རེད། འདི་ལོ་ནས་བཟུང་ལྷོ་ཁ་གྲོང་ཁྱེར་སྣེ་གདོང་ཆུས་ཀྱིས་ལས་བྱེད་པ་དང་མང་ཚོགས་ཀྱི་འབྲེལ་བའི་ཐབས་ལམ་རྒྱ་ཆེར་ཧུར་ཐག་བཏང་ནས་ལས་བྱེད་པ་དང་ལས་བཟོས་ཞིང་འབྲོག་མང་ཚོགས་དང་མཉམ་ཟ་མཉམ་སྡོད་དང་མཉམ་དུ་ངལ་རྩོལ་བྱེད་དུ་བཅུག་པས་ལས་བྱེད་པ་དང་མང་ཚོགས་དབར་གྱི་འབྲེལ་བ་ཟབ་ཏུ་ཕྱིན་པ་དང་མང་ཚོགས་ལ་ཞབས་འདེགས་ཞུ་ནུས་ཆེ་རུ་ཕྱིན་ནས་གྲོང་གསེབ་དར་རྒྱས་ཀྱི་འཐབ་ཇུས་ལག་བསྟར་གཏིང་ཟབ་བྱ་ཆེད་སྲ་ཞིང་བརྟན་པའི་རྨང་གཞི་བཏིང་ཡོད།
དབྱར་འགོའི་ཡར་ཀླུང་ས་གཞི་ཆེ་མོར་རི་སྟེང་དང་ཞིང་ནང་དུ་ཉི་འོད་རབ་ཏུ་འཕྲོ་བ་དང་གནམ་གཤིས་རིམ་བཞིན་དྲོ་རུ་འགྲོ་གི་ཡོད།
ཉིན་དགུང་སྐབས་ལི་ཝེ་དང་ཚེ་རིང་གཡུ་སྒྲོན་གྱིས་ད་དུང་ཟླ་བ་ཚེ་རིང་ཁྱིམ་གྱི་ཞིང་ནང་དུ་རྩྭ་ངན་བཀོག་པ་དང་ཟླ་བ་ཚེ་རིང་གིས་ཁོང་གཉིས་པོར་རྩྭ་ངན་བཀོག་སྟངས་སློབ་པ་དང་ལོ་དེའི་ཐོན་འབབ་སྐོར་ཤོད་ཀྱི་ཡོད། དེས་ན་ལི་ཝེ་དང་ཚེ་རིང་གཡུ་སྒྲོན་གྱིས་ཁོམ་པ་བཙལ་ནས་ཟླ་བ་ཚེ་རིང་ལ་ཞིང་ཕན་སྲིད་ཇུས་སྒྲོག་འགྲེལ་བྱེད་ཀྱི་ཡོད།
དགུང་ཟས་བཟའ་དུས་སླེབས་སྐབས་ལི་ཝེ་དང་ཚེ་རིང་གཡུ་སྒྲོན་གྱིས་བཀོག་པའི་རྩྭ་འགྱིག་ཕད་ནང་བླུགས་ཏེ་ཟླ་བ་ཚེ་རིང་གི་ཁྱིམ་དུ་འཁྱེར་ནས་ཕྱུགས་ཟོག་ལ་སྟེར་རྩིས་བྱས།
ཁོང་གསུམ་པོས་ལམ་བར་དགོད་སྒྲ་ལྷང་ལྷང་ངང་སྐད་ཆ་ཤོད་ཅིང་། གཞན་གྱིས་བལྟས་ཚེ་ཁོང་གསུམ་པོ་ཁྱིམ་མི་གཅིག་ལྟར་རེད།
ཡིན་ནའང་ལི་ཝེ་དང་ཚེ་རིང་གཡུ་སྒྲོན་ནི་སྣེ་གདོང་ཆུས་རྩེད་ཐང་གྲོང་རྡལ་གྱིས་མངགས་པའི་ཁག་དང་པོའི་གྲོང་ཚོ་དང་དུད་ཚང་དུ་བསྐྱོད་དེ་རོགས་སྐྱོར་བྱེད་པའི་ （པར་ངོས་གསུམ་པར་གཟིགས）
