（པར་ངོས་དང་པོར་མཐུད） ལྷོ་བྲག་གིས་པད་ཁ་དང་སྲན་མའི་རྟེན་གཞི་མུའུ་11000བཙུགས་ནས་མང་ཚོགས་ཀྱི་འབབ་འཕར་རྒྱུན་བསྲིང་ཡོང་བ་བྱས་པ།

མཚོ་སྣས་ས་མཐོའི་ཇ་ལོའི་རྟེན་གཞི་མུའུ་693བཟོས་ནས་ཇ་ལོ་ཐོན་ཐུབ་པའི་མུའུ་210ཡོད་པར།ཇ་ལོ་ཐོན་ཚད་རྒྱ་མ་17783ཟིན་པ་དང་།འབབ་འཕར་སྒོར་ཁྲི་208བྱུང་བ།

ལྷུན་རྩེས་ལྗོངས་ཡོངས་ཀྱི་ནས་ནག་མ་འདེབས་འཛུགས་རྟེན་གཞི་ཆེ་ཤོས་བཏོད་ཐབས་བྱས་ཤིང་།འདི་ལོ་འཆར་གཞི་ལྟར་ན་མུའུ་ཁྲི་2.08འདེབས་རྒྱུ་ཡིན་པ་དང་།བཞོན་པ་མགོ་གྲངས་1500ཡན་གྱི་གསོ་ཚགས་རྟེན་གཞི་བཙུགས་ཡོད།

ཆུ་གསུམ་གྱིས་བོད་སྨན་འདེབས་འཛུགས་དང་ལས་སྣོན་ཐོན་ལས་འཕེལ་རྒྱས་ཤུགས་ཆེན་བཏང་བ་དང་།བོད་སྨན་སྨན་རྒྱུ་མུའུ་520འདེབས་འཛུགས་བྱས་པ་དང་།འཆར་གཞི་ལྟར་ན་ད་དུང་མུའུ་500འདེབས་འཛུགས་བྱ་རྩིས་ཡོད་པ།

རྒྱ་ཚྭས་སྟར་ཀའི་ཐོན་ལས་སྟོབས་ཆེར་གཏོང་རྒྱུ་རྒྱུན་འཁྱོངས་བྱས་པ་དང་།ལྗོངས་ཡོངས་ནས་གཞི་ཁྱོན་ཆེ་ཤོས་ཀྱི་སྟར་ཀའི་གླིང་བཙུགས་པ་དང་།སྟར་ཀ་མུའུ་ཁྲི་2.1དང་སྟོང་རྐང་ཁྲི་48.1འདེབས་འཛུགས་བྱས་པ།

ཟངས་རིས་རྒུན་འབྲུམ་མུའུ་1400འདེབས་འཛུགས་བྱས་པ་མ་ཟད།རྒུན་འབྲུམ་ཨ་རག་གི་ཐོན་ལས་འཕེལ་རྒྱས་བཏང་ནས་འདེབས་འཛུགས་བྱེད་མཁན་ཁྱིམ་དུད་རེར་འབབ་འཕར་སྒོར་2000ཡན་ཟིན་པ་བྱས་ཡོད་པ་རེད།