（པར་ངོས་དང་པོར་མཐུད） བཏང་བ་དེ་བོད་ཀྱིས་ལྗོངས་ཡོངས་སུ་མཐའ་མཚམས་དཔེ་སྟོན་གྲོང་ཚོ་སྐྲུན་པའི་འདུ་འགོད་ལག་ལེན་བསྟར་འགོ་ཚུགས་པ་ལས་ཕན་པ་ཐོབ་པ་ཞིག་རེད།

2017ལོར་སླད་ཤང་ལ་གློག་དང་ལམ་ཤར་གཏོང་ཐུབ་པའི་ཁར། བོད་རང་སྐྱོང་ལྗོངས་ཀྱིས་བཏོན་པའི་འཆར་འགོད་གསར་པར་གཞིགས་ནས་སླད་ཤང་གིས་ཇ་འདེབས་ཞིང་འབྲོག་པའི་ཆེད་ལས་མཉམ་ལས་ཁང་བཙུགས་ནས“རྟེན་གཞི་དང་ཞིང་དུད། མཐུན་ཚོགས་བསྣན་སྦྲེལ་ཅན་གྱི་རྣམ་པ་བརྒྱུད་ཐོན་སྐྱེད་དང་། མཁོ་སྤྲོད། ཕྱིར་ཚོང་བཅས་གཞི་གཅིག་ཏུ་བསྡུས་པའི་གཉེར་སྐྱོང་མངོན་འགྱུར་བྱུང་ཞིང་། དེ་ལ་བརྟེན་ནས་དེ་གའི་མང་ཚོགས་ཀྱིས་ཇ་འདེབས་ཀྱི་ལག་རྩལ་ཁོང་དུ་ཆུད་པ་མ་ཟད། འབབ་འཕར་ཡང་བྱུང་ཡོད།

ཚོགས་ཆེན་བཅུ་དགུ་པའི་རྗེས། བོད་ཀྱིས་མཐའ་མཚམས་འབྱོར་འབྲིང་གྲོང་ཚོའི་འཛུགས་སྐྲུན་མགྱོགས་སུ་བཏང་བ་དང་རྨང་གཞིའི་སྒྲིག་བཀོད་འཛུགས་སྐྲུན་ལ་དམིགས་ནས་མཐའ་མཚམས་མང་ཚོགས་ཀྱི་འཚོ་བ་དང་ཐོན་སྐྱེད་ཀྱི་མཐུན་རྐྱེན་ལེགས་སུ་བཏང་བས་སྔོན་རྩིས་བྱས་ན། 2020ལོར་སླེབས་སྐབས་བོད་ཀྱི་མཐའ་མཚམས་གྲོང་ཚོའི་གཞུང་ལམ་ཤར་གཏོང་ཐུབ་ཚད་བརྒྱ་ཆ་100ཟིན་རྒྱུ་དང་། ཐོན་ལས་ཀྱིས་སྣེ་ཁྲིད་དང་སྲིད་ཇུས་ཀྱིས་འདེགས་སྐྱོར་བྱས་པ་བརྒྱུད། 2020ལོར་སླེབས་སྐབས་མཐའ་མཚམས་མི་སེར་ལ་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ད་ཡོད་ལས་ལྡབ་གཅིག་འཕར་རྒྱུ་ཡིན་པ་རེད།