།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་སྔོན། འཕྱོངས་རྒྱས་རྫོང་གིས་ཏང་གི་ཚོགས་ཆེན་བཅུ་དགུའི་དགོངས་དོན་སློབ་སྦྱོང་བྱེད་ཐེངས་བརྒྱའི་གྲོས་བསྡུར་ཐེངས་མ་12ཡི་ཚོགས་འདུ་བསྐོང་འཚོག་བྱས་ཏེ། གསར་དུ་དག་བཅོས་བྱས་པའི་ཏང་གི་སྒྲིག་ཡིག་ནང་གི་ནང་དོན་གསར་པ་དང་དགོངས་པ་གསར་པར་ཆེད་དོན་སློབ་སྦྱོང་དང་སློབ་སྦྱོང་མྱོང་ཚོར་གྲོས་བསྡུར་བྱས་ཡོད་པ་རེད།

ཚོགས་འདུའི་ཐོག རྫོང་ཡོངས་ཀྱིས་ཏང་གི་ཚོགས་ཆེན་བཅུ་དགུའི་དགོངས་དོན་སློབ་སྦྱོང་བྱེད་ཐེངས་བརྒྱའི་མྱོང་ཚོར་གྲོས་བསྡུར་གྱི་བྱེད་སྒོ་སྤེལ་ཚུལ་སྤྱི་བསྒྲགས་བྱས་ཤིང་། རྫོང་མི་དམངས་འཐུས་ཚོགས་གཞུང་ལས་ཁང་དང་། རྫོང་སྒྲིག་ཨུད། རྫོང་ཚན་པའི་ཏང་ཨུད། དེ་བཞིན་འཕྱོངས་རྒྱས་གྲོང་བརྡལ་དང་། ཤ་སོལ་ཤང་། ལྷ་ཡུལ་ཤང་བཅས་ཀྱི་འཐུས་མིས་རང་ངོས་ལས་ཀའི་གནས་ཚུལ་དང་ཟུང་འབྲེལ་བྱས་ནས་གཏམ་བཤད་སྤེལ་བ་རེད།

ཚོགས་འདུས། ངོས་འཛིན་གནད་ལ་འཁེལ་བ་བྱས་ཏེ་དག་བཅོས་ཟིན་པའི་ཏང་གི་སྒྲིག་ཡིག་གི་ནང་དོན་ནི་རྨང་གཞི་བྱས་ཐོག་དེར་གོ་བ་གཏིང་ཟབ་ལེན་དགོས་པ་དང་། རྒྱ་ཆེའི་ཏང་ཡོན་ལས་བྱེད་པས་ཐོག་མའི་བསམ་འདུན་མ་བརྗེད་པ་དང་འགན་འཁྲི་ཡིད་ལ་བཅངས་པར་བྱེད་པའི་གཟི་བརྗིད་ལས་འགན་གྱི་འདུ་ཤེས་འཛུགས་སྐྱོང་ཡག་པོས་ཐོག་མཐའ་བར་གསུམ་དུ་ཆབ་སྲིད་དང་བསམ་བློ་བྱ་སྤྱོད་སྟེང་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བ་བྱས་ནས། བློ་དཀར་གཞུང་དྲང་དང་སྤྱོད་གཙང་ལྡན་པ། འགན་འཁྲི་དང་དུ་བླངས་ཕོད་མཁན་གྱི་གུང་ཁྲན་ཏང་ཡོན་ཞིག་བྱེད་དགོས་པའི་ནན་བཤད་བྱས་པ་རེད།

（འཇིགས་མེད་ཀྱིས་བསྒྱུར།）