（པར་ངོས་དང་པོར་མཐུད） བབས་སར་བརྩི་དགོས་ཞེས་པའི་མཛུབ་སྟོན་གལ་ཆེན་ལག་བསྟར་དོན་འཁྱོལ་གཏིང་ཟབ་བྱས་ཏེ་དམངས་འཚོ་གཙོ་བོར་འཛིན་རྒྱུ་མཐའ་འཁྱོངས་ཀྱིས་མི་རིགས་ཁག་གི་མང་ཚོགས་ཀྱིས་སྒྱུར་བཅོས་འཕེལ་རྒྱས་ཀྱི་གྲུབ་འབྲས་མཉམ་གཏོད་དང་མཉམ་སྤྱོད་ཐུབ་པ་བྱས་ཡོད་ཅེས་བཤད་པ་རེད།

རྒྱལ་ཡོངས་སུ་མཐའ་མཚམས་གྲོང་མིའི་ཁ་གསབ་ལམ་ལུགས་ཐོག་མར་བཙུགས་ནས་ཀུན་ཕན་རང་བཞིན་དང་ལས་ཀའི་ལམ་ལུགས་ཟུང་དུ་འབྲེལ་བའི་མཐའ་མཚམས་གྲོང་མིའི་ཁ་གསབ་སྲིད་ཇུས་ལག་བསྟར་བྱས་ཏེ་2016ལོར་མཐའ་མཚམས་ས་ཁུལ་ལ་གཏོང་སྤྲོད་གཞན་སྒྱུར་མ་དངུལ་སྒོར་དུང་ཕྱུར་11.94དོན་འཁྱོལ་བྱས་པར་མཐའ་མཚམས་གྲོང་མིའི་ཡོང་འབབ་འཕར་བ་དང་།མཐའ་མཚམས་ས་ཁུལ་གྱི་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་ཕྱིན་པ།མཐའ་མཚམས་ས་ཁུལ་གྱི་ཞིང་འབྲོག་པ་མཐའ་མཚམས་དོ་དམ་ཚོད་འཛིན་ནང་ཞུགས་པའི་ཧུར་སེམས་དང་རང་འགུལ་འཕེལ་བ་བཅས་བྱས་ཡོད། 2017ལོར་རང་སྐྱོང་ལྗོངས་ནོར་སྲིད་ཀྱིས་མ་དངུལ་སྒོར་དུང་ཕྱུར་60སྤྱི་འདོམས་འདུ་སྒྲིལ་བྱས་ཏེ་མཐའ་མཚམས་ས་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་བྱས་ཏེ་མཐའ་དར་དམངས་ཕྱུག་གི་བྱ་སྤྱོད་དང་མཐའ་མཚམས་ས་ཁུལ་གྱི་གཏོང་སྤྲོད་གཞན་སྒྱུར་ལ་རྒྱབ་སྐྱོར་བྱེད་ཤུགས་ཆེ་རུ་བཏང་ཡོད།དུས་མཚུངས་སུ་མཐའ་མཚམས་ཀྱི་འཐབ་ཕྱོགས་དང་པོ་དང་གཉིས་པའི་ཤང(གྲོང་རྡལ)གི་གྲོང་མིའི་ཁ་གསབ་ཚད་གཞི་2012ལོའི་མི་རེར་ལོ་རེར་སྒོར་1000དང་སྒོར་800ནས་2016ལོའི་མི་རེར་ལོ་རེར་སྒོར་1700དང་སྒོར་1500བར་མཐོ་རུ་བཏང་བ་དང་། 2017ལོར་ཚད་གཞི་དེ་མི་རེར་ལོ་རེར་སྒོར་2700དང་2500བར་ཟིན་ནས་འཐབ་ཕྱོགས་དང་པོ་དང་གཉིས་པའི་ལོ་16ཡན་གྱི་མཐའ་མཚམས་མང་ཚོགས་ཁྲི་16ལྷག་ཙམ་ལ་ཕན་པ་ཐོབ་ཡོད།