（པར་ངོས་དང་པོར་མཐུད） ཙུའུ་ཀྲང་ཅང་ཅུས་ཧྥུང་གིས་ངོ་སྤྲོད་བྱས་པར་གཞིགས་ན།ཉེ་སྔོན་ཀྲུང་དབྱང་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་གིས་ཞིང་ཆེན་དང་།གྲོང་ཁྱེར།རང་སྐྱོང་ལྗོངས་བཅས་23ལ་ཁོར་ཡུག་སྲུང་སྐྱོང་ལྟ་བཤེར་བྱས་པར་མང་ཚོགས་ཀྱི་ཐེར་འདོན་གོང་ཞུ་ཁྲི་9ལྷག་ཙམ་འབྱོར་བ་དང་མང་ཚོགས་ཀྱིས་གླེང་མང་བའི་ཁོར་ཡུག་སྲུང་སྐྱོང་གནད་དོན་འབོར་ཆེན་ཞིག་ཐག་གཅོད་ཐུབ་ཡོད།ཀྲུང་དབྱང་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་དྲུག་པ་ད་ཐེངས་བོད་དུ་ཡོང་ནས་གཙོ་བོ་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་རྒྱལ་ཁབ་ཀྱི་ཁོར་ཡུག་སྲུང་སྐྱོང་གི་ཐབས་ཇུས་བཀོད་སྒྲིག་དོན་འཁྱོལ་དང་།མངོན་གསལ་དོད་པའི་ཁོར་ཡུག་གནད་དོན་ཐག་གཅོད།ཁོར་ཡུག་སྲུང་སྐྱོང་གི་བྱེད་པོའི་འགན་འཁྲི་དོན་འཁྱོལ་བཅས་བྱས་ཚུལ་ལ་ལྟ་བཤེར་བྱ་རྒྱུ་ཡིན་པ་རེད།

བཀོད་སྒྲིག་གཞིར་བཟུང་།ཀྲུང་དབྱང་ཁོར་ཡུག་སྲུང་སྐྱོང་ལྟ་བཤེར་ཚོཌ་ཆུང་དྲུག་པ་བོད་དུ་ཟླ་བ་གཅིག་ཙམ་བཅའ་སྡོད་བྱ་རྒྱུ་ཡིན་པ་དང་།ཟླ་8ཚེས་15ཉིན་ནས་ཟླ་9ཚེས་15ཉིན་བར་ལྟ་བཤེར་ཚོགས་ཆུང་བཅའ་སྡོད་བྱེད་རིང་ལས་རེས་ཁ་པར། 0891—6515000དང་།སྦྲག་སྲིད་ཡིག་སྒམ།ལྷ་ས་གྲོང་ཁྱེར་སྦྲག་སྲིད་ཡིག་སྒམ་ཨང་0003བཀོད་སྒྲིག་བྱས་ཡོད།ལྟ་བཤེར་ཚོགས་ཆུང་གིས་ཐེར་འདོན་གོང་ཞུའི་ཁ་པར་ལེན་པའི་དུས་ཚོད་ནི་ཉིན་ལྟར་གྱི་ཆུ་ཚོད་9：00—21：00བར་ཡིན་པ་དང་གཙོ་བོ་བོད་རང་སྐྱོང་ལྗོངས་ཀྱི་ཁོར་ཡུག་སྲུང་སྐྱོང་ཐད་ཀྱི་ཡིག་གེ་དང་ཁ་པར་གྱི་ཐེར་འདོན་གོང་ཞུ་བདག་སྤྲོད་བྱ་རྒྱུ་ཡིན་པ་རེད།