རྒྱལ་ཁབ་ས་ཆའི་བར་སྟོང་གནས་ཚུལ་ལ་དམིགས་ཏེ་རྒྱལ་ཁབ་ས་ཆའི་འཕེལ་རྒྱས་ཕྱོགས་སྟོན་ལེགས་སྒྲིག་བྱས་ནས་གྲོང་ཁྱེར་ཡོངས་ཀྱི་རྒྱལ་ཁབ་ས་ཆའི་བར་སྟོང་གཙོ་གནད་གསར་སྤེལ་ཁུལ་དང་ཚད་བཀག་གསར་སྤེལ་ཁུལ། བཀག་སྡོམ་གསར་སྤེལ་ཁུལ་བཅས་རིགས་གསུམ་ལ་དབྱེ་ནས་གོ་རིམ་ལྡན་པའི་ངང་རྒྱལ་ཁབ་ས་ཆའི་བར་སྟོང་གསར་སྤེལ་བྱ་རྒྱུ།
ཚན་རིག་དང་མཐུན་པའི་གཙོ་གནད་གསར་སྤེལ་ཁུལ་ཁག་དབྱེ་བྱ་རྒྱུ། གོང་དཀར་རྫོང་དང་གྲ་ནང་རྫོང་། སྣེ་གདོང་ཆུས་བཅས་ནི་རྒྱལ་ཁབ་ཀྱི་ངོས་ནས་གཙོ་གནད་གསར་སྤེལ་ཁུལ་སྟེ་བོད་དབུས་ལྷོ་ས་ཁུལ་གྱི་ལྷ་ས་ནས་རྩེད་ཐང་བར་གྱི་གྲོང་ཁྱེར་དང་གྲོང་རྡལ་ཁུལ་ཁོངས་སུ་གནས་ཡོད། རྒྱ་ཚ་རྫོང་ང་རབ་གྲོང་རྡལ་དང་ཆུ་གསུམ་རྫོང་ཆུ་གསུམ་གྲོང་རྡལ། མཚོ་སྣ་རྫོང་མཚོ་སྣ་གྲོང་རྡལ་བཅས་ནི་རང་སྐྱོང་ལྗོངས་ཀྱི་གཙོ་གནད་གསར་སྤེལ་ཁུལ་ཡིན། གཙོ་གནད་གསར་སྤེལ་ཁུལ་ནི་ལྗོངས་ཡོངས་ཀྱི་གལ་ཆེའི་དཔལ་འབྱོར་འཕེལ་རྒྱས་ལྟེ་གནས་དང་གལ་ཆེའི་གཏེར་ཐོན་ཐོན་ཁུངས་རྟེན་གཞི། གལ་ཆེའི་ཡུལ་སྐོར་ལས་རིགས། ཞིང་འབྲོག་ནགས་ལས་ཀྱི་ཁྱད་ལྡན་ཐོན་ལས་དང་མི་རིགས་ལག་ཤེས་བཟོ་ལས་འཕེལ་རྒྱས་རྟེན་གཞི། ལྷ་སའི་ཁུལ་དང་ཁྱབ་འབྱེད་སྐུལ་ཁྲིད་བྱེད་པའི་བོད་བྱང་ཁུལ་འབྲེལ་བའི་གལ་ཆེའི་ཤར་གཏོང་ལམ་བཅས་ཡིན།
