འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཁྱེར་ཡོངས་ཀྱི་སྐོར་ཞིབ་ལས་དོན་ཚོགས་འདུ་དང་སྐབས་གཉིས་པའི་གྲོང་ཨུད་རེས་སྐོར་དགུ་པའི་སྐོར་ཞིབ་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་སྣེ་གདོང་དུ་སྐོང་འཚོགས་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། ལོ་འཁོར་གྱི་སྐོར་ཞིབ་ལས་འགན་གཙོ་བོ་བཀོད་སྒྲིག་དང་རེས་སྐོར་དགུ་པའི་སྐོར་ཞིབ་ལས་དོན་ལ་བཀོད་སྒྲིག་བྱས་པ་རེད།
གྲོང་ཨུད་རྒྱུན་ཨུ། རྩ་འཛུགས་པུའི་པུའུ་ཀྲང་། གྲོང་ཨུད་སྐོར་ཞིབ་ལས་དོན་འགོ་ཁྲིད་ཚོ་ཆུང་གི་ཚོགས་གཙོ་གཞོན་པ་ཧྥུང་ཞའོ་དབྱི་ཚོགས་འདུར་ཞུགས།
ཚོགས་འདུས་ནན་བཤད་བྱས་དོན། རེས་སྐོར་འདིའི་སྐོར་ཞིབ་ཀྱི་གཙོ་གནད་ཁོང་དུ་ཡང་དག་ཆུད་པ་དང་། སྐོར་ཞིབ་བྱ་ཡུལ་གྱི་གཙོ་འགན་གཙོ་ལས་དང་ལས་ཀའི་ཁྱད་ཆོས་དང་ཟུང་འབྲེལ་གྱིས། ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་བའི་སློབ་སྦྱོང་སློབ་གསོ་དང་། མང་ཚོགས་ཉེ་འགྲམ་གྱི་ཚུལ་མིན་བྱ་སྤྱོད་དང་རུལ་སུངས་ཀྱི་གནད་དོན་གཅིག་སྡུད་དག་ཐེར་བཅོས་སྒྲིག་ལ་ཁྱབ་འགྱེད་བྱས་ཐོག་གཙོ་གནད་འབུར་ཐོན་དང་། གཙོ་གནད་དམ་འཛིན། ལྟ་སྐུལ་གནད་འཁེལ་བཅས་བྱ་དགོས། རྩ་འཛུགས་ཀྱི་འགོ་ཁྲིད་ལ་ཤུགས་སྣོན་རྒྱག་པ་དང་སྒྲིག་སྲོལ་དང་སྒྲིག་ཁྲིམས་ལྟར་རང་ངོས་འཛུགས་སྐྱོང་བྱེད་ཤུགས་ཆེ་རུ་བཏང་ནས་ལས་དོན་ཁག་ཕན་ནུས་ཆེ་ཞིང་གོ་རིམ་ལྡན་པའི་སྒོ་ནས་སྐུལ་སྤེལ་གཏོང་བ་དང་གྲུབ་འབྲས་ཐོབ་པའིའགན་ལེན་བྱེད་དགོས།
ཡེ་ཤེས་བཟང་མོས་བསྒྱུར། བསོད་བསྟན་གྱིས་ཞུས།
