སྟོན་སྒེག་མོས་བྲིས་པའི་སྙན་ངག་འདི། །
ཡུལ་ཡར་མོ་ཀླུང་ནས་ལྷང་ངེར་གྱེར། །
ཁུར་ལྗིད་པོས་དུད་པའི་ལོ་ཏོག་གསེང་། །
ང་ཞིང་པའི་བཙས་གླུ་སྙན་ཞིང་འཇེབས། །
ལར་བཀོད་པ་གཙང་བའི་ལྷོ་ཁའི་གྲོང་། །
གསེར་ཉིང་ཁུས་བརྒྱན་འདྲ་ལྟ་ན་སྡུག །
ནགས་སྐྱེ་མཚར་ལེགས་པའི་ཁྲོད་དུ་ན། །
ཤྭ་ཕོ་ར་མོ་ཡུ་གང་བདེར་རོལ། །
ཆབ་ཡར་ཀླུང་གཙང་པོའི་རྦ་རླབས་ཆིལ། །
ལས་ཐོན་སྐྱེད་དར་བའི་རྣམ་པ་བཟང་། །
ཀྱེ་དགའ་བའི་ཕ་ཡུལ་ཡར་མོ་ཀླུང་། །
སྟོན་ཡུལ་ལྗོངས་མཛེས་པོར་ཡིད་དབང་འཕྲོག །
སྐྱིད་འཚོ་བས་སྟོན་འབྲས་བསུས་པ་ན། །
སླད་ཕུགས་འདུན་མངོན་འགྱུར་ཨེ་མའོ། །
སྣེའུ་མཐོང་གྲོལ་གྱིས་ཚིགས་སུ་སྦྱར་བ་དགེ་གྱུར་ཅིག
རྩ་གཉིས་ཨང་རྟགས་བཤེར་ནས་ལྷོ་ཁའི་འགྲེམས་བསྒྲགས་འཕྲིན་སྟེགས་ལ་དོ་ཁུར་མཛོད།
པར་ལེན་མཁན། ཚེ་རིང་ནོར་བུ་ཆེ་བ། བློ་བཟང་མགོན་པོ། འཕྲིན་ལས་རྒྱ་མཚོ། པར་ངོས་ཇུས་འགོད། བདེ་སྐྱིད་དཔལ་སྒྲོལ།
