འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། ལྗོངས་ཡོངས་ཀྱི་སློབ་གསོ་གྲངས་གཞི་ཅན་གྱི་ལས་དོན་་སྐུལ་སྤེལ་ཚོགས་འདུ་ལྷོ་ཁར་སྐོང་འཚོགས་བྱས་པ་རེད། སློབ་གསོ་པུའུ་སློབ་གསོ་ལག་རྩལ་དང་ཐོན་ཁུངས་འཕེལ་རྒྱས་ལྟེ་གནས་སམ་ཀྲུང་དབྱང་གློག་འགྱུར་སློབ་གསོ་ཁང་གི་ཀྲུའུ་རེན་གཞོན་པ་ཤའོ་ཧང་དང་། རང་སྐྱོང་ལྗོངས་སློབ་གསོ་ཐིང་གི་ཐིང་ཀྲང་གཞོན་པ་ངག་དབང་རྒྱལ་མཚན་ཚོགས་འདུར་ཕེབས་པ་མ་ཟད་བཀོད་སྒྲིག་ཀྱང་གནང་། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ཝང་ཆི་ཁྲའོ་ཡིས་ཤིས་ཚིག་བསྒྲོན་གནང་བ་རེད། ཚོགས་འདུས་ནན་བཤད་བྱས་དོན། ལྗོངས་ཡོངས་ཀྱི་སློབ་གསོའི་ཁོངས་གཏོགས་ཀྱིས་སློབ་གསོ་གྲངས་གཞི་ཅན་དུ་འགྱུར་རྒྱུར་སྐུལ་འདེད་གཏོང་རྒྱུ་དེ་ལག་རྩལ་གསར་བཅོས་ཤིག་ཡིན་པ་མ་ཟད། དེ་བས་སློབ་གསོ་སྟོབས་ཆེན་རྒྱལ་ཁབ་དང་སློབ་གསོ་སྟོབས་ཆེན་ས་ཁུལ་འཛུགས་སྐྲུན་དང་འབྲེལ་བའི་འཐབ་ཇུས་ཀྱི་གདམ་ག་ཞིག་ཡིན་པར་ངོས་འཛིན་གཏིང་ཟབ་བྱེད་དགོས། བསམ་གཞིགས་ནན་ཏན་དང་རྒྱུན་མཐུད་ཞིབ་འཇུག་ལག་ལེན་ཧུར་ཐག་བྱས་ཏེ། གྲངས་རྟགས་ཅན་དུ་འགྱུར་བ་བྱ་རྒྱུ་དེ། སློབ་གསོ་སྟོབས་ཆེན་ས་ཁུལ་འཛུགས་སྐྲུན་གང་མགྱོགས་བྱེད་པའི་ནང་དོན་གལ་ཆེན་ཞིག་ཏུ་བརྩིས་ནས། འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་ཏན་ཏིག་གཏོང་དགོས་པ་དང་། གྲངས་གཞིའི་སློབ་གསོ་དེང་རབས་ཅན་དུ་འགྱུར་བར་སྐུལ་འདེད་བཏང་ཐོག སློབ་གསོ་གྲངས་གཞི་ཅན་དུ་འགྱུར་བ་ལ་བརྟེན་ནས་སློབ་གསོ་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་དགོས། ཚོགས་འདུའི་རིང་། ཚོགས་ཞུགས་མི་སྣས་ཆུ་གསུམ་གྲོང་རྡལ་སློབ་ཆུང་དང་གྲོང་ཁྱེར་ཆ་ཚང་སློབ་འབྲིང་ལ་བསྐྱོད་དེ། ས་གནས་ས་ཐོག་ཏུ་ལྟ་སྦྱོང་བྱས་པ་དང་འབྲེལ་རྒྱལ་ཁབ་ཀྱི་རིག་ནུས་སློབ་གསོའི་ལས་སྟེགས་བེད་སྤྱོད་གཏིང་ཟབ་དང་། "21+21"ལ་འབོད་པའི་སྤུས་ལེགས་ཐོན་ཁུངས་ཀུན་ལ་ཁྱབ་པའི་ལས་དོན་ཞིབ་གྲོས་ཡན་ལག་ཚོགས་པ་དང་མི་ཐབས་རིག་ནུས་གསར་དར་སློབ་གསོའི་ཆེད་དོན་འཆད་ཁྲིད་འཚོགས་ཏེ། ལྗོངས་ཡོངས་ཀྱི་དགེ་རྒན་གྱི་གྲངས་འཛིན་བྱང་ཚད་ཚད་ལེན་ཚོད་ལྟ་དང་དཔྱད་བསྡུར་གཏན་འབེབས་ཀྱི་སྙན་ཞུར་གསལ་འགྲེལ་བྱས་པ་རེད།