འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། ལྷོ་ཁ་གྲོང་ཁྱེར་ནང་བསྟན་མཐུན་ཚོགས་ཀྱིས་བོད་རང་སྐྱོང་ལྗོངས་དབུ་བརྙེས་ནས་ལོ་60འཁོར་བར་རྟེན་འབྲེལ་ཞུ་བའི་བཞུགས་མོལ་ཚོགས་འདུ་དང་རྒྱུན་ལས་ལས་འཛིན་ལྷན་ཚོགས་སྐབས་གཉིས་པའི་ཚོགས་འདུ་ཐེངས་གསུམ་པ་བསྐོང་འཚོགས་བྱས་ཤིང་། ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་འཕྲིན་ཡིག་གལ་ཆེན་གྱི་དགོངས་དོན། དེ་བཞིན་རང་སྐྱོང་ལྗོངས་ཀྱི་འབྲེལ་ཡོད་ཚོགས་འདུའི་དགོངས་དོན་བཅས་བརྒྱུད་བསྒྲགས་སློབ་སྦྱོང་བྱས་པ་རེད།
གྲོང་ཨུད་རྒྱུན་ཨུ། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བསྟན་འཛིན་ཚོགས་འདུར་ཕེབས་པ་མ་ཟད་གསུང་བཤད་གནང་། གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ། ཀྲུང་གོ་ནང་བསྟན་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་གཞོན་པ། གྲོང་ཁྱེར་ནང་བསྟན་མཐུན་ཚོགས་ཀྱི་ཚོགས་གཙོ་བཅས་ཡིན་པའི་ཟླ་བ་ཚེ་རིང་གིས་ཕྱོགས་བསྡོམས་སྙན་ཞུ་གནང་བ་རེད།
བསྟན་འཛིན་གྱིས་བླང་བྱ་བཏོན་གནང་དོན། རྒྱ་ཆེའི་ཆོས་ལུགས་ལས་རིགས་ཀྱི་མི་སྣ་ཚོས་སློབ་གཉེར་ཐད་ཧུར་བརྩོན་ཆེར་སྐྱེད་བྱེད་དགོས་པ་དང་། ཆབ་སྲིད་དང་ནང་བསྟན་རིག་པའི་སློབ་གསོར་ཤུགས་སྣོན་བརྒྱབ་ནས་འདུ་ཤེས་གསུམ་གྱི་སློབ་གསོ་ཟབ་སྤེལ་བྱེད་དགོས། ལས་དོན་བསྒྲུབ་པའི་ཐད་བྱས་རྗེས་ཧུར་ཐག་བཞག་ཐོག་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་འཛུགས་སྐྱོང་བརྟན་པོ་བྱས་ཏེ། རང་རྒྱལ་གྱི་ཆོས་ལུགས་ཀྲུང་གོ་ཅན་དུ་འགྱུར་རྒྱུར་སྐུལ་སྤེལ་མ་ལག་དང་ལྡན་པ་གཏོང་དགོས། སྤྱོད་ཚུལ་ལེགས་སྐྱོང་དང་སྡོམ་ཁྲིམས་ནན་སྲུང་སྒོས། ཀུན་སྤྱོད་ལེགས་ཤིང་གཟིགས་རྒྱང་ཡངས་པ། དེ་བཞིན་གཡུར་ཟའི་གྲུབ་འབྲས་བརྩོན་ལེན་བཅས་ཀྱི་ཐོག་ནས་བོད་རང་སྐྱོང་ལྗོངས་དབུ་བརྙེས་ནས་ལོ་60འཁོར་བར་རྟེན་འབྲེལ་ཞུ་དགོས།ཚོགས་འདུའི་ཐོག ཚོགས་ཞུགས་བློ་མཐུན་ཚོས་ཚོགསའདུའི་བརྗོད་དོན་གཙོ་བོར་མཐའ་བསྐོར་ནས་བསམ་གྲོས་སྤེལ་རེས་བྱས་པ་རེད།
བསོད་ནམས་དོན་གྲུབ་ཀྱིས་བསྒྱུར།བསོད་བདེ་ཡེས་ཞུས།
