འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། རང་སྐྱོང་ལྗོངས་སྒྲོག་འགྲེལ་ཚོགས་པས་ངེད་གྲོང་ཁྱེར་དུ་བོད་ལ་དམངས་གཙོའི་བཅོས་བསྒྱུར་བཏང་ནས་ལོ་66འཁོར་བར་དྲན་གསོ་ཞུ་བའི་སྒྲོག་འགྲེལ་སྙན་ཞུའི་ཚོགས་འདུ་འཚོགས་པ་དང་། གྲོང་ཁྱེར་ཡོངས་ཀྱི་ལས་ཁུངས་ཁག་གི་ལས་བྱེད་ལས་བཟོའི་འཐུས་མི་དང་། མང་ཚོགས་ཀྱི་འཐུས་མི། ལས་འཁྱུར་ལས་བྲལ་ལས་བྱེད་རྒན་གྲས་ཀྱི་འཐུས་མི་བཅས་གདན་ཞུས་ལྟར་བོད་ལ་དམངས་གཙོ་བཅོས་བསྒྱུར་བྱས་ཚུན་གྱི་འོད་སྟོང་འཕྲོ་བའི་གྲུབ་འབྲས་ལ་ཐུན་མོང་ཐོག་ཕྱིར་དྲན་བྱས་པ་རེད། འཆད་ཁྲིད་དགེ་རྒན་ནོར་བུ་གཡང་འཛོམས་ཀྱིས་“ཁེ་གསུམ་གྲོང་ཚོའི་འཕེལ་རྒྱས་འགྱུར་ལྡོག་ཐོག་ནས་དམངས་གཙོ་བཅོས་བསྒྱུར་གྱི་རླབས་ཆེན་གྲུབ་འབྲས་ལ་བལྟ་བ”ཞེས་བརྗོད་དོན་གཙོ་བོར་བྱས་ནས་གསོན་ཉམས་དོད་པའི་སྒྲོག་འགྲེལ་སྙན་ཞུ་བྱས་པ་རེད།

སྙན་ཞུའི་ནང་ཆབ་སྲིད་དང་། དཔལ་འབྱོར། རིག་གནས་སོགས་ལ་དམིགས་ཏེ་བོད་ཀྱི་དམངས་གཙོ་བསྒྱུར་བཅོས་བྱས་ཚུན་གྱི་ཁེ་གསུམ་གྲོང་ཚོར་བྱུང་བའི་གནམ་ས་བླ་འོག་ལྟ་བུའི་འཕོ་འགྱུར་རྒྱས་བཤད་བྱས་པ་དང་། བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་མུན་ནག་དང་རྗེས་ལུས་རྣམ་པ་རྒྱས་བཤད་གཏིང་ཟབ་བྱས་པ་མ་ཟད། ཀྲུང་གོ་གུང་ཁྲན་ཏང་གིས་བོད་ཀྱི་མི་རིགས་ཁག་གི་མི་དམངས་ལ་འགོ་ཁྲིད་ནས་དམངས་གཙོ་བསྒྱུར་བཅོས་བྱས་པ་དང་སྤྱི་ཚོགས་རིང་ལུགས་ཀྱི་བོད་ལྗོངས་གསར་པ་འཛུགས་སྐྲུན་བྱས་པའི་རླབས་ཆེན་གྱི་བརྒྱུད་རིམ་བཅས་ངོ་སྤྲོད་བྱས་ཡོད་བྱས་པ་རེད།

སྙན་ཞུ་ནི་བརྙན་ཤེལ་ཁ་པར་ཚོགས་འདུའི་རྣམ་པའི་ཐོག་ནས་སྐོང་འཚོགས་བྱས་པ་རེད། ཡེ་བཟང་གིས་བསྒྱུར། བསོད་མཚམས་ཀྱིས་ཞུས།