ཉེ་དུས། ལྷོ་བྲག་རྫོང་གིས་རིགས་གཞུང་སློབ་སྦྱོང་ལྟེ་བའི་ཚོ་ཆུང་གི་སློབ་སྦྱོང་ཚོགས་འདུ་སྐོང་འཚོགས་བྱས་ནས། ཏང་ཀྲུང་དབྱང་དང་། ལྗོངས་ཏང་ཨུད། གྲོང་ཨུད་དང་རྫོང་ཨུད་བཅས་ཀྱི་དཔལ་འབྱོར་ལས་དོན་གྱི་ཐབས་ཇུས་བཀོད་སྒྲིག་རབ་དང་རིམ་པ་ཕྱོགས་ཡོངས་ནས་དོན་འཁྱོལ་བྱས་ཏེ་ལྷོ་བྲག་གི་དཔལ་འབྱོར་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་ཕྱོགས་ཡོངས་ནས་སྐུལ་འདེད་གཏོང་དགོས་པའི་བླང་བྱ་བཏོན་པ།
ཉེ་ཆར། གོང་དཀར་རྫོང་གིས་རྫོང་ཨུད་རིགས་གཞུང་སློབ་སྦྱོང་ལྟེ་བའི་ཚོ་ཆུང་གི་སློབ་སྦྱོང་ཚོགས་འདུ་སྐོང་འཚོགས་བྱས་ནས། “གློད་སྡོམ་ཞབས་གསུམ་”གྱི་སྒྱུར་བཅོས་རྒྱུན་མཐུད་གཏིང་ཟབ་ཏུ་བཏང་ནས་ཁྲོམ་རར་ཞུགས་འཐུས་ཀྱི་ཚད་གཞི་དམའ་རུ་གཏོང་རྒྱུར་ཤུགས་རྒྱག་པ་དང་སྲིད་འཛིན་ཞིབ་མཆན་འགོད་པའི་བརྒྱུད་རིམ་ཁུ་བསྡུ་བྱས་ཏེ་སྲིད་འཛིན་ཞིབ་མཆན་འགོད་པའི་དོན་ཚན་སྔར་བས་གཙང་བཤེར་དང་ཚད་ལྡན་དུ་གཏོང་དགོས་པའི་ནན་བཤད་བྱས་པ།
ཉེ་དུས། སྣ་དཀར་རྩེ་རྫོང་གིས་2025ལོའི་སྨན་བཅོས་འགན་བཅོལ་ནང་ཞུགས་ནས་གྲོན་དངུལ་འཇལ་བའི་སྐུལ་སློང་བཀོད་སྒྲིག་ཚོགས་འདུ་འཚོགས་པ།
ཉེ་ལམ། ཆུ་གསུམ་རྫོང་གི་འབྲེལ་ཡོད་འགན་འཁུར་བློ་མཐུན་གྱིས་ཧུའུ་པེ་ཧོང་ཧྲེ་གྲོང་ཁྱེར་དུ་བསྐྱོད་ནས་ཐེམ་ཁུངས་ཆུ་གསུམ་ནས་ཡིན་པའི་ལས་ཞུགས་སློབ་ཆེན་སློབ་མ་54ལ་འཚམས་འདྲི་བྱས་པ།
ཉེ་ཆར། རང་སྐྱོང་ལྗོངས་ཞིང་ལས་ཚན་རིག་ཁང་དང་ལྷོ་ཁ་གྲོང་ཁྱེར་ཞིང་ལས་ལག་རྩལ་ཁྱབ་གདལ་ལྟེ་གནས། སྣེ་གདོང་ཆུས་ཞིང་འབྲོག་ཕྱོགས་བསྡུས་ཞབས་ཞུ་ལྟེ་གནས་བཅས་ཀྱིས་མཉམ་འབྲེལ་ཐོག་སྣེ་གདོང་ཆུས་སོ་དྲུག་ཤང་དུ་འདེབས་འཛུགས་གསོ་སྤེལ་ལག་རྩལ་གསོ་སྦྱོང་བྱས་པ།
ཉེ་དུས། གྲོང་ཁྱེར་སྨན་རྩིས་ཁང་དང་གྲོང་ཁྱེར་མི་དམངས་སྨན་ཁང་། གྲ་ནང་རྫོང་མི་དམངས་སྨན་ཁང་བཅས་ཀྱི་ཆེད་ལས་ལག་རྩལ་མི་སྣའི་ཞབས་ཞུ་ཚོགས་པས་གྲ་ནང་རྫོང་གྲ་ཐང་གྲོང་རྡལ་རྒྱལ་གླིང་གྲོང་ཚོར་འོས་འགན་སྨན་བཅོས་བྱས་པ། ཡེ་ཤེས་བཟང་མོས་བསྒྱུར། བསོད་བསྟན་དང་བསོད་དོན་གྱིས་ཞུས།
