འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། སྣེ་གདོང་ཆུས་ཀྱིས་ཁོའོ་རིམ་པའི་ལས་བྱེད་པར་ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཆེད་དོན་གསོ་སྦྱོང་བྱས་པ་དང་། གྲོང་ཨུད་རྒྱུན་ཨུ། སྣེ་གདོང་ཆུས་ཨུད་ཀྱི་ཧྲུའུ་ཅི་ཀྲང་ཝུའེ་ཡིས་ཆེད་དོན་འཆད་ཁྲིད་གནང་བ། སྣེ་གདོང་ཆུས་ཐད་གཏོགས་ཚན་པ་དང་ཤང་གྲོང་རྡལ（ཁྲོམ་གཞུང་）ཁོའོ་རིམ་པའི་ལས་བྱེད་པ་མི་གྲངས་440ཞུགས་པ་དང་། ཤང་གྲོང་རྡལ་ཁག་ཏུ་ཡན་ལག་ཚོགས་ར་བཙུགས་ཡོད་པ་རེད།

ཐེངས་འདིའི་གསོ་སྦྱོང་ལ་“རིགས་པའི་གཞུང་ལུགས་འགྲེལ་བཤད་དང་ས་ཡུལ་དངོས་སུ་རྒྱུགས་ལེན་”གྱི་བྱེད་སྟངས་སྤྱད་པ་དང་། གྲོང་ཨུད་ཏང་གི་སློབ་གྲྭའི་དགེ་རྒན་གསུམ་གདན་དྲངས་ནས་ལས་བྱེད་པར་སློབ་ཁྲིད་བྱས་པ་དང་། སློབ་ཁྲིད་དགེ་རྒན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་ཐོག་གནང་བའི་གསུང་བཤད་གལ་ཆེན་དང་ཚང་འཛོམས་གྲོས་ཚོགས་ཀྱི་《གཏན་འབེབས་》ལ་དམ་པོར་དམིགས་ནས། 《ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས་རིག་གནས་ཀྱི་སྒྲིག་གཞི་དང་ལམ་སྲོལ་སྒྱུར་བཅོས་གཏིང་ཟབ་ཏུ་གཏོང་དགོས》དང་། 《ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་》བཅས་ཀྱི་ཆེད་དོན་སློབ་ཚན་འཆད་ཁྲིད་བྱས་པ་དེས་སྣེ་གདོང་ཆུས་ཀྱི་ལས་བྱེད་པས་ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པའི་དགོངས་དོན་གྱི་ངོ་བོར་གོ་བ་གཏིང་ཟབ་ལེན་པ་དང་ཁྱོན་ཡོངས་ནས་ཁོང་དུ་ཆུད་རྒྱུར་རོགས་རམ་བྱས་ཏེ་གོམ་སྟབས་རྗེས་མར་སྣེ་གདོང་ཆུས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་རྨང་གཞི་བཏིང་ཡོད་པ་རེད། ཡེ་ཤེས་བཟང་མོས་བསྒྱུར། བསོད་བསྟན་གྱིས་ཞུས།