འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཨུད་ཀྱི་ཧྲུའུ་ཅི་གཞོན་པ་ཉི་མ་བསྟན་འཛིན་གྱིས་གོང་དཀར་རྫོང་འཕྲེང་འགོ་ཤང་དང་། གོང་དཀར་ཆོས་སྡེ་དགོན། གྲོང་ཁྱེར་མཐོ་རིམ་སློབ་འབྲིང་གསུམ་པ། གྲ་ནང་སྨིན་གྲོལ་གླིང་དགོན་སོགས་སུ་ཟབ་འཇུག་གནང་སྟེ། ལས་བྱེད་མང་ཚོགས་དང་། དགོན་སྡེའི་གྲྭ་བཙུན། སློབ་གྲྭའི་དགེ་སློབ་བཅས་ལ་ཁ་ཕྱོགས་ནས་ཏང་གི་སྐབས་ཉི་ཤུ་པའི་ཚང་གྲོས་ཐེངས་གསུམ་པ་དང་ལྗོངས་ཏང་ཨུད་སྐབས་བཅུ་པའི་ཚང་གྲོས་ཐེངས་དྲུག་པ། དེ་བཞིན་གྲོང་ཨུད་སྐབས་གཉིས་པའི་ཚང་གྲོས་ཐེངས་བརྒྱད་པ་བཅས་ཀྱི་དགོངས་དོན་སྒྲོག་འགྲེལ་གནང་བ་མ་ཟད། མིག་སྔའི་གཙོ་གནད་ལས་དོན་ལ་རྟོག་ཞིབ་གནང་བ་རེད།
ཉི་མ་བསྟན་འཛིན་གྱིས། ཏང་གི་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གསུམ་པ་དང་ལྗོངས་ཏང་ཨུད་སྐབས་བཅུ་པའི་ཚང་གྲོས་ཐེངས་དྲུག་པ། དེ་བཞིན་གྲོང་ཨུད་སྐབས་
（པར་ངོས་གསུམ་པར་གཟིགས）（པར་ངོས་དང་པོར་མཐུད） གཉིས་པའི་ཚང་གྲོས་ཐེངས་བརྒྱད་པ་བཅས་ཀྱི་དགོངས་དོན་སློབ་སྦྱོང་དྲིལ་བསྒྲགས་དང་ལག་བསྟར་བྱེད་རྒྱུ་ནི་མིག་སྔ་དང་རྗེས་སོའི་དུས་མཚམས་ཤིག་རིང་གི་ཆབ་སྲིད་ལས་འགན་གལ་ཆེན་ཞིག་ལ་བརྩིས་ཏེ། སློབ་སྦྱོང་ཡག་པོ་དང་གོ་བ་གཏིང་ཟབ་ལེན་དགོས་པ་མ་ཟད་དམ་པ་དོན་གཉེར་ཐུབ་རྒྱུར་བརྩོན་ལེན་ཧུར་ཐག་བྱེད་དགོས། བརྟན་ལྷིང་སྲུང་སྐྱོང་བྱེད་རྒྱུ་འདི་ཉིད་ལས་འགན་ཨང་དང་པོར་བཞག་ནས་གཞི་རིམ་སྤྱི་ཚོགས་བཅོས་སྒྲིག་དང་འགན་ཟླ་རྩོད་གླེང་འདུམ་འགྲིག་སོགས་ཀྱི་ལས་དོན་ལ་དམ་འཛིན་ལྷོད་མེད་བྱེད་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་འདི་ཉིད་གཙོ་ཐིག་ཏུ་བཟུང་སྟེ་ཁྲིམས་དང་སྒྲིག་སྲོལ་བཞིན་ཆོས་ལུགས་ལས་དོན་ལ་དོ་དམ་བྱ་རྒྱུ་རྒྱུན་འཁྱོངས་བྱས་ནས་ཡུན་རིང་བདེ་འཁོད་ལ་སྲ་ཞིང་བརྟན་པའི་རྨང་གཞི་འདིང་དགོས། སློབ་གསོ་སྔོན་ལ་འཇོག་པའི་འཕེལ་རྒྱས་འཐབ་ཇུས་མཐའ་འཁྱོངས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་སློབ་གསོའི་ཚོགས་ཆེན་ཐོག་གནང་བའི་གསུང་བཤད་གལ་ཆེན་དགོངས་དོན་སློབ་སྦྱོང་ལག་བསྟར་གཏིང་ཟབ་བྱས་ཏེ་ངེད་གྲོང་ཁྱེར་གྱི་སློབ་གསོའི་བྱ་གཞག་གི་སྤུས་མཐོའི་གོང་འཕེལ་གྱི་རྣམ་པ་གསར་པ་གཏོད་དགོས་པ་བཅས་ཀྱི་ནན་བཤད་གནང་བ་རེད།
བསོད་ནམས་དོན་གྲུབ་ཀྱིས་བསྒྱུར། བསོད་བསྟན་དང་ཡེ་བཟང་གིས་ཞུས།
