ཟངས་རི་རྫོང་ནི། ཡར་ཀླུང་གཙང་པོའི་ཆུ་རྒྱུད་དུ་གནས་ཤིང་། ཡུལ་ལྗོངས་མཛེས་ལ་སྐྱེ་དངོས་སྣ་ཚོགས་མངའ་ཁོངས་སུ་ཆགས་པ་མ་ཟད། སྔ་ཕྱིར་ལྷོ་ཁའི་སྐྱེ་ཁམས་ཁོར་ཡུག་སྲུང་སྐྱོང་གི་དཔེ་མཚོན་ཡིན།
ལོ་མང་རིང་། ཟངས་རི་རྫོང་གིས་སྐྱེ་ཁམས་སྔོན་ལ་འཇོག་རྒྱུ་དང་འབྱུང་འཕྲོད་འཕེལ་རྒྱས་ཀྱི་འདུ་ཤེས་མཐའ་འཁྱོངས་བྱས་ཐོག ཁོར་ཡུག་སྲུང་སྐྱོང་གི་སྲིད་ཇུས་ལག་ལེན་ནན་བསྟར་བྱས་པས། རང་བྱུང་ཐོན་ཁུངས་དང་སྐྱེ་ཁམས་མ་ལག་གི་སྲུང་སྐྱོང་ལ་ཕན་འབྲས་མངོན་གསལ་ཐོབ་ཡོད། ཆབས་ཅིག འབྱུང་འཕྲོད་ཐོན་ལས་ཀྱི་འཕེལ་རྒྱས་ལ་སྐུལ་འདེད་ཧུར་ཐག་བཏང་བའི་ཁར། སྐྱེ་ཁམས་ཤེས་དཔལ་སློབ་གསོར་ཤུགས་སྣོན་བརྒྱབ་པས། དམངས་ཡོངས་ཀྱིས་ཁོར་ཡུག་སྲུང་སྐྱོང་ནང་ཞུགས་པའི་རྣམ་པ་བཟང་པོ་ཆགས་ཡོད། ཟངས་རིའི་སྐྱེ་ཁམས་ཁོར་ཡུག་ལེགས་བཅོས་རྒྱུན་མཐུད་འགྲོ་བ་དང་ཡུལ་མི་ཚོར་གནས་འཕྲོད་ལས་བརྩོན་བྱུང་བ་དང་བསྟུན། ཡུལ་སྐོར་བ་ཚོའི་ཡིད་དབང་ཚད་མེད་བཀུག་ཡོད།
