འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ལམ། གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ། མཚོ་སྣ་གྲོང་ཨུད་ཀྱི་ཧྲུའུ་ཅི་པ་སངས་དངོས་གྲུབ་ཀྱིས་མཚོ་སྣ་གྲོང་ཨུད་ཀྱི་ཏང་འཛུགས་སྐྱོང་ལས་དོན་འགོ་ཁྲིད་ཚོགས་ཆུང་གི་ཚོགས་འདུ་གཙོ་སྐྱོང་གནང་བ་རེད།

ཚོགས་འདུའི་ཐོག་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ཚོས《ཀྲུང་གོའི་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག》སློབ་སྦྱོང་དང་ལག་བསྟར་བྱ་རྒྱུར་དམིགས་ཏེ་ཆེད་དོན་“ཞིབ་སྦྱོང་”དང་། སློབ་སྦྱོང་དང་བེད་སྤྱོད་“མཉམ་འདྲེས” གྱོད་གཞི་ལ་བརྟེན་ནས་“སློབ་སྦྱོང་ལ་སྐུལ་འདེད་”བཅས་དམ་འཛིན་ཡག་པོ་བྱ་དགོས། སྲིད་དོན་གཙང་སྐྱོང་དྲིལ་བསྒྲགས་ཀྱི་གཙོ་གནད་འབུར་དུ་ཐོན་པ་བྱས་ནས་ལས་ཀའི་ཁྲོད་ཀྱི་བྱེད་སྟངས་བཟང་པོ་དང་ཉམས་མྱོང་བཟང་པོར་ཕྱོགས་བསྡོམས་ནན་ཏན་བྱ་དགོས། ཁྱད་ཆོས་དང་ཕན་འབྲས་དངོས་ལ་མཐོང་ཆེན་བྱས་ཏེ་ཕྱི་ཚུལ་རིང་ལུགས་སྤངས་གང་ཐུབ་བྱས་ཐོག་ཏང་ཡོན་ལས་བྱེད་པ་ཡོངས་ལ་ཕྱོགས་ཡོངས་ནས་སློབ་གསོ་ཐོབ་པ་བྱ་དགོས་པའི་ནན་བཤད་བྱས་ཡོད།