འདི་ག་ཚགས་པར་ཁང་དུ་གནས་ཚུལ་འབྱོར་གསལ། སྤྱི་ཚེས་12ཉིན། ལྷ་སའི་ལྷོ་བྱང་རི་བོ་སྔོ་འགྱུར（ལྷོ་ཁའི་དུམ་བུ）དང་ཡར་ཀླུང་གཙང་པོའི་ངོགས་གཉིས་ཀྱི་ནགས་བཟོའི་སྐུལ་སློང་བཀོད་སྒྲིག་ཚོགས་འདུ་འཚོགས་སྟེ། ཧྲུའུ་ཅི་ཝང་ཅུན་ཀྲེང་གིས་ལྷ་སའི་ལྷོ་བྱང་རི་བོའི་སྔོ་འགྱུར་ལ་སྐུལ་འདེད་གཏོང་བའི་གནས་ཚུལ་གསན་སྐབས་གནང་བའི་གསུང་བཤད་ཀྱི་དགོངས་དོན་དང་ལྷ་སའི་ལྷོ་བྱང་རི་བོའི་སྔོ་འགྱུར་2024ལོ་འཁོར་གྱི་སྐུལ་སློང་བཀོད་སྒྲིག་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། གྲོང་ཁྱེར་སྲིད་གཞུང་གིས་ （པར་ངོས་གསུམ་པར་གཟིགས）（པར་ངོས་དང་པོར་མཐུད） འབྲེལ་ཡོད་རྫོང（ཆུས）ངམ་ཚན་པ་ཁག་དབར་དང་ལྷ་སའི་ལྷོ་བྱང་རི་བོའི་སྔོ་འགྱུར་སྤྱོད་གཙང་གི་དམིགས་ཚད་འགན་འཁྲིའི་ཡི་གེ་བཞག་པ་རེད།
གྲོང་ཨུད་ཀྱི་ཧྲུའུ་ཅི་གཞོན་པ་ཉི་མ་བསྟན་འཛིན་གྱིས་གསུང་བཤད་གནང་། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ཝང་ཡུན་ཆིང་གིས་གཙོ་སྐྱོང་གནང་།
ཉི་མ་བསྟན་འཛིན་གྱིས་བླང་བྱ་བཏོན་གནང་དོན། ལངས་ཕྱོགས་མཐོར་གཏོང་དང་ངེས་ཤུགས་རྒྱུན་འཁྱོངས་བྱས་ནས་ཤིང་འཛུགས་སྔོ་གྱུར་བྱེད་པའི་ཡིད་ཆེས་དང་ཆོད་སེམས་སྔར་བས་བརྟན་དུ་གཏོང་དགོས་པ་དང་།སྐྱེ་ཁམས་ཀྱི་འདུ་འགོད། དམངས་འཚོའི་འདུ་འགོད་བཅས་ལ་སྐུལ་འདེད་བཏང་སྟེ་སྐྱེ་ཁམས་ཤེས་དཔལ་འཛུགས་སྐྱོང་ལ་ཤུགས་སྣོན་རྒྱག་རྒྱུ་དེ་ལྗོངས་ཡོངས་ཀྱི་མདུན་གྲལ་དུ་སྐྱོད་རྒྱུར་སྐུལ་འདེད་ཤུགས་ཆེན་གཏོང་དགོས། བརྒྱུད་རིམ་ལྡན་པའི་ངང་འཆར་འགོད་དང་གཙོ་གནད་མངོན་གསལ་དོད་པོ་ཡོང་བ་བྱེད་པ་དང་། ངེས་ཤུགས་རྒྱུན་འཁྱོངས་ཀྱིས་དམིགས་ཚད་ལ་དམ་པོར་དམིགས་ཏེ་སྐུལ་འདེད་ཤུགས་ཆེན་གཏོང་བ། འགག་སྒོ་ནན་པོ་སྲུང་ནས་སྤུས་ཚད་མཐོ་རུ་གཏོང་བ། ནགས་ཤིང་སྲུང་སྐྱོང་ལ་ཤུགས་སྣོན་བརྒྱབ་ནས་སྤྱི་ཡོངས་ཀྱི་གསོན་ཚད་མཐོ་རུ་གཏོང་བ། འགན་ལེན་ལ་བརྟེན་ནས་འབབ་འཕར་ཡོང་རྒྱུར་སྐུལ་འདེད། ཐོན་སྐྱེད་བདེ་འཇགས་ལ་དམ་འཛིན་ཏན་ཏིག་བཅས་བྱས་ནས་ཤིང་འཛུགས་ནགས་བཟོའི་ལས་ཀའི་ཆུ་ཚད་རྒྱུན་མཐུད་ངང་མཐོ་རུ་གཏོང་དགོས། འགོ་ཁྲིད་ལ་ཤུགས་སྣོན་དང་འགན་འཁྲི་ཏན་ཏིག་འཁུར་ནས“མིག་མངས་འགྲིག་སྐོར་གཅིག”གི་བསམ་བློ་བརྟན་པོ་འཛུགས་པ་དང་། སྤྱོད་ཚུལ་རྒྱུན་མཐུད་ངང་ལེགས་སུ་བཏང་ནས་དོན་འཁྱོལ་ལ་དམ་འཛིན་ནན་པོ་བྱེད་པ། མ་དངུལ་ལ་ལྟ་སྐུལ་དོ་དམ་དང་། དཔྱད་ཞིབ་ལ་ལྟ་སྐུལ་མཛུབ་ཁྲིད། གླེང་ཕྱོགས་ཁྲིད་སྟོན་བཅས་ལ་སྔར་བས་ཤུགས་སྣོན་བརྒྱབ་ཐོག་ལས་འགན་ཁག་དོན་ཐོག་ཏུ་འཁྱོལ་རྒྱུར་སྐུལ་འདེད་གཏོང་དགོས།
ཝང་ཡུན་ཆིང་གིས་ནན་བཤད་གནང་དོན། ཆབ་སྲིད་ཀྱི་ལངས་ཕྱོགས་མཐོ་རུ་བཏང་ནས་ལྷ་སའི་ལྷོ་བྱང་རི་བོ་སྔོ་འགྱུར་（ལྷོ་ཁའི་དུམ་བུ）འདུ་འགོད་ལག་ལེན་བསྟར་བའི་གལ་ཆེའི་དོན་སྙིང་ལ་ངོས་འཛིན་གཏིང་ཟབ་རྒྱག་དགོས། བསམ་བློ་དང་བྱ་སྤྱོད་ཏང་ཀྲུང་དབྱང་དང་། ལྗོངས་ཏང་ཨུད། གྲོང་ཨུད་བཅས་ཀྱི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱས་ནས་གཞུང་དྲང་གསར་གཏོད་དང་ཤིང་འཛུགས་ནགས་བཟོའི་ལས་དོན་ལ་མུ་མཐུད་སྐུལ་འདེད་གཏོང་དགོས། འགན་འཁྲི་ནན་པོ་འཁུར་བ་དང་། སྲིད་ཇུས་དང་བྱེད་ཐབས་གལ་ཆེན་ལ་ཞིབ་འཇུག་ནན་ཏན། དུས་ཐོག་ཏུ་གནད་དོན་ཐག་གཅོད་བཅས་བྱེད་དགོས། ཡེ་ཤེས་བཟང་མོས་བསྒྱུར། བསོད་བསྟན་གྱིས་ཞུས།
