འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་9པའི་ཚེས་11ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོ་ཆུང་གཉིས་པའི་ཙུའུ་ཀྲང་སྒྲོལ་དཀར་དང་། ཙུའུ་ཀྲང་གཞོན་པ་ཡུས་ཡང་རྣམ་གཉིས་ཀྱིས་རུ་སྣེ་ཁྲིད་དེ་མཁའ་འགྲུལ་ཁུལ་གསར་དུ་རྟོག་ཞིབ་དང་ལྟ་སྐུལ་ཁྲིད་སྟོན་གནང་བར་ཕེབས་པ་དང་འབྲེལ། རེས་འཁོར་གཉིས་པའི་ཀྲུང་དབྱང་སྐྱེ་ཁམས་ཁོར་ཡུག་ལྟ་བཤེར་ལས་ལན་ཆ་བྱུང་བའི་གནད་དོན་བཅོས་སྒྲིག་ལ་སྐུལ་འདེད་བཏང་ཡོད་པ་རེད། གྲོང་ཁྱེར་སྲིད་གྲོས་ཀྱི་ཀྲུའུ་ཞི་བག་གྲོས་རྟོག་ཞིབ་རིང་ཕེབས་རོགས་ཞུས་པ་རེད།

སྒྲོལ་དཀར་དང་བཅས་པས་མཁའ་འགྲུལ་ཁུལ་གསར་གྱི་བཙོག་ཆུ་ཐག་གཅོད་བྱེད་སར་ཟབ་འཇུག་གནང་སྟེ། གཙོ་གནད་ཐོག་གཞི་གཅིག་ཅན་གྱི་བཙོག་ཆུ་ཐག་གཅོད་དང་འབྲེལ་བའི་གནས་ཚུལ་ལ་རྒྱུས་མངའ་གནང་བ་དང་། ས་ཡུལ་དངོས་ནས་ལྟ་བཤེར་ལས་ལན་ཆ་བྱས་པའི་གནད་དོན་བཅོས་སྒྲིག་ལས་ཀའི་མྱུར་ཚད་ལ་ཞིབ་བཤེར་སྒོས། རྣམ་གྲངས་འཛུགས་སྐྲུན་ཁྲོད་ལྷག་བསྡད་པའི་དཀའ་ཁག་གནད་དོན་ལ་བློ་འདྲི་ཞིབ་ཕྲ་གནང་བ་མ་ཟད། བཅོས་སྒྲིག་ལ་དམ་འཛིན་དང་ཐོན་སྐྱེད་བདེ་འཇགས་ལས་དོན་ལ་ཞིབ་ཕྲའི་བླང་བྱ་བཏོན་གནང་ཡོད་པ་རེད། སྒྲོལ་དཀར་གྱིས། ལྷོ་ཁ་གྲོང་ཁྱེར་གྱིས་བསམ་བློའི་ངོས་འཛིན་མཐོར་གཏོང་བྱས་ཐོག ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་གྱི་ཆབ་སྲིད་རང་བཞིན་དང་། སྒམ་ནན་རང་བཞིན། གལ་ཆེའི་རང་བཞིན་བཅས་ལ་ངོས་འཛིན་ཡག་པོས། ལྗོངས་ཏང་ཨུད་དང་སྲིད་གཞུང་གི་ （པར་ངོས་གསུམ་པར་གཟིགས） （པར་ངོས་དང་པོར་མཐུད）འཐབ་ཇུས་བཀོད་སྒྲིག་དོན་འཁྱོལ་ནན་ཏན་བྱས་ནས་བཅོས་སྒྲིག་གི་བྱ་ཐབས་ཁག་གི་དོན་འཁྱོལ་ལ་དམ་འཛིན་ཏན་ཏིག་བྱེད་དགོས་པ་དང་། མང་ཚོགས་ཀྱི་རེ་འབོད་ཐག་གཅོད་ཡག་པོ་བྱས་ཏེ་དུས་ཐོག་ཏུ་མང་ཚོགས་ཀྱིས་དོ་ཁུར་བྱ་ཡུལ་ལ་ལན་ཆ་ཡག་པོ་སྤྲོད་དགོས། དུས་མཚུངས། གཅིག་ཤེས་ཀུན་གྲོལ་ཐུབ་རྒྱུ་མཐའ་འཁྱོངས་བྱས་ཏེ། སྐྱེ་ཁམས་ཁོར་ཡུག་གནད་དོན་འཚོལ་ཞིབ་གྱི་ལམ་སྲོལ་འཐུས་ཚང་འཛུགས་སྐྱོང་བྱས་ཐོག སྐྱེ་ཁམས་ཤེས་དཔལ་འཛུགས་སྐྱོང་དང་སྐྱེ་ཁམས་ཁོར་ཡུག་སྲུང་སྐྱོང་གི་ཆུ་ཚད་མཐོར་འདེགས་ཟམ་མི་ཆད་པ་བྱས་ནས་མང་ཚོགས་ཀྱི་སྐྱིད་ཚོར་དང་ཐོབ་ཚོར་སྔར་བས་ཟབ་ཏུ་གཏོང་དགོས་པའི་ནན་བཤད་གནང་ཡོད་པ་རེད། བསོད་ནམས་དོན་གྲུབ་ཀྱིས་བསྒྱུར།