འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། རྒྱལ་ཡོངས་གཞོན་ནུ་མཉམ་འབྲེལ་ལྷན་ཚོགས་ཞབས་ཞུ་ཚོགས་པས་ལྷོ་ཁའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བྱེད་སྒོ་ཧྲན་ལི་དུས་རབས་ཐང་ཆེན་དུ་འགོ་ཚུགས་པ་རེད།
གུང་གཞོན་སྡེ་ཚོགས་ཀྲུང་དབྱང་འཐབ་ཕྱོགས་གཅིག་གྱུར་པུའི་པུའུ་ཀྲང་། རྒྱལ་ཡོངས་གཞོན་ནུ་མཉམ་འབྲེལ་ལྷན་ཚོགས་ཀྱི་དྲུང་ཆེ་ལིའུ་ཨའེ་ཕིང་དང་། སྡེ་ཚོགས་ལྗོངས་ཨུད་ཀྱི་ཧྲུའུ་ཅི་ཀྲོའུ་དབྱི་ཧྥུང་། གྲོང་ཨུད་ཀྱི་ཧྲུའུ་ཅི་གཞོན་པ་ཉི་མ་བསྟན་འཛིན་བཅས་བྱེད་སྒོར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།
ལིའུ་ཨའེ་ཕིང་གིས་བླང་བྱ་བཏོན་དོན། གཞོན་ནུ་མཉམ་འབྲེལ་ལྷན་ཚོགས་ཀྱི་ཨུ་ཡོན་ཚོས་བྱས་རྗེས་ཧུར་ཐག་འཇོག་པ་དང་ཇུས་འདོན་ཤུགས་ཆེ་བྱས་ཏེ་ཉེན་སེལ་རྒུད་སྐྱོབ་དང་། ནད་བཅོས་སྲོག་སྐྱོབ་བྱེད་པ། རྩེར་སོན་གྱི་ལག་རྩལ་དང་། སྔོན་ཐོན་གྱི་འདུ་ཤེས། ནུས་ལྡན་གྱི་བྱ་ཐབས་བཅས་མཐའ་མཚམས་མི་དམངས་ལ་བརྒྱུད་སྤྲོད་བྱེད་པ་དང་མཐའ་མཚམས་མི་དམངས་ལ་བདེ་སྐྱིད་བསྐྲུན་ནས་གཏན་འཁེལ་བྱས་པའི་ལས་འགན་ཁག་ནན་ཏན་ངང་ལེགས་སྒྲུབ་བྱས་ཏེ་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་ནུས་ཤུགས་ཡོད་རྒུ་འདོན་དགོས།
ཀྲོའུ་དབྱི་ཧྥུང་གིས་གསུངས་དོན། དུས་ཡུན་རིང་པོའི་ནང་གུང་གཞོན་སྡེ་ཚོགས་ཀྲུང་དབྱང་དང་རྒྱལ་ཡོངས་གཞོན་ནུ་མཉམ་འབྲེལ་
（པར་ངོས་གསུམ་པར་གཟིགས）（པར་ངོས་དང་པོར་མཐུད） ལྷན་ཚོགས་ཀྱིས་ཐོག་མཐའ་བར་གསུམ་དུ་ཏང་དང་རྒྱལ་ཁབ་ཀྱི་ལས་ཀའི་ཁྱོན་ཡོངས་ཀྱི་མཐོ་ཚད་ཐོག་ནས་ཁ་གཏད་བོད་སྐྱོར་གྱི་འཐབ་ཇུས་ལག་ལེན་བསྟར་རྒྱུའི་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་མཐའ་གཅིག་ཏུ་བྱས་ཏེ་ཁ་གཏད་བོད་སྐྱོར་དེ་ཆབ་སྲིད་ཀྱི་ལས་འགན་གལ་ཆེན་དུ་བརྩི་བ་དང་མ་དངུལ་བོད་སྐྱོར་དང་ལས་ཞུགས་བོད་སྐྱོར་སོགས་གསར་གཏོད་ཀྱིས་བོད་ཀྱི་དོན་ཆེན་བཞི་དང་འཛུགས་གཏོད་བཞིར་ནུས་ཤུགས་ཡོད་རྒུས་རྒྱབ་སྐྱོར་བྱས་ནས་བོད་ལྗོངས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་ནུས་ལྡན་བྱས་ཡོད།
ཉི་མ་བསྟན་འཛིན་གྱིས་གྲོང་ཨུད་དང་ཧྲུའུ་ཅི་ཞུས་ཁྲེང་ཚང་། གྲོང་ཁྱེར་ཡོངས་ཀྱི་མི་རིགས་ཁག་གི་ལས་བྱེད་མང་ཚོགས་བཅས་ཀྱི་ཚབ་ཞུས་ནས། རྒྱལ་ཡོངས་གཞོན་ནུ་མཉམ་འབྲེལ་ལྷན་ཚོགས་ཞབས་ཞུ་ཚོགས་པ་དང་བཅས་པ་ཕེབས་པར་དགའ་བསུ་ཞུས་གནང་བ་དང་། རྒྱལ་ཡོངས་གཞོན་ནུ་མཉམ་འབྲེལ་ལྷན་ཚོགས་ཀྱིས་དུས་ཡུན་རིང་པོའི་ནང་ལྷོ་ཁའི་ལས་དོན་ལ་རྒྱབ་སྐྱོར་ཤུགས་ཆེན་དང་སྒེར་སེམས་མེད་པའི་རོགས་སྐྱོར་གནང་བར་སྙིང་དབུས་ནས་ཐུགས་རྗེ་ཆེ་ཞུས་གནང་། ཁོང་གིས། གུང་གཞོན་སྡེ་ཚོགས་ཀྲུང་དབྱང་དང་རྒྱལ་ཡོངས་གཞོན་ནུ་མཉམ་འབྲེལ་ལྷན་ཚོགས་ཀྱིས་སྔར་བཞིན་ལྷོ་ཁའི་འཕེལ་རྒྱས་ལ་སེམས་ཁུར་དང་རྒྱབ་སྐྱོར། བོད་སྐྱོར་བཅས་བྱེད་ཤུགས་ཆེ་རུ་བཏང་སྟེ་གཞོན་ནུ་ཤེས་ལྡན་པ་དེ་བས་མང་བས་ལྷོ་ཁར་གཞི་ཚུགས་པ་དང་། ལྷོ་ཁར་ལེགས་སྐྱེས་འབུལ་བ། ལྷོ་ཁ་འཛུགས་སྐྲུན་བཅས་བྱ་རྒྱུའི་སྒྲིག་འཛུགས་དང་སྐུལ་སློང་བྱ་རྒྱུ་དང་། ཨུ་ཡོན་ཚོས་རང་སོ་སོའི་དགེ་མཚན་འདོན་སྤེལ་བྱས་ཏེ་སྲིད་ཇུས་སྒྲོག་འགྲེལ་དང་སྤྱི་ཚོགས་ཀྱི་ཞབས་ཞུ་སོགས་ཀྱི་བྱེད་སྒོ་ཧུར་ཐག་སྤེལ་བ་དང་། ཁྱོན་ཡོངས་དང་རིམ་པ་མང་བའི་སྤེལ་རེས་དང་མཉམ་ལས་ལ་སྐུལ་འདེད་གཏོང་བ། ལྷོ་ཁས་ས་མཐོའི་དཔལ་འབྱོར་སྤུས་ཚད་མཐོ་པོའི་འཕེལ་རྒྱས་སྔོན་སྐྱོད་ཁུལ་གཏོད་རྒྱུར་རོགས་རམ་བྱས་ཏེ་རྒྱལ་ཡོངས་དང་ལྗོངས་ཡོངས་དང་མཉམ་དུ་ཐུན་མོང་ཐོག་ཕྱུག་པོ་ཆགས་པ་དང་ཐུན་མོང་ཐོག་དེང་རབས་ཅན་གྱི་ཕྱོགས་སུ་བསྐྱོད་རྒྱུའི་རེ་བ་བཏོན་གནང་བ་རེད།
འགོ་ཚུགས་མཛད་སྒོའི་ཐོག ཀྲུང་གོ་བདེ་ཐང་ཟམ་པའི་སྨན་རྫས་ཚོགས་པ་མ་རྐང་ཚད་ཡོད་ཀུང་སི་དང་པེ་ཅིང་ཀྲི་ཅན་ཁྲོང་ཁེ་ཚན་རྩལ་ཚད་ཡོད་ཀུང་སི། ཧོ་ནན་ལིན་རུའེ་སྨན་བཟོ་མ་རྐང་ཚད་ཡོད་ཀུང་སི། ཅེ་ཨེན་གསར་གཏོད་མ་རྐང་ཚོད་འཛིན་ཚད་ཡོད་ཀུང་སི་བཅས་ཀྱིས་ངེད་གྲོང་ཁྱེར་གཞོན་ནུ་མཉམ་འབྲེལ་ལྷན་ཚོགས་ལ་སྨན་རྫས་དང་བཟའ་བཅའ། སློབ་སྦྱོང་གི་ཡོ་ཆས་སོགས་སྤྲད་པ་རེད།
