འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཁྱེར་གཉིས་བཀུར་གཞུང་ལས་ཁང་གིས་སྐམ་དམག་954སྨན་ཁང་དང་མཉམ་འབྲེལ་ཐོག་སྣེ་གདོང་ཆུས་ཡར་སྟོད་ཤང་ཆོས་སྡེ་འོག་གྲོང་ཚོར་དམག་ཞབས་ཐིམས་པའི་དམག་མིའི་ནང་མི་དང་མང་ཚོགས་ལ་སྨན་རིན་མི་དགོས་པར་འོས་འགན་སྨན་བཅོས་བྱེད་པའི་དང་བླངས་ཞབས་ཞུའི་བྱེད་སྒོ་སྤེལ་བ་རེད།  བྱེད་སྒོའི་ས་ཡུལ་དངོས་སུ། ནད་གཞི་ལྟ་བར་ཡོང་མཁན་མང་ཚོགས་རྒྱུན་མི་ཆད་པ་དང་། སྨན་དོན་དང་བླངས་པས་དམག་ཞབས་ཐིམས་པའི་དམག་མིའི་ནང་མི་དང་མང་ཚོགས་ཀྱི་བདེ་ཐང་དང་འབྲེལ་བའི་ཤེས་བྱར་འགྲེལ་བཤད་ཞིབ་ཕྲ་བརྒྱབ་སྟེ་ཁྲག་ཤེད་མཐོ་བ་དང་སྙིང་ཀླད་ཁྲག་རྩའི་ནད་སོགས་རྒྱུན་མཐོང་ནད་ཀྱི་སྔོན་འགོག་དང་སྨན་བེད་སྤྱོད་བྱེད་པའི་ཤེས་བྱའི་ཐད་དྲིལ་བསྒྲགས་བྱས་པ་མ་ཟད། དགོས་མཁོ་ཡོད་པའི་མང་ཚོགས་ལ་སྨན་སྤྲད་པ་དང་ཁོང་ཚོར་ཚན་རིག་དང་མཐུན་པའི་ངང་སྨན་སྤྱོད་པ་དང་ལུགས་མཐུན་ངང་བཟའ་བཏུང་སྤྱོད་རྒྱུ་དང་ （པར་ངོས་གཉིས་པར་གཟིགས）（པར་ངོས་དང་པོར་མཐུད）འཚོ་བའི་གོམས་གཤིས་བཟང་པོ་ཞིག་ཆགས་པར་ཁྲིད་སྟོན་བྱས་པ་རེད།

བྱེད་སྒོའི་ནང་ད་དུང་སྐྲ་བཞར་བའི་དམངས་ཕན་ཞབས་ཞུ་སྤེལ་བ་དང་། འཐབ་འཛིང་པ་ཚོས་རིན་ཐང་སྒོར་15000རེ་བའི་ཆམས་སྨན་དང་། བཤལ་འགོག་སྨན། ཁྲག་ཤེད་མཐོ་བ་སོགས་ཀྱི་རྒྱུན་སྤྱོད་སྨན་འཁྱེར་ནས་དགོས་མཁོ་ཡོད་པའི་གྲོང་མི་བརྒྱ་ཙམ་ལ་སྤྲད་པར་མང་ཚོགས་ཀྱི་གདེང་འཇོག་བཟང་པོ་ཐོབ་པ་རེད།

གྲོང་མི་དངོས་གྲུབ་ཀྱིས། དེ་རིང་དམག་མིའི་སྨན་པ་ཚོ་ང་ཚོའི་གྲོང་ཚོར་ཕེབས་ནས་དམག་ཞབས་ཐིམས་པའི་དམག་མིའི་ཁྱིམ་མིར་ནད་བརྟག་པ་དང་སྨན་སྤྲོད་པ། ད་དུང་མང་ཚོགས་ལ་སྐྲ་བཞར་རོགས་གནང་བས་ཁོང་ཚོར་ཐུགས་རྗེ་ཆེ་ཞུ་རྒྱུ་ཡིན་ཞེས་བཤད།

སྐམ་དམག་954སྨན་ཁང་མིག་ནད་ཚན་ཁག་གི་སྨན་པ་ཀྲང་ཁྲའོ་པིན་གྱིས། ད་ཆ་གཞི་རིམ་དུ་སྐྱ་གྲིབ་ཕོག་པའི་མང་ཚོགས་མང་པོ་ཡོད་པས་གཞི་རིམ་གྱི་མི་སེར་ལ་ང་ཚོའི་སྨན་དོན་མི་སྣ་དེ་བས་དགོས་མཁོ་ཆེན་པོ་ཡོད། ད་ཐེངས་ཀྱི་འོས་འགན་སྨན་བཅོས་བྱེད་སྒོ་བརྒྱུད་སྨན་བཅོས་བྱེད་པར་ཡོང་མཁན་དམག་ཞབས་ཐིམས་པའི་དམག་མིའི་ནང་མི་དང་མང་ཚོགས་ཚང་མས་སྒོ་འགྲམ་ནས་སྤུས་ལེགས་ཀྱི་སྨན་བཅོས་ཞབས་ཞུ་ལོངས་སྤྱོད་ཐུབ་པ་བྱུང་བར་ངའི་ངོས་ནས་བཤད་ན་དོན་སྙིང་ཆེན་པོ་རེད་བསམ་གྱི་འདུག་ཅེས་བཤད།

གྲོང་ཁྱེར་དམག་ཞབས་འཐིམས་པའི་མི་དོན་ཅུད་ཀྱི་ཅུད་ཀྲང་གཞོན་པ་ཟླ་བ་ཚེ་རིང་གིས། ད་ཐེངས་བྱེད་སྒོ་འདི་སྤེལ་བའི་དམིགས་ཡུལ་གཙོ་བོ་ནི་ངེད་གྲོང་ཁྱེར་དམག་བཀུར་ཁྱིམ་སྐྱོང་དང་སྲིད་བཀུར་དམངས་གཅེས་ཀྱི་སྲོལ་རྒྱུན་བཟང་པོ་དར་སྤེལ་བཏང་སྟེ་དམག་གིས་དམངས་ལ་གཅེས་པ་དང་།དམངས་ཀྱིས་དམག་ལ་བཀུར་བའི་དམག་དམངས་མཐུན་སྒྲིལ་གྱི་མཛའ་གཅུག་འབྲེལ་བ་ཟབ་གཏོང་གི་རྣམ་པ་བཟང་པོ་ཞིག་ཆགས་པ་བྱ་རྒྱུ་དེ་རེད་ཅེས་བཤད།