འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་བའི་ལོ་ཤས་རིང་། ངེད་གྲོང་ཁྱེར་ཐད་གཏོགས་ལས་ཁུངས་ལས་དོན་ཨུ་ལྷན་གྱིས་ཚན་པ་དང་སྡེ་ཁུལ་འབྲེལ་མཐུད་བྱས་ཏེ་ཏང་ཡོན་གནས་སའི་ཚན་པའི་ཏང་རྩ་འཛུགས་དང་སྡེ་ཁུལ་ཏང་རྩ་འཛུགས་ཀྱི“འབྲེལ་གཏུག་གཉིས”ལག་བསྟར་བྱེད་པ་དང་། ལས་ཁུངས་དང་ཁེ་ལས་བྱ་གཞག་ཚན་པའི་ལས་ཐོག་ཏང་ཡོན་སྒྲིག་འཛུགས་བྱས་ཏེ་གཞི་རིམ་དུ་སྐྱོད་པ། སྣ་མང་ཕུན་སུམ་ཚོགས་པའི་དང་བླངས་ཞབས་ཞུའི་བྱེད་སྒོ་སྤེལ་བ་བཅས་བྱས་ནས་ལས་ཁུངས་ཀྱི་ཏང་འཛུགས་སྐྱོང་གཞི་རིམ་བཅོས་སྐྱོང་ནང་ཞུགས་པའི་ཐབས་ལམ་གསར་པ་འཚོལ་ཞིབ་བྱས་པ་རེད།

གྲོང་ཁྱེར（ཀྲུང་དབྱང་དང་རང་སྐྱོང་ལྗོངས）ཐད་གཏོགས་ཚན་པ་ཁག་གིས་ཏང་ཡོན་སྒྲིག་འཛུགས་བྱས་ནས“དང་བླངས་ཞབས་ཞུའི”བྱེད་སྒོ་སྤེལ་ཏེ“ཚན་པར་ལས་ཀ་བྱེད་པ་དང་། སྡེ་ཁུལ་དུ་བྱེད་སྒོ་སྤེལ་བ། ལས་གནས་སུ་ལེགས་སྐྱེས་འབུལ་བ”བཅས་ཀྱི་ལས་ཀའི་ལམ་སྲོལ་བཙུགས་ཡོད།

ལྗང་མདོག་ཁོར་ཡུག་སྲུང་སྐྱོང་གི་དང་བླངས་ཞབས་ཞུའི་བྱེད་སྒོ་སྤེལ་ནས་སྡེ་ཁུལ་གྱི་འཕྲོད་བསྟེན་ཁོར་ཡུག་ལེགས་སུ་འགྲོ་བ་དང་མང་ཚོགས་ཀྱི་ཤེས་དཔལ་ཀྱི་འཕྲོད་བསྟེན་འདུ་ཤེས་དང་བདེ་ཐང་གི་བྱང་ཚད་མཐོ་རུ་བཏང་ཡོད། ཕྱོགས་བསྡུས་བཅོས་སྐྱོང་གི་དྲིལ་བསྒྲགས་ཟླ་བ་དང་། རྒྱལ་ཁབ་ཀྱི་བདེ་འཇགས་ཉིན་མོ། མི་རིགས་མཐུན་སྒྲིལ་གྱི་དྲིལ་བསྒྲགས་ཟླ་བ་སོགས་གོ་སྐབས་སུ་བྱས་ནས་ཏང་གི་དམངས་ཕན་སྲིད་ཇུས་དང་འབྲེལ་ཡོད་བཅའ་ཁྲིམས་དང་ཁྲིམས་སྲོལ་དྲིལ་བསྒྲགས་བྱས་ཏེ། མང་ཚོགས་ཀྱིས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ལ་ཁྲིད་སྟོན་བྱས་ཡོད། “འགན་ལེན་གསུམ་དང་། སྣེ་ཁྲིད་ལྔ། སྐུལ་འདེད་ལྔ”བཅས་ཀྱི་བྱེད་སྒོ་སྤེལ་ནས་ （པར་ངོས་གཉིས་པར་གཟིགས） （པར་ངོས་དང་པོར་མཐུད） ཡུག་སྦྲེལ་དང་། དུད་ཚང་། མི་བཅས་འགན་གཙང་ལེན་པ་དང་། གཞི་རིམ་ནས་སྤྱི་ཚོགས་ཀྱི་གནས་ཚུལ་དང་དམངས་ཀྱི་བསམ་འདུན་རྟོགས་པར་སྐུལ་འདེད་གཏོང་བ། གཞི་རིམ་དུ་འགལ་ཟླའི་གནད་དོན་ཐག་གཅོད་བྱེད་པ། གཞི་རིམ་དུ་སྲིད་ཇུས་དང་བྱ་ཐབས་དོན་འཁྱོལ་ཐུབ་པ། གཞི་རིམ་དུ་ལས་བྱེད་པའི་སྤྱོད་ཚུལ་འགྱུར་བ། གཞི་རིམ་དུ་འཕེལ་རྒྱས་ཀྱི་ཁོར་ཡུག་ལེགས་སུ་གཏོང་བ་བཅས་བྱས་ཡོད། མིག་སྔའི་བར་གྲོང་ཁྱེར（ཀྲུང་དབྱང་དང་རང་སྐྱོང་ལྗོངས）ཐད་གཏོགས་ཚན་པ་ཁག་གི་ཏང་ཡོན་གྱིས་དུད་ཚང་5941འགན་གཙང་བླངས་ནས་དུས་ཚིགས་རེར་ཏང་ཡོན་ཚང་མ་སྡེ་ཁུལ་དུ་བསྐྱོད་དེ་དང་བླངས་ཞབས་ཞུའི་བྱེད་སྒོ་ཐེངས་1ནས་2བར་སྤེལ་གྱི་ཡོད་པ་རེད།