བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་ལྟར། ཉེ་དུས། བོད་རང་སྐྱོང་ལྗོངས་མི་དམངས་སྲིད་གཞུང་གསར་འགྱུར་གཞུང་དོན་ཁང་གིས་ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཞིང་པ་ལས་མིའི་གླ་ཆ་འགྱངས་ཆད་ཀྱི་གནད་དོན་ཁྲིམས་ལྟར་བཅོས་སྒྲིག་བྱས་པའི་འབྲེལ་ཡོད་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་འཚོགས་པ་རེད།

2021ལོའི་ཟླ་དང་པོ་ནས་2022ལོའི་ཟླ་12བར། ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཞིང་པ་ལས་མིའི་གླ་ཆ་དང་འབྲེལ་བ་ཡོད་པའི་ཞུ་གཏུག་གི་གྱོད་གཞི་ཁག་483སྒྲུབ་གཉེར་བྱས་པ་དང་། དེའི་ནང་ཞིང་པ་ལས་མིས་ཞུ་གཏུག་རྒྱག་པར་རྒྱབ་སྐྱོར་བྱས་པའི་གྱོད་གཞི་ཁག་106ཡོད་ཅིང་། ཞུ་གཏུག་ལ་རྒྱབ་སྐྱོར་དང་འདུམ་འགྲིག་སོགས་ཀྱི་བྱེད་ཐབས་ཕྱོགས་བསྡུས་ཐོག་སྤྱད་ནས་ཞིང་པ་ལས་མིར་འགྱངས་ཆད་གླ་ཆ་སྒོར་ཁྲི་2378ལྷག་ཙམ་འདེད་ལེན་བྱས་ཡོད། ངལ་རྩོལ་གླ་ཆ་མི་སྤྲོད་པའི་ཁྲིམས་འགལ་ཉེས་གསོག་གི་བྱེད་སྤྱོད་ལ་ཁྲིམས་ལྟར་རྡུང་རྡེག་བཏང་སྟེ་སེམས་ངན་བཅངས་ནས་གླ་ཆ་འགྱངས་ཆད་བྱས་པར་ཆད་པ་བཅད་པ་དང་། ངལ་རྩོལ་གླ་ཆ་མི་སྤྲོད་པའི་དོགས་ཡོད་ཉེས་གསོག་གྱོད་གཞི་ཁག་7དང་མི་7འཛིན་བཟུང་བྱེད་པར་བདག་སྤྲོད་ཞིབ་བཤེར་བྱས་ཡོད། གྱོད་གཞི་ཁག་17དང་མི་17ལ་ཞིབ་བཤེར་ཞུ་གཏུག་བརྒྱབ་པ་དང་། གྱོད་གཞི་ཁག་3དང་མི་3ཞུ་གཏུག་བརྒྱབ་པ་དང་། གྱོད་གཞི་ཁག་11དང་མི་11ཞུ་གཏུག་བརྒྱབ་མེད། སྲིད་འཛིན་ཞིབ་དཔྱོད་ལྟ་སྐུལ་ལ་ཤུགས་སྣོན་བརྒྱབ་སྟེ་ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཞིང་པ་ལས་མིའི་གླ་ཆ་དང་འབྲེལ་བ་ཡོད་པའི་སྲིད་འཛིན་ཁྲིམས་འགལ་བྱེད་སྤྱོད་ཀྱི་ལྟ་སྐུལ་གྱོད་གཞི་ཁྱོན་ཁག་36བདག་སྤྲོད་བྱས་པ་དང་། འདྲི་ཞིབ་མཇུག་འགྲིལ་བའི་གྱོད་གཞི་31ལ་ཞིབ་དཔྱོད་ཀྱི་གྲོས་འགོ་བཏོན་པ་དང་འབྲེལ་ཚང་མ་སྲིད་འཛིན་ལས་ཁུངས་ཀྱིས་དང་ལེན་བྱས་པས་ཁྲིམས་བཞིན་འགན་ནུས་སྒྲུབ་པ་དང་ཁྲིམས་བཞིན་སྲིད་འཛིན་པར་སྐུལ་འདེད་ནུས་ལྡན་ཐུབ་ནས་མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་དང་སྤྱི་ཚོཌ་བརྟན་ལྷིང་སྲུང་སྐྱོང་ཐུབ་ཡོད་པ་རེད།