འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་སྔོན། གྲོང་ཨུད་རྒྱུན་ཨུ། སྲིད་ཁྲིམས་ཨུ་ལྷན་གྱི་ཧྲུའུ་ཅི་བཀྲ་ཤིས་ཕུན་ཚོགས་ཀྱིས་མཚོ་སྣ་རྫོང་ཉང་མོ་གཙང་ཆུ་རྒྱུག་ཁུལ་དུ་སྐོར་ཞིབ་དང་ཞིབ་བཤེར་ལས་དོན་སྤེལ་བ་དང་འབྲེལ་བཞུགས་མོལ་ཚོགས་འདུ་བསྐོང་འཚོག་གནང་བ་རེད། བཀྲ་ཤིས་ཕུན་ཚོགས་ཀྱིས་ནན་བཤད་གནང་དོན། ས་ཁོངས་ནང་རྫོང་དང་ཤང་དབར་མཉམ་འགུལ་དང་ཚན་པའི་དབར་མཐུན་སྦྱོར་བྱེད་པའི་ལས་དོན་ལ་ཤུགས་སྣོན་བརྒྱབ་སྟེ། ཆུ་བོའི་ཁོར་ཡུག་གི་ཕྱོགས་བསྡུས་བཅོས་སྒྲིག་ལས་དོན་དེ་རྒྱུན་རྣམ་ཅན་དང་ཡུན་ཕན་ཅན་དུ་འགྱུར་བ་བྱེད་དགོས། ཆུ་འགོར་དོ་དམ་དང་ཚོད་འཛིན་ལ་ཤུགས་སྣོན་བརྒྱབ་སྟེ། ཆུ་འགོ་ནས་སྦགས་བཙོག་ཉུང་དུ་གཏོང་དགོས། ས་ཁོངས་ཀྱི་བྱེད་པོའི་འགན་འཁྲི་དོན་འཁྱོལ་ཡག་པོ་བྱས་ཏེ་གཏན་འཁེལ་ཟིན་པའི་དམིགས་ཚད་ལས་འགན་དག་དོན་ཐོག་ཏུ་འཁྱོངས་རྒྱུར་འགན་ལེན་བྱེད་དགོས།