འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཟླ་11པའི་ཚེས་2ཉིན། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ། གྲོང་ཨུད་ཀྱི་ཧྲུའུ་ཅི་ཞུས་ཁྲེང་ཚང་གིས་གཙོ་གནད་རྣམ་གྲངས་འཛུགས་སྐྲུན་ལ་རྟོག་ཞིབ་གནང་སྐབས། ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱས་ཏེ། གཙོ་གནད་འབུར་ཐོན་དང་། བྱ་ཐབས་ཚགས་ཚུད། འགན་འཁྲི་འཁུར་ཕོད། འགག་སྒྲོལ་དཀའ་སེལ་བཅས་ཀྱི་ཐོག་ནས་འཕེལ་རྒྱས་དང་བདེ་འཇགས་ལ་གཅིག་གྱུར་བཀོད་སྒྲིག་བྱེད་དགོས་པ་དང་། རྣམ་གྲངས་འཛུགས་སྐྲུན་ལ་དམ་འཛིན་ལྷོད་མེད་བྱས་ཏེ། རང་འགུལ་ངང་ཞབས་ཞུ་སྒྲུབ་པ་དང་། འགན་སྲུང་ལ་ཤུགས་སྣོན་བརྒྱབ་ནས་རིམས་ནད་ཀྱིས་དཔལ་འབྱོར་སྤྱི་ཚོགས་འཕེལ་རྒྱས་ལ་ཤུགས་རྐྱེན་ཐེབས་ཚད་ཉུང་དུ་བཏང་ཐོག་ལོ་ཧྲིལ་པོའི་དམིགས་ཚད་ལས་འགན་ལེགས་སྒྲུབ་ཧུར་ཐག་བྱེད་དགོས་པའི་ནན་བཤད་གནང་ཡོད་པ་རེད།
ཞུས་ཁྲེང་ཚང་དང་བཅས་པས་སྔ་རྗེས་སུ་སྣེ་གདོང་ཆུས་སྡོད་ཁང་སྐྱོ་ཁུལ་(གྲོང་ཁྱེར་ནང་གི་གྲོང་ཚོ)སྒྱུར་བཀོད་དང་། དྲོ་སྐྱིད་གླིང་སྡེ་ཁུལ། ཀྲོང་དབྱི་ཚོང་ལས་ཐང་ཆེན་སོགས་རྣམ་གྲངས་འཛུགས་སྐྲུན་གྱི་ས་ཡུལ་དངོས་ལ་ཕེབས་ཏེ། རྣམ་གྲངས་འཛུགས་སྐྲུན་གྱི་མྱུར་ཚད་དང་། ལེ་ལག་སྒྲིག་བཀོད་འཛུགས་སྐྲུན་སོགས་ཀྱི་གནས་ཚུལ་ལ་རྒྱུས་མངའ་ཞིབ་ཕྲ་གནང་བ་མ་ཟད། ས་ཐོག་ས་གནས་སུ་ལས་ཀའི་ཁྲོད་འཕྲད་པའི་དཀའ་ཁག་གནད་དོན་ཞིབ་འཇུག་བརྒྱུད་ཐག་གཅོད་གནང་བ་རེད།
ཞུས་ཁྲེང་ཚང་གིས་བླང་བྱ་བཏོན་གནང་དོན། རྣམ་གྲངས་བསྐྲུན་འགན་འཁུར་བའི་ཚན་པས་བདེ་འཇགས་དང་སྤུས་ཚད་ཀྱི་འགག་སྒོ་ནན་སྲུང་བྱེད་པའི་རྨང་གཞིའི་འོག་ཨར་སྐྲུན་བྱེད་ཤུགས་ཆེ་རུ་བཏང་སྟེ། དུས་བཀག་ （པར་ངོས་གསུམ་པར་གཟིགས） （པར་ངོས་དང་པོར་མཐུད） རེ་འདུན་ཁ་གསལ་བཟོས་ནས་དམིགས་ཚད་ལས་འགན་ལ་དམ་པོར་དམིགས་དགོས་པ་དང་། ཨར་སྐྲུན་ཚན་རིག་དང་མཐུན་ཞིང་སྒྲིག་འཛུགས་འོས་ཤིང་འཚམས་པ་བྱས་ཏེ། རྣམ་གྲངས་སྔ་ཙམ་ནས་བསྐྲུན་ཚར་བ་བྱ་རྒྱུའི་འགན་ལེན་བརྒྱུད་རིམས་ནད་རྐྱེན་པས་དུས་འགྱངས་ཁ་གསབ་བྱེད་དགོས།
སན་ཤང་ལམ་ཆེན་ལྷོ་སྐྱེད་ལམ་དུམ་དང་། ཧུའུ་པེ་ལམ་ཆེན་ཕྱོགས་བསྡུས་སྦུག་ལམ། རྩེད་ཐང་ལམ་ཆེན། རི་ལིའི་བབས་ཚུགས་ཐང་ཆེན་སོགས་རྣམ་གྲངས་འཛུགས་སྐྲུན་ལས་ཡུལ་དུ། ཞུས་ཁྲེང་ཚང་གིས་ནན་བཤད་གནང་དོན། དེང་རབས་གྲོང་ཁྱེར་གྱི་འདུ་ཤེས་སྐྱེད་སྲིང་དང་གྲོང་ཁྱེར་དོ་དམ་བྱེད་པའི་ཚད་ནས་མི་དམངས་ཀྱི་གྲོང་ཁྱེར་མི་དམངས་ཀྱིས་འཛུགས་སྐྲུན་དང་མི་དམངས་ཀྱི་གྲོང་ཁྱེར་དམངས་ཆེད་བསྐྲུན་རྒྱུ་མཐའ་འཁྱོངས་བྱས་ཐོག བསམ་བློར་འགྱུར་ལྡོག་དང་། ཐབས་ལམ་འགྱུར་ལྡོག སྤྱོད་ཚུལ་འགྱུར་ལྡོག་བཅས་བརྒྱུད། གྲོང་ཁྱེར་གྱི་འཆར་འགོད་དང་། འཛུགས་སྐྲུན། བཅོས་སྐྱོང་བཅས་ཀྱི་ཆུ་ཚད་མཐོར་འདེགས་བྱེད་དགོས། གྲོང་ཁྱེར་གྱི་བཀོད་པ་དང་རྣམ་པར་དོ་དམ་བྱེད་ཤུགས་ཆེ་རུ་བཏང་སྟེ། དོ་དམ་ཕྲ་ཞིབ་ཅན་དུ་གཏོང་བའི་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས། མི་སྣ་གཙོ་བོར་བྱས་པའི་གྲོང་ཁྱེར་གྲོང་རྡལ་དཔེ་གསར་ཅན་བསྐྲུན་རྒྱུར་སྐུལ་འདེད་བཏང་སྟེ། ཁྲོམ་རས་ཐོན་ཁུངས་ལེགས་སྒྲིག་བྱེད་པའི་ཁྲོད་ཐོན་པའི་ཐག་གཅོད་རང་བཞིན་གྱི་ནུས་པ་འདོན་སྤེལ་བྱེད་དགོས་ལ་སྲིད་གཞུང་གི་ཧུར་བརྩོན་རང་བཞིན་གྱི་ནུས་པའང་འདོན་སྤེལ་བྱེད་དགོས། ཁྲོམ་རའི་དཔལ་འབྱོར་གྱི་འཁོར་རྒྱུག་ཆོས་ཉིད་ལ་བརྩི་འཇོག་བྱས་ཏེ། ཁྲོམ་རའི་དཔལ་འབྱོར་གྱི་འཁོར་རྒྱུག་ཆོས་ཉིད་ལ་བསྟུན་ནས་གྲོང་ཁྱེར་ཡོངས་ཀྱི་དཔལ་འབྱོར་སྤྱི་ཚོགས་སྐྱོན་བྲལ་ངང་འཕེལ་རྒྱས་ཡོང་རྒྱུར་སྐུལ་འདེད་གཏོང་དགོས། འཛུགས་སྐྲུན་གྱི་མྱུར་ཚད་མགྱོགས་སུ་བཏང་སྟེ། ལེ་ལག་ཚང་བའི་སྒྲིག་བཀོད་གཞི་གཅིག་ཅན་དང་སྔོ་འགྱུར་མཛེས་འགྱུར་སོགས་ཀྱི་ལས་དོན་ཁག་སྐུལ་སྤེལ་གཏོངདགོས། འཆར་འགོད་ལས་དོན་སྔོན་ནས་ཡག་པོ་སྒྲུབ་སྟེ། གློག་ཤུགས་དང་འཕྲིན་གཏོང་སོགས་ཀྱི་འབྲེལ་ཡོད་ཚན་པ་དང་འབྲེལ་མཐུད་ལས་ཀ་སྔོན་ནས་སྒྲུབ་ནས་སྔ་ཙམ་ནས་གློག་སྐུད་དང་འོད་སྐུད་ས་འོག་སྒྲིག་སྦྱོར་གྱི་གྲ་སྒྲིག་ལས་དོན་སྤེལ་དགོས།
དེ་རྗེས། ཞུས་ཁྲེང་ཚང་གིས་གཙོ་གནད་རྣམ་གྲངས་འགན་འཁུར་བློ་མཐུན་ཚོ་དང་བཞུགས་མོལ་གནང་སྟེ། རྣམ་གྲངས་འཛུགས་སྐྲུན་གྱི་མྱུར་ཚད་དང་མིག་སྔར་འཕྲད་པའི་དཀའ་ཁག་གནད་དོན་རེ་རེ་བཞིན་ལ་རྒྱུས་མངའ་གནང་བ་མ་ཟད། ས་གནས་ས་ཐོག་ཏུ་འབྲེལ་ཡོད་ཚན་པ་དང་མཉམ་དུ་ཐག་གཅོད་ཀྱི་ཇུས་གཞི་བཏོན་གནང་བ་རེད། ཁོང་གིས་བླང་བྱ་བཏོན་གནང་དོན། འགན་ནུས་ཚན་པས་སོ་སོའི་འགན་འཁྲིར་གཞིགས་ནས་ལས་བགོས་ཡག་པོ་བརྒྱབ་སྟེ། ཨར་སྐྲུན་ཚན་པ་དང་ཁེ་ལས་ཚོས་བཏོན་པའི་གནད་དོན་དག་རིགས་དབྱེ་ལེགས་སྒྲིག་དང་། རང་འགུལ་མཐུན་སྦྱོར། དོན་འཁྱོལ་དམ་འཛིན་བཅས་བྱས་ནས་རྣམ་གྲངས་འཛུགས་སྐྲུན་བདེ་བླག་ངང་སྤེལ་རྒྱུར་འགན་སྲུང་སྲ་ཞིང་བརྟན་པ་མཁོ་འདོན་བྱེད་དགོས།
ཞུས་ཁྲེང་ཚང་གིས་གྲོང་ཨུད་ཀྱི་ཚབ་ཞུས་ཏེ་ལྷོ་ཁའི་དཔལ་འབྱོར་སྤྱི་ཚོགས་འཕེལ་རྒྱས་ཆེད་ལེགས་སྐྱེལ་འབུལ་མཁན་གྱི་རྒྱ་ཆེའི་ཁེ་ལས་དང་རྣམ་གྲངས་འཛུགས་སྐྲུན་ཕྱོགས་ལ་སྙིང་དབུས་ནས་ཐུགས་རྗེ་ཆེ་ཞུས་གནང་བ་རེད། ཁོང་གིས་ནན་བཤད་གནང་དོན། རིམ་ཁག་ཏང་ཨུད་དང་སྲིད་གཞུང་། དེ་བཞིན་རྒྱ་ཆེའི་ཁེ་ལས་བཅས་ཀྱིས་ཡིད་ཆེས་བརྟན་གཏོང་དང་། མཐུན་སྒྲིལ་འབད་འཐབ། སེམས་ནུས་གཅིག་སྒྲིལ་བཅས་བྱས་ཏེ། ནུས་ཤུགས་ཡོད་རྒུས་གཙོ་གནད་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་དགོས། འབྲེལ་ཡོད་ཚན་པ་ཁག་གིས་ལས་ཀའི་དོན་དངོས་དང་ཟུང་འབྲེལ་བྱས་ཏེ། རང་འགུལ་ངང་དཀའ་ཁག་གནད་དོན་སེལ་རོགས་བྱས་པའི་ཁར། ཁེ་ལས་ཀྱི་ལས་ཐོན་བསྐྱར་ཚུགས་ཀྱི་བྱ་ཐབས་གསར་པ་འཚོལ་ཞིབ་བྱས་ནས་རིམས་ནད་ཀྱིས་བཟོས་པའི་ཤུགས་རྐྱེན་ངན་པ་ཉུང་དུ་གཏོང་དགོས། སྤྱོད་ཚུལ་ལ་འགྱུར་ལྡོག་བཏང་སྟེ། ལས་ཡུལ་དུ་བསྐྱོད་ནས་ཁེ་ལས་ཀྱི་དོན་དངོས་གནས་ཚུལ་ལ་རྒྱུས་མངའ་བྱས་ནས་དངུལ་རྩའི་ཞབས་ཞུ་དང་དངོས་ཟོག་སྐྱེལ་འདྲེན། རྒྱུ་ཆ་དབོར་འདྲེན། ལས་མི་བཀོལ་སྐྱོད་སོགས་ཀྱི་ཐད་ཞབས་ཞུའི་འགན་སྲུང་གནད་ལ་སྨིན་པ་མཁོ་འདོན་བྱེད་དགོས། ལོ་ཧྲིལ་པོའི་དམིགས་ཚད་ལ་དམ་པོར་དམིགས་ཏེ་དཀའ་ཁག་ཐམས་ཅད་ཁྱད་དུ་བསད་ནས་རྣམ་གྲངས་འཛུཊ་སྐྲུན་གྱི་མྱུར་ཚད་ལ་སྐུལ་འདེད་གཏོང་དགོས།
གྲོང་ཨུད་ཀྱི་ཧྲུའུ་ཅི་གཞོན་པ། གྲོང་སྤྱི་ཚེ་རིང་ཕུན་ཚོགས་དང་། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ཡང་ཁྲང་། གྲོང་སྤྱི་གཞོན་པ། སྣེ་གདོང་ཆུས་ཨུད་ཀྱི་ཧྲུའུ་ཅི་ཀྲང་ཝེ་བཅས་ཀྱིས་རྟོག་ཞིབ་ནང་མཉམ་དུ་ཞུགས་པ་རེད།
བསོད་ནམས་དོན་གྲུབ་ཀྱིས་བསྒྱུར།
