གཞི་རིམ་གྱི་གྲངས་ཉུང་མི་རིགས་ཏང་ཡོན་ཞིག་ཡིན་པའི་ངོས་ནས། འདི་ལོ་པེ་ཅིང་དུ་ཀྲུང་གོ་གུང་ཁྲན་ཏང་རྒྱལ་ཡོངས་འཐུས་མི་ཚོགས་ཆེན་ཐེངས་ཉི་ཤུ་པའི་ཚོགས་ཆེན་ནང་ཞུགས་རྒྱུ་བྱུང་བ་ནི། ངའི་མི་ཚེའི་ནང་བརྗེད་པར་དཀའ་བའི་མྱོང་བརྒྱུད་ཅིག་རེད། སེམས་ནང་སྤོབས་སེམས་ཆེན་པོ་སྐྱེས་པ་དང་སྦྲགས་དེ་ནི་བརྗིད་ཆེའི་འགན་འཁྲི་ཞིག་ཡིན་པ་ཚོར་བྱུང་ཞེས་བསོད་ནམས་བདེ་སྐྱིད་ཀྱིས་འདི་ལྟར་གླེང་།

ཟླ་10པའི་ཚེས་28ཉིན་ཕྱི་དྲོར། ཏང་གི་ཚོགས་ཆེན་ཉི་ཤུ་པའི་འཐུས་མི། ལྷོ་ཁ་གྲོང་ཁྱེར་མཚོ་སྣ་རྫོང་སྐྱིད་པ་མོན་པ་མི་རིགས་ཤང་ཏང་ཨུད་ཀྱི་ཧྲུའུ་ཅི་གཞོན་པ། ཤང་ཀྲང་བཅས་ཡིན་པའི་བསོད་ནམས་བདེ་སྐྱིད་ཚོགས་ཆེན་ལ་ཞུགས་རྗེས་ཕ་ཡུལ་དུ་ལོག

གནས་ཚུལ་འདི་ཤེས་རྗེས། ཤང་ཡོངས་ཀྱི་ཏང་ཡོན་ལས་བྱེད་པ་དང་མང་ཚོགས་འཐུས་ཚབ་མི་སྣས་ཤང་སྲིད་གཞུང་གི་སྒོ་རྩར་བསོད་ནམས་བདེ་སྐྱིད་བསུ་བ་ཞུ་ཆེད་དང་ཁོང་གིས་ལས་གནས་ཐོག་ལོག་རྗེས་ཀྱི་སྒྲོག་འགྲེལ་ཐེངས་དང་པོ་ཉན་རྒྱུར་སྔ་ས་ནས་སྒུག་ནས་བསྡད་འདུག སྒྲོག་འགྲེལ་ནང་། བསོད་ནམས་བདེ་སྐྱིད་ཀྱིས་ཚང་མར་གསོན་ཉམས་དོད་པོས་ཏང་གི་ཚོགས་ཆེན་ཉི་ཤུ་པའི་སྙན་སྒྲོན་དགོངས་དོན་གསལ་འགྲེལ་གནང་ཐོག པེ་ཅིང་དུ་ཏང་གི་ཚོགས་ཆེན་ཉི་ཤུ་པར་ཞུཊ་སྐབས་ཀྱི་མཐོང་ཐོས་མྱོང་གསུམ་ལྷུག་གླེང་གནང་བས། ཀུན་ལ་མྱོང་ཚོར་མཉམ་སྐྱེས་བྱུང་བ་རེད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གནང་བའི་སྙན་སྒྲོན་ནི་དངོས་ཐོག་བདེན་འཚོལ་དང་མི་སེམས་འགུལ་བ་ཞིག་རེད།

（པར་ངོས་གཉིས་པར་གཟིགས）