འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར། ལྷོ་བྲག་རྫོང་གིས་རྫོང་དེའི་མི་རིགས་ལས་དོན་གྱི་འབྲེལ་ཡོད་ལས་བྱེད་པ་སྒྲིག་འཛུགས་བྱས་ཏེ་མི་རིགས་མཐུན་སྒྲིལ་ཡར་ཐོན་གཏོད་པའི་ཕན་ཚུན་ལྟ་བཤེར་གྱི་བྱེད་སྒོ་སྤེལ་བ་རེད།

བྱེད་སྒོ་སྤེལ་རིང་། ཕན་ཚུན་ལྟ་བཤེར་ཚོགས་ཆུང་གིས་སྔ་རྗེས་སུ་ཤང་གྲོང་རྡལ་བདུན་དང་།སྡེ་ཁུལ།སློབ་འབྲིང་།ལས་ཁུངས་ཚན་པ། མཐའ་མཚམས་དོ་དམ་རུ་ཆེན་སོགས་ཚན་པ་བཅོ་བརྒྱད་དུ་བསྐྱོད་དེ་ས་གནས་ས་ཐོག་ཏུ་དཔྱད་བརྗོད་དང་ཡིག་ཚགས་དཔྱད་གཞིར་ལྟ་རྒྱུ་ཟུང་འབྲེལ་བྱེད་པའི་ཐབས་ལམ་བརྒྱུད། ཚན་པ་ཁག་གིས་འཛུགས་གཏོད་བྱེད་སྒོའི་གཅིག་བྱས་པ་བདུན་གྱི་ལས་དོན་སྒྲུབ་སྟངས་དོན་འཁྱོལ་བྱས་ཚུལ་ལ་ཕན་ཚུན་ལྟ་སྐོར་དང་ཕན་ཚུན་ཞིབ་བཤེར་བྱས་པ་དང་སྦྲགས་ལྷག་པའི་གནད་དོན་ལ་ལྡོག་བཤེར་བྱས་ནས་བཅོས་སྒྲིག་གྲོས་འགོ་བཏོན་པ་རེད། ཕན་ཚུན་ལྟ་སྐོར་དང་ཕན་ཚུན་ཞིབ་བཤེར་མཇུག་འགྲིལ་རྗེས་སྤེལ་རེས་ཀྱི་བཞུགས་མོལ་ཚོགས་འདུ་འཚོགས་ཤིང་། ཚོགས་འདུའི་ཐོག་ཕན་ཚུན་ལྟ་བཤེར་ཚོགས་ཆུང་གི་ཁོངས་མིས་རང་སོ་སོའི་ལས་ཀའི་དོན་དངོས་དང་ཟུང་འབྲེལ་བྱས་ཏེ་ལྟ་སྦྱོང་གི་མྱོང་ཚོར་སྙན་སེང་ཞུས་པ་དང་།ཚང་མས་གང་བསམ་ལྷུག་བརྗོད་ཀྱིས་གྲུབ་འབྲས་ཀྱི་མྱོང་ཚོར་གླེང་བ་མ་ཟད། ཧེ་བག་དང་ཞན་ཆ་འདོན་རེས་བྱས་ཏེ།བསམ་འཆར་དང་གྲོས་འགོ་བཏོན་པ་མ་ཟད། མི་རིགས་མཐུན་སྒྲིལ་ལས་དོན་ལ་ཤུགས་སྣོན་རྒྱག་པའི་བསམ་ཕྱོགས་དང་བྱ་ཐབས་སྤེལ་རེས་བྱས་ཏེ་དགེ་སྤེལ་སྐྱོན་སྤོང་དང་ཐུན་མོང་ཡར་ཐོན་གྱི་རྣམ་པ་བཟང་པོ་ཞིག་བཏོད་ཡོད་པ་རེད། བསོད་བསྟན་གྱིས་བསྒྱུར།